اردو حاشہ:
فوائد و مسائل:
(1)
”حضرت موسی علیہ السلام پر ہمارا حق تم سے زیادہ ہے“ اس کا مطلب یہ ہے کہ مو سی علیہ السلام کو فرعون کی تباہی پر جو خوشی ہوئی اس میں ہم بھی شریک ہیں کیو نکہ یہ اللہ کی طرف سے شرک پر توحید کی فتح کا اظہار ہے اور صحیح توحید پر ہم مسلمان قا ئم ہیں نہ کہ تم یہودی، جو موسی علیہ السلام کی امت ہونے کا دعوی رکھتے ہیں کیونکہ تم نے تو اپنے مذہب میں اتنا شرک شامل کرلیا ہے کہ تم فرعو ن کے شرکیہ مذہب سے قریب تر ہو گے ہو
(2)
شکر کے طو ر پر عبادت کرنا پہلی امتو ں میں بھی مشروع تھا ہماری شریعت میں بھی سجدہ شکر یا نما ز شکرانہ یا شکر کے طور پر روزہ رکھنا یا صدقہ دینا مشروع ہے ہماری شریعت کی عبادات سابقہ شریعتوں کی عبادات سے ایک حد تک مشابہت رکھنے کے باوجود ان سے روزے کے متعدد مسا ئل میں یہ امتیاز ملحوظ ہے۔
عا شورا کے روزے میں یہ امتیاز اس طرح قا ئم کیا گیا ہے کہ وہ لو گ صرف دس محرم کا روزہ رکھتے ہیں رسول اللہ ﷺ نے اس کے ساتھ ایک روزہ اور ملا لینے کا حکم فرمایا اس کے لئے دن کی تعیین کی با بت حضرت ابن عباس رضی اللہ تعالیٰ عنہ سے مروی حدیث یہود کی مخالفت کرو ان سے ایک دن پہلے یا ایک دن بعد روزہ رکھو تو ضعیف ہے تاہم حضرت ابن عباس رضی اللہ تعالیٰ عنہ ہی سے موقوفا مروی ہے۔
یہود کی مخالفت کرو نو، دس(10، 9)
محرم کا روزہ رکھو۔
علمائے محققین نے اسے صحیح قرار دیا ہے لہٰذا بہتر اور راجع مو قف یہی کہ دس کے سا تھ نو کا روزہ رکھا جا ئے اگر نو کا روزہ نہ رکھ سکے تو مخالفت یہو د کے پیش نظر گیارہ کا روزہ بھی ان شاءاللہ مقبول ہو گا۔
واللہ اعلم۔
مزید دیکھیے: (الموسوعة الحدیثیة مسند الإمام أحمد: 52/4)

اردو حاشہ:
1؎:
اکثر علماء کی رائے بھی ہے کہ محرم کا دسواں دن ہی یوم عاشوراء ہے اور یہی قول راجح ہے۔

