|
 |
الحمدللہ ! احادیث کتب الستہ آف لائن ایپ ریلیز کر دی گئی ہے۔
|
1- حدیث نمبر سے حدیث تلاش کیجئے: |
بلوغ المرام
बुलूग़ अल-मराम
كتاب الجامع
متفرق مضامین کی احادیث
4. باب الرهب من مساوئ الأخلاق
4. برے اخلاق و عادات سے ڈرانے اور خوف دلانے کا بیان
| حدیث نمبر: 1277 |
سیدنا ابوہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا ” اپنے آپ کو حسد سے بچاؤ اس لئے کہ حسد نیکیوں کو اس طرح کھا جاتا ہے جس طرح آگ لکڑیوں کو کھا جاتی ہے۔“ اس کی تخریج ابوداؤد نے کی ہے اور ابن ماجہ میں بھی سیدنا انس رضی اللہ عنہ سے اسی طرح مروی ہے۔ [بلوغ المرام/كتاب الجامع/حدیث: 1277]
تخریج الحدیث: «أخرجه أبوداود، الأدب، باب في الحسد، حديث:4903.* جد إبراهيم بن أبي أسيد لا يعرف (تقريب) والحديث ضعفه البخاري، وحديث أنس: أخرجه ابن ماجه، الزهد، حديث:4210، وفيه عيسي الحناط وهو متروك (تقريب).»
| حدیث نمبر: 1278 |
سیدنا ابوہریرہ رضی اللہ عنہ سے ہی روایت ہے کہ رسول اللہ صلی اللہ علیہ وسلم نے فرمایا ” کسی کو پچھاڑ دینا بہادری نہیں ہے۔ بہادر تو وہ ہے جو غصہ میں اپنے آپ کو قابو میں رکھے۔“ (بخاری و مسلم) [بلوغ المرام/كتاب الجامع/حدیث: 1278]
تخریج الحدیث: «أخرجه البخاري، الأدب، باب الحذر من الغضب، حديث:6114، ومسلم، البر والصلة، باب فضل من يملك نفسه عند الغضب...، حديث:2609.»
| حدیث نمبر: 1279 |
سیدنا ابن عمر رضی اللہ عنہما سے روایت ہے کہ رسول اللہ صلی اللہ علیہ وسلم نے فرمایا ” ظلم قیامت کے روز بہت سی تاریکیوں اور اندھیروں کا باعث ہے۔ (بخاری و مسلم) [بلوغ المرام/كتاب الجامع/حدیث: 1279]
تخریج الحدیث: «أخرجه البخاري، المظالم، باب الظلم ظلمات يوم القيامة، حديث:2447، ومسلم، البر والصلة، باب تحريم الظلم، حديث:2579.»
| حدیث نمبر: 1280 |
سیدنا جابر رضی اللہ عنہ سے مروی ہے کہ رسول اللہ صلی اللہ علیہ وسلم نے فرمایا ” ظلم سے بچو کیونکہ ظلم قیامت کے روز اندھیرے اور تاریکیاں ہوں گی۔ نیز بخیلی سے بھی بچو تم سے پہلے گزرے ہوئے لوگ اسی سے ہلاک ہوئے ہیں۔“ (مسلم) [بلوغ المرام/كتاب الجامع/حدیث: 1280]
تخریج الحدیث: «أخرجه مسلم، البر والصلة، باب تحريم الظلم، حديث:2578.»
| حدیث نمبر: 1281 |
سیدنا محمود بن لبید رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا ” سب سے زیادہ خوف تمہارے لئے مجھے شرک اصغر کا ہے اور وہ ریاکاری ہے۔“ امام احمد نے اسے سند حسن کے ساتھ نکالا ہے۔ [بلوغ المرام/كتاب الجامع/حدیث: 1281]
تخریج الحدیث: «أخرجه أحمد: 5 /428، 429.»
