الحمدللہ! انگلش میں کتب الستہ سرچ کی سہولت کے ساتھ پیش کر دی گئی ہے۔
فضائل قرآن، دعا ئیں، اذکار، دم
क़ुरआन की फ़ज़ीलत, दुआएं, अल्लाह की याद और दम करना
2028. روزانہ ایک ہزار نیکیاں
“ रोज़ाना एक हज़ार नेकियां ”
حدیث نمبر: 2987 |
|
مصعب بن سعد اپنے باپ سے بیان کرتے ہیں، انہوں نے کہا: ہم رسول اللہ صلی اللہ علیہ وسلم کے پاس تھے، آپ صلی اللہ علیہ وسلم نے فرمایا: ”کیا تم ہر روز ہزار نیکیاں کمانے سے بےبس آ گئے ہو؟“ ہم نشینوں میں سے ایک نے سوال کیا: ہزار نیکی کرنا کیسے ممکن ہے؟ آپ صلی اللہ علیہ وسلم نے فرمایا: ”اگر کوئی سو دفعہ «سبحان الله» کہہ دے تو اس کے لیے ہزار نیکیاں لکھی جائیں گی یا ہزار برائیاں معاف کر دی جائیں گی۔“
2029. دنیا و وما فیہا ملعون ہے، مگر اللہ کا ذکر اور عالم و متعلم
“ दुनिया और उस में जो कुछ है उस पर लाअनत है सिवाए अल्लाह की याद और उसे सिखाने और सीखने वाले के ”
حدیث نمبر: 2988 |
|
سیدنا ابوہریرہ رضی اللہ عنہ کہتے ہیں کہ میں نے رسول اللہ صلی اللہ علیہ وسلم کو فرماتے سنا: ”دنیا بھی ملعون ہے اور اس میں جو کچھ ہے وہ بھی ملعون ہے، سوائے اللہ تعالیٰ کے ذکر اور اس پر کاربند رہنے والوں کے یا عالم و متعلم کے۔“
2030. وزن میں بھاری اذکار
“ वज़न में भारी शब्द ”
حدیث نمبر: 2989 |
|
سیدنا ابوسلمی رضی اللہ عنہ، جو رسول اللہ صلی اللہ علیہ وسلم کے غلام تھے، سے روایت ہے کہ رسول اللہ صلی اللہ علیہ وسلم نے فرمایا: ”واہ! واہ!۔ اپنی انگلی کے ساتھ پانچ کا اشارہ کیا۔ ( یہ اذکار) ترازو میں کتنے بھاری ہوں گے: «سبحان الله، الحمدلله، لا اله الا الله، الله اكبر» (اور پانچویں چیز) فوت ہونے والا کسی کا نیک بیٹا ہے، کہ اس کا باپ اللہ تعالیٰ سے ثواب کی امید رکھ کر صبر کرتا ہے۔“
2031. باقیات صالحات
“ बाक़ी रहने वाली नेकियाँ ”
حدیث نمبر: 2990 |
|
سیدنا ابوہریرہ رضی اللہ عنہ بیان کرتے ہیں کہ رسول اللہ صلی اللہ علیہ وسلم نے فرمایا: ” «سبحان الله، الحمدلله، لا اله الا الله» اور «الله اكبر» باقی رہنے والی نیکیاں ہیں۔“
2032. سو سو دفعہ سبحان اللہ، الحمد للہ، اللہ اکبر اور لا الہ الا اللہ کہنے کا عظیم ثواب
“ सौ सौ दफ़ा “ सुब्हान अल्लाह ” “ अल-हमदु लिल्लाह ” “ अल्लाहु अकबर ” “ ला इलाहा इल्लल्लाह ” कहने का बड़ा सवाब ”
حدیث نمبر: 2991 |
|
سیدہ ام ہانی بنت ابوطالب رضی اللہ عنہا بیان کرتی ہیں کہ رسول اللہ صلی اللہ علیہ وسلم میرے پاس سے گزرے، میں نے کہا: اے اللہ کے رسول! میں بوڑھی اور کمزور ہو گئی ہوں، آپ مجھے ایسا عمل بتائیں جو میں بیٹھ کر کر سکوں۔ آپ صلی اللہ علیہ وسلم نے فرمایا: ”سو دفعہ «سبحان الله» کہا کر، یہ ذکر تیرے لیے اسماعیل علیہ السلام کی اولاد کے ان سو غلاموں سے بہتر ہے جنہیں تو آزاد کرے۔ سو دفعہ «الحمد لله» کہا کر، یہ ذکر تیرے لیے ان سو زین شدہ اور لگام شدہ گھوڑوں سے بہتر ہے جن کا تو اللہ کے راستے میں صدقہ کرے۔ سو دفعہ «الله اكبر» کہا کر، یہ ذکر تیرے لیے قلادے والی اللہ تعالیٰ کے ہاں مقبول ان سو اونٹنیوں سے بہتر ہے جنہیں مکہ میں ذبح کیا جائے۔ سو دفعہ «لا اله الا الله» کہا کر، یہ ذکر آسمان و زمین کے درمیانی خلا کو (ثواب) سے بھر دے گا اور اس دن (اس عمل کے مقابلے) میں کسی کو کوئی عمل نہیں ہو گا جو آسمان کی طرف بلند ہو سوائے اس آدمی کے عمل کے جو تیری طرح کا عمل کرے۔“