فائدہ:
اس حدیث میں یوم عاشوراء کے روزے کا ذکر ہے۔ احادیث سے معلوم ہوتا ہے کہ صوم عاشوراء کا آغاز موسیٰ علیہ السلام سے ہوا تھا، اللہ تعالیٰ نے انھیں اور ان کی قوم کو فرعون سے نجات عطا کی تھی تو انہوں نے شکرانے کے طور پر روزہ رکھا۔ سیدنا ابن عباس رَضِىَ اللَّهُ عَنْهُمْا بیان کرتے ہیں کہ نبی صلی اللہ علیہ وسلم مدینہ آئے، آپ نے یہود کو دیکھا کہ وہ یوم عاشوراء کا روزہ رکھتے ہیں، آپ نے ان سے معلوم کیا تو انہوں نے بتایا کہ یہ ایک اچھا دن ہے، اس دن اللہ نے بنی اسرائیل کو ان کے دشمن سے نجات دی تھی، اس لیے موسیٰ علیہ السلام نے (شکرانے کے طور پر) اس دن کا روزہ رکھا تھا۔ آپ صلی اللہ علیہ وسلم نے فرمایا: «انـا احـق بـموسى منكم فصامه و امر بصيامه» ”موسیٰ کا میں تم سے زیادہ حق دار ہوں، لہٰذا آپ نے خوداس دن کا روزہ رکھا اور روزہ رکھنے کا حکم بھی دیا۔“ [صحيح البخاري ح: 2004 صحيح مسلم ح: 1130]
احادیث میں اس روزہ کی بہت فضیلت بیان کی گئی ہے، ارشاد نبوی ہے: «صيام يوم عاشوراء احتسب عـلـى الله ان يكفر السنة التى قبله» [صحيح مسلم ح: 1162]
ایک روایت میں ہے کہ آپ صلی اللہ علیہ وسلم سے عاشوراء کے روزے کے بارے میں سوال کیا گیا تو آپ نے فرمایا: «يـكـفـر السـنة الماضية» [صحيح مسلم ح: 1162] ”یہ روزہ گزرے ہوۓ ایک سال کا کفارہ ہے۔“
اس کی وضاحت ایک دوسری حدیث میں اس طرح ہے۔ ابوموسی رضی اللہ عنہ بیان کرتے ہیں کہ اہل خیبر (یہود) یوم عاشورہ کا روزہ رکھتے تھے اور اس دن کو عید کا دن بنا لیتے، اپنی عورتوں کو زیورات پہناتے اور انھیں سنوارتے اور سنگھارتے تھے تو اللہ کے رسول صلی اللہ علیہ وسلم نے فرمایا: «فصوموه انتم» [صحيح بخاري ح: 2005 صـحـيـح مسلم ح: 1131] ”تم لوگ اس دن کا روزہ (ہی) رکھو۔“
نبی اکرم صلی اللہ علیہ وسلم نے نو محرم کا روزہ رکھنے کا بھی عزم ظاہر کیا۔ آپ صلی اللہ علیہ وسلم نے فرمایا: «فاذا كان العام المقبل- ان شاء الله ـ صمنا اليوم التاسع» [صحيح مسلم ح 11134] ”جب آئندہ سال آئے گا تو ہم ان شاء اللہ نو تاریخ کا (بھی) روزہ رکھیں گے۔“ مگر اگلا سال آنے سے پہلے ہی اللہ کے رسول صلی اللہ علیہ وسلم کی وفات ہوگئی۔
ایک اور حدیث میں ہے: «لئن بقيت الي قابل لاصـو من التاسع» [صحيح مسلم ح: 1134] ”اگر میں آئندہ سال تک زندہ رہا تو نو تاریخ کا ضرور روزہ رکھوں گا۔“
حکم بن اعرج کہتے ہیں: میں ابن عباس رضی اللہ عنہما کے پاس آیا تو آپ زمزم کے کنارے اپنی چادر کا تکیہ بنائے تشریف فرما تھے، میں نے آپ سے عاشوراء کے روزے کے بارے میں پوچھا: تو آپ نے فرمایا: جب ماہ محرم کا چاند دیکھو تو دن شمار کرتے رہو جب نویں تاریخ ہو تو روزہ رکھو۔ [مسلم ح: 1133 ابوداؤد ح: 2446 الله ترمذي ح: 754]
ہمارے نزدیک یہی مؤقف راجح ہے کہ اب امت مسلمہ کو نو کا روزہ رکھنا چاہیے۔ دوسرا موقف جمہور کا ہے کہ نو اور دس کا روزہ مراد ہے۔
① امام نووی رحمہ اللہ شرح مسلم (ح: 1133) میں لکھتے ہیں: مشاہیر علمائے سلف و خلف کا مؤقف یہ ہے کہ عاشوراء دسویں تاریخ ہے اور سعید بن مسیب، حسن بصری، امام أحمد اور اسحاق رحمہ اللہ علیہم کا یہی قول ہے، ظاہر احادیث سے اور مقتضائے لفظ سے یہی ثابت ہوتا ہے، اس لیے کہ عاشوراء عشر سے مشتق ہے اور عشر دس کو کہتے ہیں اور امام شافعی، ان کے اصحاب، امام أحمد، اسحاق رحمہ اللہ علیہم اور دوسرے علماء کا قول ہے کہ نویں اور دسویں دونوں کا روزہ مستحب ہے، کیونکہ آپ صلی اللہ علیہ وسلم نے دسویں کا روزہ رکھا تھا اور نو میں تاریخ کو روزہ رکھنے کی نیت کی تھی۔ اتنے میں آپ کی وفات ہوگئی اور حدیث مسلم میں گزرا ہے کہ افضل صیام بعد رمضان کے صیام (شہراللہ المحرم) ہے اور علماء نے کہا ہے کہ نویں تاریخ کا روزہ ملا لینے سے غرض یہ تھی کہ صرف دسویں کے روزے میں یہود کی مشابہت تھی۔
② حافظ ابن حجر عسقلانی رحمہ اللہ لکھتے ہیں: بعض اہل علم کے بقول مسلم کی حد بیث (آئندہ سال اگر میں زندہ رہا تو، نو محرم کا ضرور روزہ رکھوں گا) کے دو مطلب ہو سکتے ہیں: دس محرم کے ساتھ آپ صلی اللہ علیہ وسلم نو تاریخ کا روزہ بھی مقرر کرنا چاہتے تھے مگر آپ کسی بھی صورت کو متعین کرنے سے پہلے وفات پا گئے۔ لہٰذا احتیاط کا تقاضا یہی ہے کہ نو اور دس دونوں دنوں کا روزہ رکھا جائے۔ (فتح الباري 4/ 773)
جناب عطاء سیدنا ابن عباس رضی اللہ عنہما سے روایت کرتے ہیں: نویں اور دسویں کا روزہ رکھو اور یہود کی مخالفت کرو۔ [البيهقي 4/ 287]

