فوائد:
سیدنا ابو ہرده رضی اللہ عنہ بیان کرتے ہیں کہ رسول اللہ صلی اللہ علیہ وسلم نے فرمایا:
«ثَلَاثَةٌ يَوْتُوْنَ أَجْرَهُمْ مَرَّتَيْنِ ..... وَمُؤْمِنْ أَهْلِ الْكِتَابِ الَّذِي كَانَ مُؤْمِنًا، ثُمَّ آمَنَ بِالنَّبِي فَله أجران» [بخاري، مسلم]
”تین قسم کے افراد کو دو اجر ملیں گے: وہ اہل کتاب جو (اپنی شریعت کے مطابق) مومن تھا، پھر محمد رسول اللہ صلی اللہ علیہ وسلم پر ایمان لے آیا، ایسے آدمی کو دو اجر ملیں گے۔“
جو اہل کتاب، نبی کریم صلی اللہ علیہ وسلم کی بعثت سے قبل حق اور ایمان پر تھے اور آپ صلی اللہ علیہ وسلم کے اعلان نبوت کے بعد ہت دھرمی اور عناد اختیار نہیں کیا، بلکہ حضرت عیسی علیہ السلام اور حضرت موسی علیہ السلام کی شریعتوں کو منسوخ سمجھ کر آپ صلی اللہ علیہ وسلم کو اللہ تعالی کا پیغمبر تسلیم کر لیا۔ ایسے افراد نے اپنے نفسوں سے بھر پور جہاد کیا اور حق کا ساتھ دیا، وہ حضرت عیسی علیہ السلام کے ساتھ ہو یا حضرت محمد صلی اللہ علیہ وسلم کے ساتھ۔ اس لیے ان کو دو اجر عطا کیے گئے۔
ان کے برعکس جو لوگ نبی کریم صلی اللہ علیہ وسلم کی بعثت سے پہلے توحید سے عاری اور مشرک تھے اور کسی مخصوص آسمانی مذہب کے پابند نہیں تھے۔ لیکن آپ صلی اللہ علیہ وسلم کے اعلان رسالت پر آپ پر ایمان لائے۔ ان کو ایک اجر ملے گا، کیونکہ
انھوں نے حق کو پانے کے لیے ایک منزل طے کی اور بر حق اہل کتاب نے دو منزلیں طے کیں۔