| حدیث نمبر: 1282 |
سیدنا ابوہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا ” منافق کی تین نشانیاں ہیں۔ جب بات کرے تو جھوٹ بولے اور جب وعدہ کرے تو وعدہ خلافی کرے اور جب اس کے پاس امانت رکھی جائے تو اس میں خیانت کرے۔“ (بخاری و مسلم) اور دونوں کے ہاں عبداللہ بن عمر رضی اللہ عنہما کی روایت میں ہے کہ ” جب لڑتا ہے تو گالی بکتا ہے۔“ [بلوغ المرام/كتاب الجامع/حدیث: 1282]
تخریج الحدیث: «أخرجه البخاري، الإيمان، باب علامات المنافق، حديث:33، ومسلم، الإيمان، باب خصال المنافق، حديث:59، وحديث عبدالله بن عمر: أخرجه البخاري، الإيمان، حديث:34، ومسلم، الإيمان، حديث:58.»
| حدیث نمبر: 1283 |
سیدنا ابن مسعود رضی اللہ عنہما سے مروی ہے کہ رسول اللہ صلی اللہ علیہ وسلم نے فرمایا ” مسلمان کو گالی دینا فسق ہے اور اسے قتل کرنا کفر ہے۔“ (بخاری و مسلم) [بلوغ المرام/كتاب الجامع/حدیث: 1283]
تخریج الحدیث: «أخرجه البخاري، الأدب، باب ما ينهي من السباب واللعن، حديث:6044، ومسلم، الإيمان، باب بيان قول النبي صلي الله عليه وسلم سباب المسلم فسوق وقتاله كفر"، حديث:64.»
| حدیث نمبر: 1284 |
سیدنا ابوہریرہ رضی اللہ عنہ سے مروی ہے کہ رسول اللہ صلی اللہ علیہ وسلم نے فرمایا ” بدگمانی سے بچو کیونکہ بدگمانی بہت بڑا جھوٹ ہے۔“ (بخاری و مسلم) [بلوغ المرام/كتاب الجامع/حدیث: 1284]
تخریج الحدیث: «أخرجه البخاري، النكاح، باب لايخطب علي خبطة أخيه حتي ينكح أو يدع، حديث:5143، ومسلم، البر والصلة، باب تحريم الظن والتجسس...،حديث:2563.»
| حدیث نمبر: 1285 |
سیدنا معقل بن یسار رضی اللہ عنہ سے روایت ہے کہ میں نے رسول اللہ صلی اللہ علیہ وسلم کو فرماتے سنا ہے کہ جس بندے کو حاکم بنا کر رعیت اس کے سپرد کر دی جائے اگر اسے ایسی حالت میں موت آئے کہ رعیت و عوام میں خیانت کا ارتکاب کرتا رہا ہو تو ایسے حاکم پر اللہ تعالیٰ اپنی جنت حرام کر دیتا ہے۔ (بخاری و مسلم) [بلوغ المرام/كتاب الجامع/حدیث: 1285]
تخریج الحدیث: «أخرجه البخاري، الأحكام، باب من استرعي رعية فلم ينصح، حديث:7150، ومسلم، الإيمان، باب استحقاق الوالي الغاش لرعيته النار، حديث:142.»
| حدیث نمبر: 1286 |
سیدہ عائشہ رضی اللہ عنہا سے روایت ہے کہ رسول اللہ صلی اللہ علیہ وسلم نے فرمایا ” یا الٰہی! میری امت سے جو شخص کسی کام کا والی و سربراہ بنایا جائے اور وہ لوگوں کو مشقت میں مبتلا کرے تو، تو اس پر سختی فرما۔“ (مسلم) [بلوغ المرام/كتاب الجامع/حدیث: 1286]
تخریج الحدیث: «أخرجه مسلم، الإمارة، باب فضيلة الأمير العادل...، حديث:1828.»
| حدیث نمبر: 1287 |
سیدنا ابوہریرہ رضی اللہ عنہ سے ہی روایت ہے کہ رسول اللہ صلی اللہ علیہ وسلم نے فرمایا ” جب تم میں سے کوئی لڑائی کرے تو منہ پر مارنے سے اجتناب کرے۔“ (بخاری و مسلم) [بلوغ المرام/كتاب الجامع/حدیث: 1287]
تخریج الحدیث: «أخرجه البخاري، العتق، باب إذا ضرب العبد فليجتنب الوجه، حديث:2559، ومسلم، البر والصلة، باب النهي عن ضرب الوجه، حديث:2612.»
