حضرت عروہ بن زبیر سے روایت ہے کہ سیدنا ابوبکر صدیق رضی اللہ عنہ نے نماز پڑھائی صبح کی تو پڑھی اس میں سورۂ بقرہ دو رکعتوں میں۔

حضرت عروہ بن زبیر نے سنا سیدنا عبداللہ بن عامر بن ربیعہ رضی اللہ عنہ سے، کہتے تھے: نماز پڑھی ہم نے پیچھے سیدنا عمر بن خطاب رضی اللہ عنہ کے صبح کی، تو پڑھی انہوں نے سورۂ یوسف اور سورۂ حج ٹھہر ٹھہر کر۔ حضرت عروہ نے کہا: قسم اللہ کی! پس اس وقت کھڑے ہوتے ہوں گے نماز کو جب نکلتی ہے صبح صادق۔ کہا سیدنا عبداللہ رضی اللہ عنہ نے: ہاں۔

حضرت قاسم بن محمد سے روایت ہے کہ فرافصہ بن عمیر حنفی نے کہا کہ میں نے سورۂ یوسف یاد کر لی سیدنا عثمان رضی اللہ عنہ کے پڑھنے سے، آپ رضی اللہ عنہ صبح کی نماز میں اس کو بہت پڑھا کرتے تھے۔

حضرت نافع سے روایت ہے کہ سیدنا عبداللہ بن عمر رضی اللہ عنہما سفر میں مفصل کے پہلی دس سورتوں میں سے ہر ایک رکعت میں سورۂ فاتحہ اور ایک سورت پڑھا کرتے تھے۔