اخلاق، نیکی کرنا، صلہ رحمی
अख़लाक़, नेकी करना और रहमदिली
1686. مسلمان سے لڑنا کفر اور اس کو گالی دینا فسق ہے
“ एक मुसलमान से लड़ना कुफ्ऱ है और उसे गाली देना दुर्व्यवहार है ”
حدیث نمبر: 2516 |
|
سیدنا عبداللہ بن مسعود رضی اللہ عنہ بیان کرتے ہیں کہ رسول اللہ صلی اللہ علیہ وسلم نے فرمایا: ”مسلمان کا اپنے بھائی کو گالی دینا فسق ہے اور اس کو قتل کرنا کفر ہے اور اس کے مال کی حرمت اس کے خون کی حرمت کی طرح ہے۔“
1687. ہر انسان کا نصیب اس کی گردن میں ہے
“ हर इंसान की नियति उसकी गर्दन में है ”
حدیث نمبر: 2517 |
|
سیدنا جابر رضی اللہ عنہ سے روایت ہے، وہ کہتے ہیں: میں نے رسول اللہ صلی اللہ علیہ وسلم کو فرماتے ہوئے سنا: ”ہر انسان کے خیر یا شر کا حصہ اس کے گلے میں لگا دیا گیا ہے۔“ یہ اللہ کے فرمان «وَكُلَّ إِنسَانٍ أَلْزَمْنَاهُ طَائِرَهُ فِي عُنُقِهِ» ”اور ہم نے ہر انسان کی برائی بھلائی کو اس کے گلے لگا دیا ہے“ کی تفسیر ہے۔
1688. سفید بالوں کو رنگنا
“ सफ़ेद बालों का रंगना ”
حدیث نمبر: 2518 |
|
سیدنا انس بن مالک رضی اللہ عنہ کہتے ہیں: کچھ یہودی رسول اللہ صلی اللہ علیہ وسلم کے پاس آئے، آپ صلی اللہ علیہ وسلم نے ان کے بارے میں دریافت کیا، صحابہ رضی اللہ عنہم نے کہا: اے اللہ کے رسول! یہ یہودی ہیں اور یہ اپنے بالوں کو نہیں رنگتے۔ آپ صلی اللہ علیہ وسلم نے فرمایا: ”یہودیوں کی نشانی کو بدل دو، لیکن سیاہ رنگ سے مت بدلو۔“
1689. اولاد سے مساوی سلوک کرنا
“ बच्चों के साथ एक जैसा व्यवहार करना ”
حدیث نمبر: 2519 |
|
سیدنا انس رضی اللہ عنہ کہتے ہیں: ایک آدمی، رسول اللہ صلی اللہ علیہ وسلم کے ساتھ تھا، اس کے پاس اس کا بیٹا آیا، اس نے اس کو بوسہ دیا اور اسے اپنی ران پر بٹھا لیا، پھر اس کی بیٹی پہنچ گئی، اس نے اس کو اپنے پہلو میں بیٹھا لیا۔ آپ صلی اللہ علیہ وسلم نے فرمایا: ”تو نے ان دونوں کے درمیان انصاف کیوں نہیں کیا؟“
1690. منافق کی علامتیں
“ मुनाफ़िक़ की निशानियां ”
حدیث نمبر: 2520 |
|
سیدنا جابر بن عبداللہ رضی اللہ عنہما سے روایت ہے، رسول اللہ صلی اللہ علیہ وسلم نے فرمایا: ”منافق میں تین (خامیاں) ہوتی ہیں: جب وہ بات کرتا ہے تو جھوٹ بولتا ہے، جب وعدہ کرتا ہے تو خلاف ورزی کرتا ہے اور جب اس کے پاس امانت رکھی جاتی ہے تو خیانت کرتا ہے۔“
1691. قیلولہ کرنے کا حکم اور وجہ
“ क़ेलुला करने ( यानि दोपहर खाने के बाद सोने ) का हुक्म और कारण ”
حدیث نمبر: 2521 |
|
سیدنا انس رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”قیلولہ کیا کرو کیونکہ شیاطین قیلولہ نہیں کرتے۔“
1692. یتیم کی کفالت کا اجر و ثواب
“ अनाथ के पालन पोषण का सवाब और बदला ”
حدیث نمبر: 2522 |
|
سیدنا ابوہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”اپنے یا کسی غیر کے یتیم کی پرورش کرنے والا اور میں جنت میں ان دو انگلیوں کی طرح (قریب قریب) ہوں گے، بشرطیکہ وہ اللہ سے ڈرنے والا ہو“۔ امام مالک نے انگشت شہادت اور درمیان والی انگلی سے اشارہ کیا۔
1693. کیا شعر و شاعری قابل نفرت ہے
“ क्या कविता कहना नफ़रत वाली बात है ”
حدیث نمبر: 2523 |
|
نوفل بن ابوعقرب کہتے ہیں: سیدہ عائشہ رضی اللہ عنہا سے پوچھا گیا: کیا رسول اللہ صلی اللہ علیہ وسلم کے پاس اشعار سنے جاتے تھے؟ انہوں نے کہا: یہ تو آپ کے نزدیک سب سے زیادہ نفرت والی بات تھی۔
1694. گھر والوں سے اجازت لینے کا طریقہ
“ परिवार से अनुमति कैसे लें ”
حدیث نمبر: 2524 |
|
صحابی رسول سیدنا عبداللہ بن بسر رضی اللہ عنہ کہتے ہیں: جب آپ دروازے کے پاس آتے تو اجازت طلب کرتے اور سامنے کھڑے نہیں ہوتے تھے۔ وہ کہتے ہیں: آپ دیوار کے ساتھ چلتے، حتیٰ کہ اجازت لے لیتے، پھر یا تو آپ کو اجازت دی جاتی یا پھر آپ پلٹ جاتے تھے۔
1695. دستک دینے کا طریقہ
“ दस्तक कैसे दें ”
حدیث نمبر: 2525 |
|
سیدنا انس بن مالک رضی اللہ عنہ سے روایت ہے کہ رسول اللہ صلی اللہ علیہ وسلم کا دروازہ ناخنوں سے کھٹکھٹایا جاتا تھا۔