| حدیث نمبر: 1288 |
سیدنا ابوہریرہ رضی اللہ عنہ سے مروی ہے کہ ایک آدمی نے رسول اللہ صلی اللہ علیہ وسلم سے عرض کیا مجھے کوئی نصیحت فرمائیں۔ آپ صلی اللہ علیہ وسلم نے فرمایا کہ ” غصہ مت کیا کرو۔“ اس نے یہی سوال چند مرتبہ کیا۔ آپ صلی اللہ علیہ وسلم نے ہر مرتبہ یہی جواب ارشاد فرمایا کہ ” غصہ نہ کیا کرو۔“ (بخاری) [بلوغ المرام/كتاب الجامع/حدیث: 1288]
تخریج الحدیث: «أخرجه البخاري، الأدب، باب الحذر من الغضب، حديث:6116.»
| حدیث نمبر: 1289 |
سیدہ خولہ انصاریہ رضی اللہ عنہا سے روایت ہے کہ رسول اللہ صلی اللہ علیہ وسلم نے فرمایا ” کچھ لوگ اللہ کے مال میں ناحق دخل انداز ہوتے ہیں۔ قیامت کے روز ایسے لوگوں کیلئے جہنم کی آگ ہے۔ (بخاری) [بلوغ المرام/كتاب الجامع/حدیث: 1289]
تخریج الحدیث: «أخرجه البخاري، فرض الخمس، باب قوله تعالي: "فأن الله خمسه وللرسول" حديث:3118.»
| حدیث نمبر: 1290 |
سیدنا ابوذر رضی اللہ عنہ نے نبی کریم صلی اللہ علیہ وسلم سے روایت کیا، ان خبروں کے متعلق جو آپ صلی اللہ علیہ وسلم اللہ تعالیٰ سے بیان فرماتے ہیں کہ اللہ تعالیٰ نے فرمایا ” اے میرے بندو! میں نے ظلم کو اپنے اوپر حرام کر لیا ہے اور تمہارے درمیان بھی حرام کر دیا ہے۔ لہذا تم ایک دوسرے پر ظلم نہ کرو۔ “ (مسلم) [بلوغ المرام/كتاب الجامع/حدیث: 1290]
تخریج الحدیث: «أخرجه مسلم، البر والصلة، باب تحريم الظلم، حديث:2577.»
| حدیث نمبر: 1291 |
سیدنا ابوہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا ” تمہیں معلوم ہے کہ غیبت کسے کہتے ہیں؟“ صحابہ رضی اللہ عنہم نے عرض کیا اللہ اور اس کا رسول ( صلی اللہ علیہ وسلم ) ہی بہتر جانتے ہیں۔ آپ صلی اللہ علیہ وسلم نے فرمایا ” غیبت یہ ہے کہ تو اپنے بھائی کا ذکر برائی سے کرے۔“ کسی نے عرض کیا جو بات میں کہتا ہوں اگر وہ میرے بھائی میں پائی جائے تو؟ آپ صلی اللہ علیہ وسلم نے جواب میں ارشاد فرمایا ” جو کچھ تم اپنے بھائی کے متعلق کہتے ہو اگر وہ اس میں پائی جاتی ہے تو اس کی تو نے غیبت کی اور اگر وہ بات جو تم اس کے متعلق کہتے ہو اس میں موجود ہی نہیں تو اس پر تو نے بہتان تراشی کی ہے۔“ (مسلم) [بلوغ المرام/كتاب الجامع/حدیث: 1291]
تخریج الحدیث: «أخرجه مسلم، البروالصلة، باب تحريم الغيبة، حديث:2589.»
