متفرق
حدیث نمبر: 81 |
|
سیدنا عبداللہ بن عمر رضی اللہ عنہ سے مروی ہے، رسول اللہ صلی اللہ علیہ وسلم عید الاضحی کے دن مدینہ میں (اونٹ) نحر کرتے اور جب (اونٹ)نحر نہ کرتے تو (بھیڑ، بکری) ذبح کرتے تھے۔
تخریج الحدیث: «صحيح بخاري، العيدين، باب النحر والذبح يوم النحر بالمصلي، رقم الحديث: 982، 5552، سنن نسائي، الضحايا، باب ذبح الامام اضحيته بالمصلي، رقم الحديث: 4367»
حكم: صحیح
حدیث نمبر: 82 |
|
سیدنا عبداللہ بن عمر رضی اللہ عنہ سے مروی ہے، ایک آدمی نے رسول اللہ صلی اللہ علیہ وسلم کو مسجدمیں آواز دی اور دریافت کیا، محرم کون سے کپڑے نہ پہنے؟ تو آپ صلی اللہ علیہ وسلم نے فرمایا: ”محرم قمیص، پگڑی، ٹوپی اور شلوار نہ پہنے اور نہ ہی موزے پہنے الا یہ کہ جوتے میسر نہ ہوں۔ اگر جوتے نہ ہوں تو موزے پہن لے اور ان کو ٹخنوں سے نیچے تک کاٹ دے اور نہ ایسا لباس استعمال کرے جس کو زعفران یا ورس (خوشبو) لگی ہو۔“
تخریج الحدیث: «صحيح بخاري، العلم، باب من اجاب السائل باكثر مما سأله، رقم الحديث: 134، صحيح مسلم، الحج، باب ما يباح للمحرم بحج أو عمرة لبسه … الخ، رقم الحديث: 1177»
حكم: صحیح
حدیث نمبر: 83 |
|
سیدنا عبداللہ بن عمر رضی اللہ عنہ بیان کرتے ہیں، رسول اللہ صلی اللہ علیہ وسلم نے فرمایا: ”تم میں سے کوئی بھی قربانی کا گوشت تین دن سے زیادہ نہ کھائے۔“
جب تیسرے دن کا سورج غروب ہوجاتا تو عبداللہ بن عمر رضی اللہ عنہ اپنی قربانی کا گوشت نہیں کھاتے تھے۔
جب تیسرے دن کا سورج غروب ہوجاتا تو عبداللہ بن عمر رضی اللہ عنہ اپنی قربانی کا گوشت نہیں کھاتے تھے۔
تخریج الحدیث: «صحيح مسلم، الاضحاحي، باب بيان ما كان من النهي عن أكل … الخ، رقم الحديث: 1970»
حكم: صحیح
حدیث نمبر: 84 |
|
سیدنا عبداللہ بن عمر رضی اللہ عنہ نے بیان کیا، رسول اللہ صلی اللہ علیہ وسلم نے فرمایا: ”پانچ جانوروں کو محرم مار سکتا ہے۔ چوہیا، کاٹنے والا کتا، چیل، کوا اور بچھو۔“
تخریج الحدیث: «صحيح بخاري، جزاء الصيد، باب ما يقتل المحرم من الدواب، رقم الحديث: 1826، صحيح مسلم، الحج، باب ما يندب للمحرم وغيره قتله من الدواب فى الحل والحرم، رقم الحديث: 1199»
حكم: صحیح
حدیث نمبر: 85 |
|
سیدنا عبداللہ بن عمر رضی اللہ عنہ نے بیان کیا، رسول اللہ صلی اللہ علیہ وسلم کو جب جلدی سفر پر روانہ ہونا ہوتا تو مغرب کو مؤخر کرتے اور مغرب اور عشاء کوجمع کر لیتے۔ نافع رحمہ اللہ کہتے ہیں، عبداللہ بن عمر رضی اللہ عنہ نے بھی اسی طرح کیا جبکہ میں ان کے ساتھ تھا۔