حدیث حاشیہ:
فوائد ومسائل:
رسول اللہ صلی اللہ علیہ وسلم ربیع الاول مدینہ تشریف لائے تھے اور 2 ہجری کے رمضان کی فرضیت سے پہلے آپ صلی اللہ علیہ وسلم نے یہودیوں کو محرم میں روزہ رکھتے ہوئے پایا تو آپ نے ان سے پوچھا اس طرح عاشورہ کے دن کی تاکیدی تلقین یا امر ایک ہی سال دیا گیا کیونکہ آپ کو اس کا پتہ مدینہ آنے کے بعد چلا،
آپﷺ قریش کے روزہ رکھنے کی وجہ سےروزہ رکھتے تھے اور اگر یہ بات تسلیم کر لیا جائے کہ آپ صلی اللہ علیہ وسلم کی مدینہ آمد کے موقع پر یہودی قبائل شمسی سال کے اعتبار سے روزہ رکھے ہوئے تھے تو پھر آپ نے تو دس (10)
محرم کا ہی روزہ رکھنے کا حکم دیا اور وہ رمضان کی فرضیت سے پہلے ایک ہی آیا۔

حدیث حاشیہ:
فوائد ومسائل:
مکہ میں آپ صلی اللہ علیہ وسلم قریش کے ساتھ عاشورہ کا روزہ رکھتے تھے لیکن دوسروں کو اس کا حکم نہیں دیتے تھے مدینہ میں آ کر آپ صلی اللہ علیہ وسلم کو جب معلوم ہوا کہ یہ وہ مبارک تاریخی دن ہے جس میں حضرت موسی علیہ السلام اور ان کی قوم کو اللہ تعالیٰ نے نجات عطا فرمائی تھی فرعون اور اس کے لشکریوں کو غرقاب کیا تھا اس لیے موسی علیہ السلام اللہ تعالیٰ کے اس انعام اور احسان کے شکر میں اس دن کا روزہ رکھتے تھے تو آپﷺ نے بھی ان کی اقتدا میں عاشورہ کا روزہ خود بھی رکھا اور مسلمانوں کو بھی اس کا ایسا تاکیدی حکم دیا جیسا کہ فرائض وواجبات کے لیے دیا جاتا ہے جس کی تفصیل آگے باب 21 میں آرہی ہے۔