| حدیث نمبر: 1292 |
سیدنا ابوہریرہ رضی اللہ عنہ سے ہی روایت ہے کہ رسول اللہ صلی اللہ علیہ وسلم نے فرمایا ” ایک دوسرے سے حسد نہ کرو اور قیمتیں نہ بڑھاؤ۔ ایک دوسرے سے بےرخی نہ اختیار کرو۔ ایک دوسرے کی پیٹھ پیچھے غیبت نہ کرو۔ ایک دوسرے کے سودے پر سودا نہ کرو۔ اللہ کے بندو! آپس میں بھائی بھائی بن جاؤ۔ مسلمان، مسلمان کا بھائی ہے۔ نہ اس پر ظلم کرتا ہے اور نہ اسے بے یار و مددگار چھوڑتا ہے اور نہ اسے حقیر ہی سمجھتا ہے۔“ اپنے سینہ کی طرف تین مرتبہ اشارہ کر کے فرمایا کہ ” تقویٰ یہاں ہے۔ کسی آدمی کیلئے بس اتنا ہی گناہ کافی ہے کہ وہ اپنے مسلمان بھائی کو حقیر سمجھے۔ ہر مسلمان پر دوسرے مسلمان کا خون، مال اور آبرو حرام ہے۔“ (مسلم) [بلوغ المرام/كتاب الجامع/حدیث: 1292]
تخریج الحدیث: «أخرجه مسلم، البر والصلة، باب تحريم ظلم المسلم...، حديث:2564.»
| حدیث نمبر: 1293 |
سیدنا قطبہ بن مالک رضی اللہ عنہ سے روایت ہے کہ رسول اللہ صلی اللہ علیہ وسلم یہ دعائیہ کلمات فرمایا کرتے تھے «اللهم جنبني منكرات الأخلاق والأعمال والأهواء والأدواء» ” الٰہی! مجھے برے اخلاق، برے اعمال، بری خواہشات اور بری بیماریوں سے بچا۔“ اس کو ترمذی نے روایت کیا ہے اور حاکم نے اسے صحیح کہا ہے اور یہ الفاظ اسی کے ہیں۔ [بلوغ المرام/كتاب الجامع/حدیث: 1293]
تخریج الحدیث: «أخرجه الترمذي، الدعوات، باب دعاء أم سلمة، حديث:3591، والحاكم:1 /532 وصححه علي شرط مسلم.»
| حدیث نمبر: 1294 |
سیدنا ابن عباس رضی اللہ عنہما سے مروی ہے کہ رسول اللہ صلی اللہ علیہ وسلم نے فرمایا ” اپنے مسلمان بھائی سے جھگڑا مت کرو اور نہ اس سے مذاق کرو اور اس سے ایسا وعدہ بھی نہ کرو جس کی بعد میں خلاف ورزی کرو۔“ اسے ترمذی نے کمزور سند سے روایت کیا ہے۔ [بلوغ المرام/كتاب الجامع/حدیث: 1294]
تخریج الحدیث: «أخرجه الترمذي، البر والصلة، باب ما جاء في المراء، حديث:1995.* فيه ليث بن أبي سليم ضعيف.»
| حدیث نمبر: 1295 |
سیدنا ابو سعید خدری رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا کہ ” دو خصلتیں ایسی ہیں جو کسی مومن میں جمع نہیں ہو سکتیں بخل اور برا اخلاق۔“ اسے ترمذی نے روایت کیا ہے اور اس کی سند میں ضعف ہے۔ [بلوغ المرام/كتاب الجامع/حدیث: 1295]
تخریج الحدیث: «أخرجه الترمذي، البر والصلة، باب ما جاء في البخل، حديث:1962.* صدقة بن موسي ضعيف، ضعفه الجمهور من جهة حفظه.»
| حدیث نمبر: 1296 |
سیدنا ابوہریرہ رضی اللہ عنہ سے مروی ہے کہ رسول اللہ صلی اللہ علیہ وسلم نے فرمایا ” گالی گلوچ کرنے والے دو آدمیوں میں سے ابتداء کرنے والے پر بار گناہ ہے تاوقتیکہ مظلوم زیادتی نہ کرے۔“ (مسلم) [بلوغ المرام/كتاب الجامع/حدیث: 1296]
تخریج الحدیث: «أخرجه مسلم، البر والصلة، باب النهي عن السباب، حديث:2587.»