2033. کلمہ توحید نجات دلانے والا ہے
“ कलमा तौहीद “ ला इलाहा इल्लल्लाह ” मुक्ति दिलाता है ”
حدیث نمبر: 2992 |
|
سیدنا ابوہریرہ رضی اللہ عنہ سے روایت ہے، نبی کریم صلی اللہ علیہ وسلم نے فرمایا: ”جس نے «لَا إِلَـٰهَ إِلَّا اللَّـهُ» کہا، تو ایک دن یہ کلمہ اسے آفات و مصائب سے نجات دلائے گا، اس سے پہلے جو ہو چکا، وہ ہو چکا۔“
2034. «الحمد لله كثيرا» کا اجر و ثواب
“ अल-हमदु लिल्लाहि कसीरा ” « الحَمْدُ لِلَّهِ كَثِيرًا » का सवाब ”
حدیث نمبر: 2993 |
|
سیدنا سلمان رضی اللہ عنہ بیان کرتے ہیں کہ رسول اللہ صلی اللہ علیہ وسلم نے فرمایا: ”ایک آدمی نے «الحمدلله كثيرا» ”تمام تعریف اللہ تعالیٰ کے لیے ہے، بہت زیادہ تعریف“ کہا، اس کلمے کو لکھنا فرشتے پر گراں گزرا، اس نے اللہ تعالیٰ سے بات کی، اسے کہا گیا کہ جس طرح میرے بندے نے لفظ «كثيرا» کہا ہے تو اسی طرح لکھ لے۔“
2035. اللہ کے ذکر میں بخیلی، بزدلی اور گھبراہٹ کا علاج ہے
“ अल्लाह की याद कंजूसी ، कायरता और चिंता का इलाज है ”
حدیث نمبر: 2994 |
|
سیدنا عبداللہ رضی اللہ عنہ بیان کرتے ہیں رسول اللہ صلی اللہ علیہ وسلم نے فرمایا: ”اللہ تعالیٰ نے جس طرح تمہارے مابین تمہارے رزق کو تقسیم کیا ہے، اسی طرح تمہارے درمیان تمہارا اخلاق بھی تقسیم کر دیا ہے اور بلاشبہ اللہ تعالیٰ جس کو پسند کرتا ہے، اسے بھی دنیا عطا کرتا ہے اور جسے پسند نہیں کرتا اسے بھی دے دیتا ہے اور ایمان صرف اسے عطا کرتا ہے، جس کو پسند فرماتا ہے۔ پس جو شخص مال خرچ کرنے سے بخل کرے، دشمن کے ساتھ لڑنے سے ڈر جائے اور رات کو تکلیف و مشقت اٹھانے سے گھبرائے تو وہ کثرت سے یہ کلمات کہے: «سبحان الله، والحمدلله ولا اله الا الله، والله اكبر» “۔
2036. اللہ کے ذکر کے دلدادہ لوگ سبقت لے جائیں گے
“ जो अल्लाह को याद करना पसंद करते हैं, वे आगे निकल जाएंगे ”
حدیث نمبر: 2995 |
|
سیدنا ابوہریرہ رضی اللہ عنہ بیان کرتے ہیں کہ رسول اللہ صلی اللہ علیہ وسلم نے فرمایا: ” «مفردون» سبقت لے گئے ہیں۔“ صحابہ نے پوچھا: اے اللہ کے رسول! «مفردون» کون ہیں؟ آپ صلی اللہ علیہ وسلم نے فرمایا: ”جو اللہ تعالیٰ کا ذکر کرنے کے دلدادہ ہوتے ہیں۔“
2037. اللہ تعالیٰ کا ذکر بھی صدقہ ہے
“ अल्लाह को याद करना भी सदक़ह है ”
حدیث نمبر: 2996 |
|
سیدنا ابوذر رضی اللہ عنہ بیان کرتے ہیں کہ اصحاب نبی نے نبی کریم صلی اللہ علیہ وسلم کو کہا: اے اللہ کے رسول! اجر تو مالدار لوگ لے گئے، (وہ اس طرح کہ) وہ نماز تو ہماری طرح پڑھتے ہیں اور روزے بھی ہماری طرح رکھتے ہیں، لیکن وہ زائد مال کا صدقہ کرتے ہیں۔ آپ صلی اللہ علیہ وسلم نے فرمایا: ”اللہ تعالیٰ نے تمہیں ایسے اسباب نہیں دیے کہ تم صدقہ کر سکو؟ (بالکل دیے ہیں اور ان کی تفصیل یہ ہے) «سبحان اللہ» کہنا صدقہ ہے، «الحمد للہ» کہنا صدقہ ہے، «الله اکبر» کہنا صدقہ ہے، «لا اله الا الله» کہنا صدقہ ہے، نیکی کا حکم دینا صدقہ ہے، برائی سے منع کرنا صدقہ ہے اور بیوی سے استفادہ کرنا صدقہ ہے۔“ انہوں نے سوال کیا: ہم میں سے ایک آدمی اپنی شہوت کو پورا کرتا ہے اور اس میں اس کے لیے اجر ہے، (یہ کیسے)؟ آپ صلی اللہ علیہ وسلم نے فرمایا: ”ذرا یہ بتاؤ کہ اگر آدمی اپنے عضو (مخصوص) کو حرام کام (زنا) کے لیے استعمال کرے تو کیا اسے گناہ ملے گا؟ (ضرور ملے گا)۔ اسی طرح اگر وہ اسے حلال کام کے لیے استعمال کرے تو اسے اجر ملے گا۔“