الحمدللہ! انگلش میں کتب الستہ سرچ کی سہولت کے ساتھ پیش کر دی گئی ہے۔
فتنے، علامات قیامت اور حشر
फ़ितने, क़यामत की निशानियां और क़यामत का दिन
حدیث نمبر: 3668 |
|
سیدنا مرداس اسلمی رضی اللہ عنہ بیان کرتے ہیں کہ رسول اللہ صلی اللہ علیہ وسلم نے فرمایا: ”نیک لوگ، ایک ایک کر کے، اٹھ جائیں گے اور ”جو“ یا کھجور کے بھوسے کی مانند ردی قسم کے لوگ باقی رہ جائیں گے، جن کی اللہ تعالیٰ کے ہاں کوئی قدر و قیمت نہیں ہو گی۔“
2367. دن بدن اللہ تعالیٰ سے دوری اور دنیوی حرص میں اضافہ ہو گا
“ दिन-ब-दिन अल्लाह से दुरी और दुनिया का लालच बढ़ता जाएगा ”
حدیث نمبر: 3669 |
|
سیدنا عبداللہ بن مسعود رضی اللہ عنہ سے روایت ہے، رسول اللہ صلی اللہ علیہ وسلم نے فرمایا: ”قیامت قریب آ چکی ہے، لیکن لوگوں میں ( دن بدن) دنیا کی حرص بڑھے گی اور اللہ تعالیٰ سے دوری میں اضافہ ہو گا۔“
2368. دن بدن شر و فساد عام ہوتا جائے گا
“ बुराई दिन-ब-दिन आम होती जाएगी ”
حدیث نمبر: 3670 |
|
زبیر بن عدی کہتے ہیں: ہم سیدنا انس بن مالک رضی اللہ عنہ کے پاس گئے اور حجاج کی طرف سے ہونے والی تکلیف کا ذکر کیا۔ انہوں نے کہا: رسول اللہ صلی اللہ علیہ وسلم نے فرمایا: ”ہر بعد والا سال پہلے والے سال سے برا ہو گا، ( یہ سلسلہ یونہی جاری رہے گا) حتیٰ کہ تم اپنے رب سے جا ملو گے۔“
2369. عراق فتنوں کی آماجگاہ ہے
“ इराक़ फ़ितनों का गढ़ है ”
حدیث نمبر: 3671 |
|
سیدنا عبداللہ بن عمر رضی اللہ عنہما سے روایت ہے کہ رسول اللہ صلی اللہ علیہ وسلم نے فرمایا: ”خبردار! فتنہ یہاں ہے، خبردار! فتنہ یہاں ہے (دو یا تین دفعہ فرمایا) یہاں سے شیطان کے سر کا کنارہ طلوع ہو گا۔“ آپ صلی اللہ علیہ وسلم نے یہ فرماتے ہوئے مشرق یا عراق کی طرف اشارہ کیا۔
حدیث نمبر: 3672 |
|
سیدنا عبداللہ رضی اللہ عنہ سے روایت ہے کہ نبی کریم صلی اللہ علیہ وسلم نے دعا کی اور فرمایا: ”اے اللہ! ہمارے مکہ میں ہمارے لیے برکت فرما۔ اے اللہ! ہمارے مدینہ میں ہمارے لیے برکت فرما۔ اے اللہ! ہمارے شا م میں ہمارے لیے برکت فرما۔ اے اللہ! ہمارے صاع میں ہمارے لیے برکت فرما۔ اے اللہ ہمارے مد میں برکت فرما۔ ایک آدمی نے کہا: اللہ کے رسول! اور ہمارے عراق میں۔ آپ صلی اللہ علیہ وسلم نے اس سے منہ پھیر لیا۔ اس نے تین دفعہ اعراض کیا۔ پھر فرمایا: ”یہاں تو زلزلے اور فتنے ہوں گے اور یہاں سے شیطان کے سر کا کنارہ ابھرے گا۔“
حدیث نمبر: 3673 |
|
رسول اللہ صلی اللہ علیہ وسلم نے فرمایا: ”آگاہ رہو! بیشک فتنہ یہاں ہے، جہاں سے شیطان کے سر کا کنارہ نکلتا ہے۔“ یہ حدیث سیدنا ابن عمر، سیدنا ابومسعود انصاری، سیدنا ابن عباس اور سیدنا ابوہریرہ رضی اللہ عنہم اجمعین سے مروی ہے۔
2370. بلاضرورت گھر سے نہ نکلنے میں عافیت ہے
“ बिना कारण घर से बाहर न निकलना ठीक है ”
حدیث نمبر: 3674 |
|
سیدنا عبداللہ بن عمر رضی اللہ عنہما بیان کرتے ہیں کہ رسول اللہ صلی اللہ علیہ وسلم نے ایک آدمی کو کسی کام پر امیر بنایا، اس نے کہا: اے اللہ کے رسول! میرے ساتھ بھلائی کرتے ہوئے (کوئی نفع مند چیز) بتاؤ۔ آپ صلی اللہ علیہ وسلم نے فرمایا: ”اپنے گھر میں ٹھہرے رہنا۔“
2371. روز محشر کافر چہرے کے بل چلے گا
“ क़यामत के दिन काफ़िर मुंह के बल चलेंगे ”
حدیث نمبر: 3675 |
|
قتادہ بیان کرتے ہیں کہ ہمیں سیدنا انس بن مالک رضی اللہ عنہ نے بیان کیا کہ ایک آدمی نے کہا اے اللہ کے نبی! آیا قیامت والے دن کافر کو اس کے چہرے کے بل لایا جائے گا؟ (یہ کیسے ممکن ہے؟) آپ صلی اللہ علیہ وسلم نے فرمایا: ”جس ذات نے دنیا میں اسے پیروں کے بل چلایا، کیا وہ آخرت میں چہرے کے بل چلانے پر قادر نہیں ہے؟ ” قتادہ نے کہا: کیوں نہیں، ہمارے رب کی عزت کی قسم!۔
2372. آزمائشوں سے اللہ تعالیٰ کی عافیت کا سوال کرنا چاہیے
“ आज़माइशों के माध्यम से अल्लाह से सुख की मांग करनी चाहिए ”
حدیث نمبر: 3676 |
|
سیدنا انس رضی اللہ عنہ بیان کرتے ہیں کہ نبی کریم صلی اللہ علیہ وسلم بیمار لوگوں کے پاس سے گزرے اور پوچھا: ”آیا یہ لوگ صحت و عافیت کا سوال نہیں کرتے تھے؟“
2373. آپ صلی اللہ علیہ وسلم کی امت مرحوم ہے، لیکن . . .
“ रसूल अल्लाह ﷺ की उम्मत पर रहमतें की गई हैं लेकिन ”
حدیث نمبر: 3677 |
|
سیدنا ابوموسیٰ رضی اللہ عنہ بیان کرتے ہیں کہ رسول اللہ صلی اللہ علیہ وسلم نے فرمایا: ”میری امت پر رحم کیا گیا ہے، آخرت میں اس پر عذاب نہیں ہو گا، اس کا عذاب دنیا میں ہی ہے اور وہ فتنوں، زلزلوں اور آتشیں مادے ابلنے کی صورت میں ہے۔“