| حدیث نمبر: 1297 |
سیدنا ابو صرمہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا ” جس نے کسی مسلمان کو ضرر پہنچایا، اللہ تعالیٰ اسے ضرر دے گا اور جس نے کسی مسلمان کو مشقت میں مبتلا کیا اللہ تعالیٰ اسے مشقت اور مصیبت میں مبتلا فرمائے گا۔ “ اس حدیث کو ابوداؤد اور ترمذی نے روایت کیا ہے اور ترمذی نے اسے حسن قرار دیا ہے۔ [بلوغ المرام/كتاب الجامع/حدیث: 1297]
تخریج الحدیث: «أخرجه أبوداود، القضاء، باب في القضاء، حديث:3635، والترمذي، البر والصلة، حديث:1940، لؤلؤة يوثقها غير الترمذي.»
| حدیث نمبر: 1298 |
سیدنا ابوالدرداء رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا ” بیشک اللہ تعالیٰ بدخو، فحش گو کو ناپسند کرتا ہے۔“ اسے ترمذی نے صحیح سند سے روایت کیا ہے۔ [بلوغ المرام/كتاب الجامع/حدیث: 1298]
تخریج الحدیث: «أخرجه الترمذي، البر والصلة، باب ما جاء في حسن الخلق، حديث:2002.»
| حدیث نمبر: 1299 |
انہیں ابودرداء رضی اللہ عنہ سے سیدنا عبداللہ بن مسعود رضی اللہ عنہما کی ایک مرفوع روایت میں ہے کہ ایک مومن بہت طعن کرنے والا بہت لعنت کرنے والا فحش گوئی کرنے والا اور بےحیاء نہیں ہوتا۔ ترمذی نے اس حدیث کو حسن کہا ہے اور حاکم نے اسے صحیح قرار دیا ہے۔ [بلوغ المرام/كتاب الجامع/حدیث: 1299]
تخریج الحدیث: «أخرجه الترمذي، البر والصلة، باب ما جاء في اللعنة، حديث:1977، والحاكم:1 /12 وصححه.»
| حدیث نمبر: 1300 |
سیدہ عائشہ رضی اللہ عنہا سے روايت ہے كہ رسول اللہ صلی اللہ علیہ وسلم نے فرمایا ” فوت شدگان کو گالی نہ دو کیونکہ انہوں نے جو کچھ کیا تھا اس تک وہ پہنچ چکے ہیں۔“ (بخاری) [بلوغ المرام/كتاب الجامع/حدیث: 1300]
تخریج الحدیث: «أخرجه البخاري، الرقاق، باب سكرات الموت، حديث:6516.»
| حدیث نمبر: 1301 |
سیدنا حذیفہ رضی اللہ عنہ سے مروی ہے کہ رسول اللہ صلی اللہ علیہ وسلم نے فرمایا ” چغل خور جنت میں داخل نہیں ہو گا۔“ (بخاری و مسلم) [بلوغ المرام/كتاب الجامع/حدیث: 1301]
تخریج الحدیث: «أخرجه البخاري، الأدب، باب ما يكره من النميمة، حديث:6056، ومسلم، الإيمان، باب بيان غلظ تحريم النميمة، حديث:105.»
| حدیث نمبر: 1302 |
سیدنا انس رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا ” جس کسی نے اپنے غصے کو روک لیا اللہ تعالیٰ اس سے اپنا عذاب روک لے گا۔“ اسے طبرانی نے الاوسط میں نکالا ہے۔ ابن عمر رضی اللہ عنہما کی حدیث اس کی شاہد ہے جسے ابن ابی الدنیا نے نقل کیا ہے۔ [بلوغ المرام/كتاب الجامع/حدیث: 1302]
تخریج الحدیث: «أخرجه الطبراني في الأوسط كما في مجمع الزاوئد:10 /298، وأبويعلي في مسنده:7 /302، حديث:1583 وسنده ضعيف، وحديث ابن عمر: أخرجه ابن أبي الدنيا في الصمت (21) وسند ضعيف، ضعفه السيوطي، وحسنه العراقي، وللحديث شواهد ضعيفة عند الضياء وغيره.»
