متفرق
विभिन्न
حدیث نمبر: 237 |
|
سیدنا عبد اللہ بن عمر رضی اللہ عنہما سے مروی ہے کہ ایک آدمی نے نبی صلی اللہ علیہ وسلم سے پوچھا: اسلام میں کون سا عمل سب سے بہتر ہے؟ آپ صلی اللہ علیہ وسلم نے فرمایا: ”تو کھانا کھلا، اور ہر جاننے والے اور ہر اجنبی کو سلام کر۔“ [صحيح بخاري: 2812، صحيح مسلم: 39]
111. کوئی غیر مسلم سلام کرے تو اسے کیا کہا جائے؟
जो वेक्ति मुसल्मान न हो वो सलाम करे तो किया कहे
حدیث نمبر: 238 |
|
رسول اللہ صلی اللہ علیہ وسلم نے فرمایا: ”جب تمہیں اہل کتاب سلام کہیں تو انہیں «وَعَلَيْكُمْ» کہو۔“ [صحيح بخاري: 6258، 6926، صحيح مسلم: 2163]
112. مرغ بولنے اور گدھا ہینگنے کے وقت کی دعا
मुर्ग़े की आवाज़ और गधे की आवाज़ सुनने पर दुआ
حدیث نمبر: 239 |
|
”نبی صلی اللہ علیہ وسلم نے فرمایا: ”جب تم مرغ کی آواز سنو تو اللہ سے اس کے فضل کا سوال کرو، اور کہو: «اللهُمَّ إِنِّي أَسْأَلُكَ مِنْ فَضْلِكَ» “ ”اے اللہ! میں تجھ سے تیرے فضل کا سوال کرتا ہوں۔ (کیونکہ اس نے فرشتہ دیکھا ہے۔)“ اور جب تم گدھے کی آواز سنو تو کہو: «أَعُوذُ بِاللَّهِ مِنَ الشَّيْطَانِ الرَّجِيمِ» ”میں شیطان مردود سے اللہ کی پناہ میں آتا ہوں۔“ اصل حدیث میں ان باتوں کا حکم ہے اور الفاظ مصنف کے اپنے ہیں۔ [صحيح بخاري: 3303، صحيح مسلم: 2729]
113. رات کو کتے بھونکتے وقت کی دعا
रात को कुत्ते के भोंकने पर दुआ
حدیث نمبر: 240 |
|
نبی صلی اللہ علیہ وسلم نے فرمایا: ”جب تم رات کو کتوں کے بھونکنے اور گدھے کے ہینگنے کی آواز سنو تو اس سے اللہ کی پناہ طلب کرو کیونکہ وہ ایسی چیز دیکھتے ہیں جو تم نہیں دیکھ سکتے۔“ [اسناده حسن، سنن ابي داؤد: 5103، مسند احمد: 306/3]
114. جسے تم نے برا بھلا کہا اس کے لئے دعا
जिस को तुम ने बुरा भला कहा उस के लिए दुआ
حدیث نمبر: 241 |
|
”اے اللہ! جس مؤمن کو بھی میں نے برا بھلا کہا ہے تو قیامت کے دن اس کے لئے اسے اپنی قربت کا ذریعہ بنا۔“ صحیح مسلم کے الفاظ یہ ہیں: «فجعلهاله زكاة و رحمة» [صحيح بخاري: 6361، صحيح مسلم: 2601]
115. جب ایک مسلمان دوسرے مسلمان کی تعریف کرے تو کیا کہے؟
जब एक मुसल्मान दुसरे मुसल्मान की ताअरीफ़ करे तो किया कहे
حدیث نمبر: 242 |
|
جب تم میں سے کوئی شخص کسی دوسرے کی تعریف کرنا ہی چاہتا ہو تو وہ یوں کہے: ”میں فلاں کے متعلق گمان کرتا ہوں (کہ وہ اچھا ہے) اور اللہ تعالیٰ اس کا حساب لینے والا ہے میں کسی کو اللہ کے ہاں پاک قرار نہیں دیتا میں فلاں کو ایسا ایسا گمان کرتا ہوں بشرطیکہ وہ اسے اچھی طرح جانتا ہو۔“ [صحيح مسلم: 3000]
116. اپنی تعریف سن کر کیا کہے؟
अपनी ताअरीफ़ सुने तो किया कहे
حدیث نمبر: 243 |
|
”اے اللہ! جو یہ کہہ رہے ہیں اس وجہ سے تو میرا مواخذہ نہ کرنا، اور جو یہ نہیں جانتے وہ میرے لئے معاف فرما دے (اور جو یہ گمان کرتے ہیں تو مجھے اس سے بہتر بنا دے)“ [اسناده ضعيف، الادب المفرد للبخاري: 761، شعب الايمان للبيهقي 4/ 228 ح4876]
جس نے اس حدیث کو صحیح یا حسن کہا ہے وہ غلطی پر ہے۔
جس نے اس حدیث کو صحیح یا حسن کہا ہے وہ غلطی پر ہے۔
117. حج یا عمرہ کا احرام باندھنے والا تلبیہ کیسے کہے؟
हज या उम्रा का अहराम बांधने वाला तलबिया कैसे कहे
حدیث نمبر: 244 |
|
”حاضر ہوں میں اے اللہ! حاضر ہوں، حاضر ہوں میں، تیرا کوئی شریک نہیں، میں حاضر ہوں، یقیناً تمام تعریفات، اور نعمت تیرے لئے ہیں اور بادشاہت بھی تیرے لئے ہے۔ تیرا کوئی شریک نہیں۔“ [صحيح بخاري: 1549، صحيح مسلم: 1184]
118. جب حجر اسود کے پاس آئے تو تکبیر کہے
जब हज्र अस्वद के पास आए तो तक्बीर कहे
حدیث نمبر: 245 |
|
”نبی صلی اللہ علیہ وسلم نے اونٹ پر بیٹھ کر بیت اللہ کا طواف کیا، آپ جب بھی حجر اسود کے پاس آتے، تو کسی چیز (یہاں کسی چیز سے مراد خم دار چھڑی ہے۔) سے اس کی طرف اشارہ کرتے اور «اللهُ اَكْبَرُ» کہتے۔“ [صحيح بخاري: 1613]
119. رکن یمانی اور حجر اسود کے درمیان کی دعا
रुकुन यमानी और हज्र अस्वद जे बीच की दुआ
حدیث نمبر: 246 |
|
”اے ہمارے رب! ہمیں دنیا اور آخرت میں بھلائی عطا فرما، اور ہمیں آگ کے عذاب سے بچا۔“ [اسناده حسن، سنن ابي داؤد: 1892، مسند احمد: 411/3، السنن الكبري للنسائي: 3943]