حدود، معاملات، احکام
सीमाएं, मामले, नियम
871. مہمان، میزبان سے اپنا حق وصول کر سکتا ہے
“ मेहमान मेज़बान से अपना हक़ ले सकता है ”
حدیث نمبر: 1263 |
|
سیدنا ابوہریرہ رضی اللہ عنہ سے روایت ہے کہ نبی کریم صلی اللہ علیہ وسلم نے فرمایا: ”اگر کوئی مہمان کسی قوم کے پاس اترے اور وہ صبح کے وقت اپنی میزبانی سے محروم رہے تو اسے یہ حق حاصل ہے کہ وہ ان سے اپنی میزبانی کے بقدر کوئی چیز لے لے، اس میں اس پر کوئی حرج نہیں ہو گی۔“
872. بلاد مشرکین میں سکونت اختیار کرنا منع ہے
“ मुशरिकों के देश में रहना मना है ”
حدیث نمبر: 1264 |
|
سیدنا سمرہ بن جندب رضی اللہ عنہ سے روایت ہے، رسول اللہ صلی اللہ علیہ وسلم نے فرمایا: ”جس نے مشرک کا ساتھ دیا اور اس کے ساتھ رہا، وہ اسی کی طرح ہو گا۔“
حدیث نمبر: 1265 |
|
سیدنا جریر بن بجیلہ رضی اللہ عنہ سے روایت ہے، رسول اللہ صلی اللہ علیہ وسلم نے فرمایا: ”(اللہ اور اس کا رسول) اس آدمی سے برئ الذمہ ہیں جو مشرکوں کے ممالک میں ان کے ساتھ اقامت پذیر ہے۔“
873. سوگ کی مدت تین دن ہے
“ शोक की अवधि तीन दिन है ”
حدیث نمبر: 1266 |
|
سیدہ اسما بنت عمیس رضی اللہ عنہا کہتی ہیں: جب سیدنا جعفر بن ابوطالب شہید ہوئے تو رسول اللہ صلی اللہ علیہ وسلم نے مجھے حکم دیا کہ: ”تین دن سوگ والا لباس پہننے کا اہتمام کر، پھر جو مرضی کرنا۔“
874. مومنوں کی ارواح کا مقام
“ मोमिनों की आत्मा की जगह ”
حدیث نمبر: 1267 |
|
سیدہ ام ہانی رضی اللہ عنہا کہتی ہیں: میں نے رسول اللہ صلی اللہ علیہ وسلم سے سوال کیا کہ کیا ہم مرنے کے بعد ایک دوسرے کو ملیں اور دیکھں گے؟ آپ صلی اللہ علیہ وسلم نے فرمایا: ” (مرنے کے بعد) روح ایک پرندے کی شکل میں ہوتی ہے جو درختوں پر چگتا رہتا ہے، حتی کہ قیامت کا دن آ جائے گا اور ہر روح کو اس کے جسم میں داخل کر دیا جائے گا۔“
875. بےصبری کا انجام
“ बेसब्री का नतीजा ”
حدیث نمبر: 1268 |
|
سیدنا جندب بن عبداللہ بجلی رضی اللہ عنہ بیان کرتے ہیں کہ نبی کریم صلی اللہ علیہ وسلم نے فرمایا: ”تم سے پہلے ایک آدمی زخمی ہو گیا تھا، وہ بہت بے تاب ہوا اور چھری سے اپنا بازو کاٹ دیا، پھر خون نہ تھما یہاں تک کہ وہ مر گیا۔ اللہ تعالیٰ نے فرمایا: ”میرا بندہ مجھ سے سبقت لے گیا ہے۔“ (یعنی میری تقدیر پر راضی نہ ہوا اور خود فیصلہ کر دیا) میں نے اس پر جنت حرام کر دی ہے۔“
876. کنویں کا احاطہ
“ कुँए की दूरी ”
حدیث نمبر: 1269 |
|
سیدنا ابوہریرہ رضی اللہ عنہ سے مروی ہے کہ رسول اللہ صلی اللہ علیہ وسلم نے فرمایا: ”کنویں کا احاطہ اس کے اردگرد چالیس ہاتھ ہے، یہ ساری جگہ اونٹوں اور بھیڑ بکریوں کے بیٹھنے کے لئے ہے۔“
877. جائز کھیل
“ जाइज़ खेल ”
حدیث نمبر: 1270 |
|
امام شعبی، جو تابعی ہیں، بیان کرتے ہیں کہ رسول اللہ صلی اللہ علیہ وسلم بچوں کا ایک (مخصوص حبشی) کھیل کھیلنے والوں کے پاس سے گزرے اور فرمایا: ”اے بنو ارفدہ! (یعنی حبشہ والو!) کھیلتے رہو، تاکہ یہودیوں اور عیسائیوں کو پتہ چل جائے کہ ہمارے دین میں وسعت ہے۔“ وہ کھیل رہے تھے کہ سیدنا عمر رضی اللہ عنہ آ گئے، جب انہوں نے ان کو دیکھا تو سہم گئے۔
878. زیادتی کرنے والے کا جواب کیسے دیا جائے؟
“ ज़्यादती करने वाले को जवाब कैसे दिया जाए ”
حدیث نمبر: 1271 |
|
سیدنا قہید غفاری رضی اللہ عنہ کہتے ہیں کہ ایک سائل نے نبی کریم صلی اللہ علیہ وسلم سے سوال کیا: اے اللہ کے رسول! اگر کوئی زیادتی کرنے والا مجھ پر زیادتی کرے تو؟ آپ صلی اللہ علیہ وسلم نے فرمایا: ”اسے تین دفعہ اللہ کا واسطہ دے کر نصیحت کرو، اگر وہ انکار پر تلا رہے تو اس سے لڑائی کرو، اگر اس نے تجھے قتل کر دیا تو تم جنت میں جاؤ گے اور اگر تم نے اس کو قتل کر دیا تو وہ جہنم میں جائے گا۔“
879. ہر مسلمان پناہ دے سکتا ہے، خیانت اور دھوکہ بازی کا انجام
“ हर मुसलमान शरण दे सकता है ، ख़यानत और धोखाधड़ी का नतीजा ”
حدیث نمبر: 1272 |
|
سیدہ عائشہ رضی اللہ عنہا کہتی ہیں کہ رسول اللہ صلی اللہ علیہ وسلم نے فرمایا: ”تمام مسلمانوں کی ضمانت (کا حکم) ایک ہے، اگر کوئی مسلمان عورت کسی کو پناہ دے دے، تو اس کا عہد مت توڑو۔ (یاد رہے کہ) ہر دھوکے باز پر ایک جھنڈا ہو گا جس کے ذریعے وہ قیامت کے روز پہچانا جائے گا۔“