| حدیث نمبر: 1303 |
سیدنا ابوبکر صدیق رضی اللہ عنہ سے مروی ہے کہ رسول اللہ صلی اللہ علیہ وسلم نے فرمایا ” دھوکہ باز، بخیل اور بدخلق آدمی جنت میں داخل نہیں ہو گا۔“ ترمذی نے اس کو روایت کیا ہے اور اس نے اسے دو احادیث کی صورت میں الگ الگ بیان کیا ہے اور اس کی سند میں ضعف ہے۔ [بلوغ المرام/كتاب الجامع/حدیث: 1303]
تخریج الحدیث: «أخرجه الترمذي، البر والصلة، باب ما جاء في البخل، حديث:1963 وقال: حسن غريب.* صدقة وفرقد ضعيفان.»
| حدیث نمبر: 1304 |
سیدنا ابن عباس رضی اللہ عنہما سے مروی ہے کہ رسول اللہ صلی اللہ علیہ وسلم نے فرمایا ” جو کوئی کسی قوم کی بات سننے کی سعی کرے جبکہ وہ اسے ناپسند کرتے ہوں تو قیامت کے روز اس کے دونوں کانوں میں سیسہ ڈالا جائے گا۔“ «آنك» کا معنی سیسہ ہے۔ (بخاری) [بلوغ المرام/كتاب الجامع/حدیث: 1304]
تخریج الحدیث: «أخرجه البخاري، التعبير، باب من كذب في حلمه، حديث:7042.»
| حدیث نمبر: 1305 |
سیدنا انس رضی اللہ عنہ سے مروی ہے کہ رسول اللہ صلی اللہ علیہ وسلم نے فرمایا ” اس شخص کو مبارک ہے جس کو اپنے عیب نظر آئیں اور دوسرے لوگوں کے عیوب نظر نہ آئیں۔ “ اس روایت کو بزار نے حسن سند سے نکالا ہے۔ [بلوغ المرام/كتاب الجامع/حدیث: 1305]
تخریج الحدیث: «أخرجه البزار، كشف الأستار، حديث:3225، وضعفه العراقي كما في "اتحاف المتقين":7 /465، وله طريق آخر ضعيف جدًا موضوع عند ابن الجوزي في العلل المتناهية: 2 /343، 344، حديث:1385.»
| حدیث نمبر: 1306 |
سیدنا ابن عمر رضی اللہ عنہما سے مروی ہے کہ رسول اللہ صلی اللہ علیہ وسلم نے فرمایا ” جو کوئی اپنے آپ کو بڑا آدمی سمجھے اور اکٹر کر چلے وہ اللہ سے ایسی حالت میں ملاقات کرے گا کہ وہ اس پر غضب ناک ہو گا۔ “ حاکم نے اسے نکالا ہے اور اس کے راوی ثقہ ہیں۔ [بلوغ المرام/كتاب الجامع/حدیث: 1306]
تخریج الحدیث: «أخرجه الحاكم:1 /60 وصححه علي شرط الشيخين، ووافقه الذهبي، وأحمد:2 /118، والبخاري في الأدب المفرد، حديث:549.»
| حدیث نمبر: 1307 |
سیدنا سہل بن سعد رضی اللہ عنہ سے مروی ہے کہ رسول اللہ صلی اللہ علیہ وسلم نے فرمایا ” جلد بازی و عجلت پسندی شیطانی کام ہے۔ “ اس کو ترمذی نے روایت کیا ہے اور اسے حسن قرار دیا ہے۔ [بلوغ المرام/كتاب الجامع/حدیث: 1307]
تخریج الحدیث: «أخرجه الترمذي، البر والصلة، باب ما جاء في التأني والعجلة، حديث:2012، وقال: غريب.* عبدالمهيمن ضعيف (تقريب).»