حدیث حاشیہ:
مسلم کی روایت میں اتنا زیادہ ہے اللہ کا شکر کرنے کے لیے ہم بھی روزہ رکھتے ہیں۔
ابوہریرہ ؓ کی روایت میں یوں ہے اسی دن حضرت نوح ؑ کی کشتی جودی پہاڑ پر ٹھہری تھی تو حضرت نوح ؑ نے اس کے شکریہ میں اس دن روزہ رکھا تھا۔

حدیث حاشیہ:
ان جملہ مرویات میں حضرت موسیٰ ؑ کا ذکر خیر وارد ہوا ہے۔
احادیث اورباب میں یہی وجہ مناسبت ہے۔
دیگر امور مذکورہ ضمناً ذکر میں آگئے ہیں۔

حدیث حاشیہ:
مگر اس کے ساتھ نویں یا گیارہویں کا ایک روزہ ملانا مناسب ہے۔

حدیث حاشیہ:
بعد میں یہود کی مشابہت سے بچنے کےلئے اسکے ساتھ ایک روزہ اور رکھنے کا حکم فرمایا یعنی نویں یا گیارہویں تاریخ کا روزہ اور ملایا جائے۔

حدیث حاشیہ:
1۔
اس حدیث میں یوم عاشوراء کے حوالے سے حضرت موسیٰ ؑ کا ذکر خیرہوا ہے کہ انھوں نے اس دن بطورشکر روزہ رکھا تھا۔
کیونکہ اللہ تعالیٰ نے انھیں فرعون اور آل فرعون سے نجات دی تھی۔
ویسے یہ دن بڑی تاریخی حیثیت کا حامل ہے۔
حضرت نوح ؑ کی کشتی بھی اسی دن لنگر انداز ہوئی تھی۔
انھوں نے بھی اس دن کا روزہ رکھا تھا۔
اہل مکہ بھی عاشوراء کا روزہ رکھتے تھے اور اس دن کعبے کو غلاف پہناتے تھے۔
2۔
رسول اللہ ﷺنے اس کے ساتھ نویں محرم کا روزہ رکھنے کا حکم دیا تاکہ یہودیوں سے مشابہت نہ رہے۔
عاشوراء کے متعلق دیگرمباحث کتاب الصوم میں گزر چکی ہیں۔
واللہ أعلم۔

حدیث حاشیہ:
1۔
اس مقام پر ایک اشکا ل ہے کہ رسول اللہ ﷺ مدینہ طیبہ میں ربیع الاول کو آئے۔
اس وقت یہودیوں کا روزہ رکھنا کس طرح صحیح ہوسکتا ہے؟ اس کا جواب اس طرح دیا گیا ہے کہ رسول اللہ ﷺ کو آئندہ سال محرم میں اس کا علم ہوا۔
یہ بھی ہوسکتا ہے کہ یہودی شمس سال کے اعتبار سے روزہ رکھتے ہوں او راس سال عاشوراء کا روزہ ماہ ربیع الاول میں آیا ہو۔
2۔
بہرحال اس حدیث میں رسول اللہ ﷺ کی مدینہ طیبہ تشریف آوری کا ذکر ہے۔
3۔
رسول اللہ ﷺ نے یہ بھی فرمایا تھا:
”اگر میں زندہ رہا تو آئندہ سال نویں محرم کا روزہ رکھوں گا۔
“ لیکن آئندہ سال آنے سے پہلے ہی آپ اللہ کو پیارے ہوگئے۔
واللہ اعلم۔