تخریج الحدیث: «صحيح بخاري، التقصير، باب تصلي المغرب ثلاثاً فى السفر، رقم الحديث: 1091، عن سالم عن ابيه، صحيح مسلم، صلاة المسافرين، باب جواز الجمع بين الصلاتين فى السفر، رقم الحديث: 703»
حكم: صحیح
حدیث نمبر: 86 |
|
سیدنا عبداللہ بن عمر رضی اللہ عنہ نے بیان کیا کہ رسول اللہ صلی اللہ علیہ وسلم نے فرمایا: ”تین افراد جا رہے تھے کہ آسمان کی بارش و بجلی نے ان کو گھیر لیا تو انہوں نے ایک پہاڑ کی غارمیں پناہ لی کہ ایک بڑا پتھر اس (غار کے منہ) پر آگرا۔ آگے حدیث کو تفصیل سے بیان کیا۔
تخریج الحدیث: «صحيح بخاري، ا لبيوع، باب اذا اشتريٰ شيئًا لغيرهٖ بغير اذنه فرضي، رقم الحديث: 2215، صحيح مسلم، الذكر والدعاء، باب قصة اصحاب الغار الثلاثة والتوسل بصالح الأعمال، رقم الحديث: 2743»
حكم: صحیح
حدیث نمبر: 87 |
|
سیدنا عبداللہ بن عمر رضی اللہ عنہ سے مروی ہے، نبی اکرم صلی اللہ علیہ وسلم نے فتح مکہ کے دن عورتوں اور بچوں کو قتل کرنے سے منع کیا۔
تخریج الحدیث: «صحيح بخاري، الجهاد والسير، باب قتل الصبيان فى الحرب، رقم الحديث: 3014، 3015، صحيح مسلم، الجهاد، باب تحريم قتل النساء والصبيان فى الحرب، رقم الحديث: 1744»
حكم: صحیح
حدیث نمبر: 88 |
|
سیدنا عبداللہ بن عمر رضی اللہ عنہ نے بیان کیا، نمازپڑھنے سے پہلے کھانا کھا لینا مسنون ہے۔
تخریج الحدیث: «انفرد به المصنف من هذا الطريق»
حدیث نمبر: 89 |
|
سیدنا عبداللہ بن عمر رضی اللہ عنہ سے مروی ہے، نبی اکرم صلی اللہ علیہ وسلم نے فرمایا: ”جس نے دنیا میں شراب پی وہ آخرت میں نہیں پی سکے گا الا یہ کہ توبہ کر لے۔“
تخریج الحدیث: «صحيح بخاري، الاشربة، باب قول اللّٰه تعاليٰ: ’’انما الخمر والميسر والانصاب… الخ، رقم الحديث: 5575، صحيح مسلم، الأشربة، باب بيان أن كل مسكر خمر وأن كل خمر حرام، رقم الحديث: 2003»
حكم: صحیح
حدیث نمبر: 90 |
|
سیدنا عبداللہ بن عمر رضی اللہ عنہ نے نبی اکرم صلی اللہ علیہ وسلم سے متعلق کہاکہ آپ سواری پر نماز پڑھتے تھے۔ اسی طرح وتر بھی سواری پر ادا کر لیتے تھے۔
موسیٰ بن عقبہ کاخیال ہے،نافع رحمہ اللہ سے مروی ہے کہ عبد اللہ بن عمر رضی اللہ عنہ نے بیان کیا،انہوں نے نبی اکرم صلی اللہ علیہ وسلم کو سواری پر وتر پڑھتے دیکھا۔“
موسیٰ بن عقبہ کاخیال ہے،نافع رحمہ اللہ سے مروی ہے کہ عبد اللہ بن عمر رضی اللہ عنہ نے بیان کیا،انہوں نے نبی اکرم صلی اللہ علیہ وسلم کو سواری پر وتر پڑھتے دیکھا۔“
تخریج الحدیث: «صحيح بخاري، التقصير، باب صلاة التطوع على الدواب وحيثما توجهت، رقم الحديث: 1095، صحيح مسلم، صلاة المسافرين، باب جواز صلاة النافلة على الدابة فى السفر حيث توجهت، رقم الحديث: 700»
حكم: صحیح