| من كتاب الطهارة وضو اور طہارت کے مسائل 90. باب في الْبِكْرِ يَسْتَمِرُّ بِهَا الدَّمُ: کنواری لڑکی کا بیان جس کا خون جاری رہے
قتادہ اور قیس بن سعد نے کنواری لڑکی کے بارے میں عطاء سے روایت کیا کہ اسے حیض آیا اور خون جاری رہا تو ایسی صورت میں وہ اپنے ہم مثل عورتوں کے مطابق نماز ترک کرے گی۔
تخریج الحدیث: «الأثران إسنادهما صحيح، [مكتبه الشامله نمبر: 875]»
یہ اثر صحیح ہے۔ دیکھئے: [مصنف عبدالرزاق 1200]، [بيهقي 340/1]، امام شافعی سے بھی یہی مروی ہے۔ وضاحت:
(تشریح حدیث 870) یعنی ایسی بالغ لڑکی جس کو پہلی بار حیض آیا اور آتا ہی رہا تو وہ کتنے دن حائضہ شمار کی جائے گی اور کب مستحاضہ شمار کی جائے گی؟ ایسی صورت میں جتنے دن خاندان کی عورتیں عموماً حیض والی ہوتی ہیں وہ بھی انہیں کی طرح ان کے ایامِ ماہواری میں نماز چھوڑ دے گی، باقی دن استحاضہ شمار ہوں گے۔ قال الشيخ حسين سليم أسد الداراني: الأثران إسنادهما صحيح
سفیان نے کہا: جب عورت کو پہلی بار حیض آئے تو وہ اپنے ہم مثل عورتوں کی طرح حائضہ شمار ہو گی، امام دارمی رحمہ اللہ سے پوچھا گیا تو انہوں نے کہا: یہی قرینِ قیاس ہے۔
تخریج الحدیث: «إسناده صحيح، [مكتبه الشامله نمبر: 876]»
اس روایت کی سند صحیح ہے۔ دیکھئے: [مصنف عبدالرزاق 1203] قال الشيخ حسين سليم أسد الداراني: إسناده صحيح
|