| من كتاب الطهارة وضو اور طہارت کے مسائل 15. باب الاِسْتِنْجَاءِ بِالْمَاءِ: پانی سے استنجاء کرنے کا بیان
سیدنا انس بن مالک رضی اللہ عنہ سے روایت ہے کہ جب نبی کریم صلی اللہ علیہ وسلم رفع حاجت کے لئے جاتے تو میں اور ایک لڑکا نیزہ اور پانی کا برتن لے آتے جس سے آپ وضو فرماتے تھے۔
تخریج الحدیث: «إسناده صحيح، [مكتبه الشامله نمبر: 702]»
یہ حدیث ہے۔ دیکھئے: [صحيح بخاري 150] و [صحيح مسلم 271] و [مسند أبى يعلی 3659] و [صحيح ابن حبان 1442] قال الشيخ حسين سليم أسد الداراني: إسناده صحيح
سیدنا انس رضی اللہ عنہ سے روایت ہے کہ نبی کریم صلی اللہ علیہ وسلم جب بیت الخلاء سے باہر آتے تو ایک لڑکا پانی کی ایک ڈولچی لے آتا جس سے آپ صلی اللہ علیہ وسلم استنجاء فرماتے تھے۔ امام دارمی ابومحمد رحمہ اللہ نے فرمایا: ابومعاذ کا نام عطاء بن منيع ابی میمونہ ہے۔
تخریج الحدیث: «إسناده صحيح، [مكتبه الشامله نمبر: 703]»
اس روایت کی سند صحیح ہے۔ دیکھئے: [صحيح بخاري 150]۔ نیز دیکھئے: [نيل الأوطار 121/1] قال الشيخ حسين سليم أسد الداراني: إسناده صحيح
مسیّب بن نجبۃ نے کہا کہ میری پھوپھی جو سیدنا حذیفہ رضی اللہ عنہ کے نکاح میں تھیں، انہوں نے بیان کیا کہ سیدنا حذیفہ رضی اللہ عنہ پانی سے استنجاء کرتے تھے۔
تخریج الحدیث: «إسناده ضعيف فيه جهالة، [مكتبه الشامله نمبر: 704]»
اس روایت کی سند میں راوی مجہول ہیں، اور اس کو [أبوداؤد 45]، [نسائي 50] و [ابن أبى شيبه 152/1] نے روایت کیا ہے۔ وضاحت:
(تشریح احادیث 697 سے 700) ان نصوص سے پانی سے استنجاء کرنا ثابت ہوا۔ قال الشيخ حسين سليم أسد الداراني: إسناده ضعيف فيه جهالة
|