حدیث حاشیہ:
1۔
اس حدیث کی ایک دوسری سند میں ہے کہ اس دن اللہ تعالیٰ نے موسیٰ ؑ کو نجات دی تھی اور فرعون کو غرق کیا تھا تو موسیٰ ؑ نے اللہ کا شکر اداکرتے ہوئے اس دن کا روزہ رکھا۔
(صحیح البخاري، أحادیث الأنبیاء، حدیث: 3397)
2۔
رسول اللہ ﷺ نے اس کے بعد یہود کی مشابہت سے بچنے کے لیے یوم عاشوراء کے ساتھ ایک مزید روزہ رکھنے کا حکم فرمایا جس کی تفصیل پہلے گزرچکی ہے۔
رمضان المبارک کے بعد یوم عاشوراء کی فرضیت تو منسوخ ہوگئی، البتہ استحباب باقی ہے۔
واللہ اعلم۔
3۔
چونکہ آیت میں فرعون کے غرق ہونے کا ذکر تھا اور حدیث میں اس کی مناسبت سے روزے کا بیان ہے، اس لیے امام بخاری ؒ نے آیت کے ذیل میں مذکور حدیث کوبیان کیا ہے۔
4۔
واضح رہے کہ فرعون کی لاش نہ تو سمندر میں ڈوب کر معدوم ہوئی اور نہ ہی وہ مچھلیوں کی خوراک بنی بلکہ اس کے ڈوب جانے کے بعد سمندر میں ایک لہراٹھی جس نے اس کی لاش کو سمندر کے کنارے ایک اونچے ٹیلے پر پھینک دیا تاکہ باقی لوگ فرعون کا لاشہ دیکھ کر عبرت حاصل کریں جو باشادہ خود کو ﴿أَنَا رَبُّكُمُ الْأَعْلَى﴾ کہتا تھا، بالآخر اس کا انجام کیا ہوا۔
5۔
جدید تحقیقات سے معلوم ہوا کہ اس کی لاش آج تک محفوظ ہے اور قاہرہ کے عجیب خانے میں پڑی ہے، جس پر سمندری نمک کی تہہ جمی ہوئی ہے جو اسے پُرانا ہونے اوگلنے سڑنے سے محفوظ رکھتی ہے، تاہم الفاظ قرآنی کی صحت اس امر پر موقوف نہیں کہ اس کی لاش قیامت تک محفوظ رہے۔

حدیث حاشیہ:
1۔
بنی اسرائیل دوسری طرف دریا کے کنارے سخت دہشت زدہ حالت میں کھڑے تھے۔
اللہ تعالیٰ نے حضرت موسیٰ علیہ السلام سے فرمایا تھا:
”تم نے دریا کو ساکن حالت میں چھوڑ کر چلے جانا ہے، بلاشبہ یہ لشکر غرق کردیا جائے گا۔
“ (الدخان 44: 24)
2۔
جب فرعون اور اس کا لشکر عین وسط میں پہنچ گیا تو اللہ تعالیٰ نے پانی کو بہنے کا حکم دیا۔
پانی بڑے زور سے غراتا ہوا بہ نکلا، اس طرح فرعون اور اس کا بہت بڑا لشکر دریا کی تہ میں ڈوب گیا۔
اللہ تعالیٰ نے بنی اسرائیل پر بیک وقت تین احسان فرمائے:
۔
فرعونیوں سے نجات۔
۔
سرپرکھڑی موت کے بعد زندگی۔
۔
دشمن کی مکمل طور پر تباہی وہلاکت۔
3۔
بنی اسرائیل دس محرم کو شکرانے کے طور پر روزہ رکھا کرتے تھے، رسول اللہ صلی اللہ علیہ وسلم بھی دس محرم کا روزہ رکھتے تھے، پھر جب یہود کی مخالفت کا حکم ہوا تو آپ نے نوکا روزہ بھی رکھنے کا ارادہ فرمایا لیکن محرم آنے سے پہلے آپ صلی اللہ علیہ وسلم دنیا سے رخصت ہوگئے۔