| حدیث نمبر: 1308 |
سیدہ عائشہ رضی اللہ عنہا سے مروی ہے کہ رسول اللہ صلی اللہ علیہ وسلم نے فرمایا ” بد خلقی نحوست ہے۔“ اس کو احمد نے روایت کیا ہے اور اس کی سند ضعیف ہے۔ [بلوغ المرام/كتاب الجامع/حدیث: 1308]
تخریج الحدیث: «أخرجه أحمد:6 /85، وقال الهيثمي في مجمع الزوائد:6 /85 وفيه أبوبكر بن أبي مريم وهو ضعيف.»
| حدیث نمبر: 1309 |
سیدنا ابوالدرداء رضی اللہ عنہ سے مروی ہے کہ رسول اللہ صلی اللہ علیہ وسلم نے فرمایا ” بلاشبہ لعنت کرنے والے قیامت کے روز نہ سفارش کرنے والے ہوں گے اور نہ گواہی دینے والے۔“ (مسلم) [بلوغ المرام/كتاب الجامع/حدیث: 1309]
تخریج الحدیث: «أخرجه مسلم، البر والصلة، باب النهي عن لعن الدواب وغيرها، حديث:2598.»
| حدیث نمبر: 1310 |
سیدنا معاذ بن جبل رضی اللہ عنہ سے مروی ہے کہ رسول اللہ صلی اللہ علیہ وسلم نے فرمایا ” جو شخص کسی مسلمان کو کسی گناہ کی عار دلائے گا تو وہ خود وہ کام کر کے مرے گا۔“ اس کو ترمذی نے نکالا ہے اور اسے حسن قرار دیا ہے حالانکہ اس کی سند میں انقطاع ہے۔ [بلوغ المرام/كتاب الجامع/حدیث: 1310]
تخریج الحدیث: «أخرجه الترمذي، صفة القيامة، باب 53، حديث:2505، وقال: غريب.* محمد بن الحسن الهمداني ضعيف، والسند منقطع.»
| حدیث نمبر: 1311 |
سیدنا بہز بن حکیم اپنے باپ سے اور انہوں نے اپنے دادا سے روایت کی ہے کہ رسول اللہ صلی اللہ علیہ وسلم نے فرمایا ” ہلاکت ہے اس شخص پر جو جھوٹی باتیں سنا کر لوگوں کو ہنسائے۔ اس پر ہلاکت ہے۔ پھر اس پر ہلاکت ہے۔“ اسے تینوں نے قوی سند کے ساتھ روایت کیا ہے۔ [بلوغ المرام/كتاب الجامع/حدیث: 1311]
تخریج الحدیث: «أخرجه أبوداود، الأدب، باب في التشديد في الكذب، حديث:4990، والترمذي، الزهد، حديث:2315، والنسائي في الكبرٰي:6 /329، حديث: 11126، 6 /509، حديث:11655.»
| حدیث نمبر: 1312 |
سیدنا انس رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا ” جس کی تو نے غیبت کی ہو اس کا کفارہ یہ ہے کہ تو اس کیلئے اللہ سے مغفرت طلب کرے۔ “ اسے حارث بن ابی اسامہ نے ضعیف سند سے روایت کیا ہے۔ [بلوغ المرام/كتاب الجامع/حدیث: 1312]
تخریج الحدیث: «الحارث بن أبي أسامة: لم أجده، وابن أبي الدنيا في الصمت، حديث:291.* عنبسة بن عبدالرحمن القرشي متهم بالوضع.»
| حدیث نمبر: 1313 |
سیدہ عائشہ رضی اللہ عنہا سے روایت ہے کہ رسول اللہ صلی اللہ علیہ وسلم نے فرمایا ” بندوں میں سے اللہ کے نزدیک سب سے ناپسندیدہ بندہ وہ ہے سب سے زیادہ جھگڑالو ہو۔“ (مسلم) [بلوغ المرام/كتاب الجامع/حدیث: 1313]
تخریج الحدیث: «أخرجه مسلم، العلم، باب في الألد الخصم، حديث:2668.»