کتاب سنن ترمذي تفصیلات
کتاب: سلام مصافحہ اور گھر میں داخل ہونے کے آداب و احکام
33. باب مَا جَاءَ فِي قُبْلَةِ الْيَدِ وَالرِّجْلِ
33. باب: ہاتھ پیر کا بوسہ لینا (کیسا ہے؟)۔
حدیث نمبر: 2733 |
|
صفوان بن عسال رضی الله عنہ کہتے ہیں کہ ایک یہودی نے اپنے ساتھی سے کہا: چلو اس نبی کے پاس لے چلتے ہیں۔ اس کے ساتھی نے کہا ”نبی“ نہ کہو۔ ورنہ اگر انہوں نے سن لیا تو ان کی چار آنکھیں ہو جائیں گی، پھر وہ دونوں رسول اللہ صلی اللہ علیہ وسلم کے پاس آئے، اور آپ سے (موسیٰ علیہ السلام کو دی گئیں) نو کھلی ہوئی نشانیوں کے متعلق پوچھا۔ آپ نے ان سے کہا (۱) کسی کو اللہ کا شریک نہ بناؤ (۲) چوری نہ کرو (۳) زنا نہ کرو (۴) ناحق کسی کو قتل نہ کرو (۵) کسی بےگناہ کو حاکم کے سامنے نہ لے جاؤ کہ وہ اسے قتل کر دے (۶) جادو نہ کرو (۷) سود مت کھاؤ (۸) پارسا عورت پر زنا کی تہمت مت لگاؤ (۹) اور دشمن سے مقابلے کے دن پیٹھ پھیر کر بھاگنے کی کوشش نہ کرو۔ اور خاص تم یہودیوں کے لیے یہ بات ہے کہ «سبت» (سنیچر) کے سلسلے میں حد سے آگے نہ بڑھو، (آپ کا جواب سن کر) انہوں نے آپ کے ہاتھ پیر چومے اور کہا: ہم گواہی دیتے ہیں کہ آپ نبی ہیں۔ آپ نے فرمایا: ”پھر تمہیں میری پیروی کرنے سے کیا چیز روکتی ہے؟“ انہوں نے کہا: داود علیہ السلام نے اپنے رب سے دعا کی تھی کہ ان کی اولاد میں ہمیشہ کوئی نبی رہے۔ اس لیے ہم ڈرتے ہیں کہ اگر ہم نے آپ کی اتباع (پیروی) کی تو یہودی ہمیں مار ڈالیں گے۔ امام ترمذی کہتے ہیں:
۱- یہ حدیث حسن صحیح ہے،
۲- اس باب میں یزید بن اسود، ابن عمر اور کعب بن مالک رضی الله عنہم سے بھی احادیث آئی ہیں۔
۱- یہ حدیث حسن صحیح ہے،
۲- اس باب میں یزید بن اسود، ابن عمر اور کعب بن مالک رضی الله عنہم سے بھی احادیث آئی ہیں۔
تخریج الحدیث: «سنن ابن ماجہ/الأدب 16 (3705)، وأعادہ المؤلف في التفسیر (3144) والنسائی فی الکبری فی السیر (8656) وفی المحاربة (3541) (تحفة الأشراف: 4951) وأحمد (4/239) (ضعیف) (سند میں ”عبد اللہ بن سلمہ“ مختلط ہو گئے تھے)»
قال الشيخ الألباني: ضعيف، ابن ماجة (3705) // ضعيف سنن ابن ماجة برقم (808)، والذي هنا أتم وانظر الآتي برقم (613 / 3365)، ضعيف سنن النسائي (275 / 4078) //
| ● جامع الترمذي | 3144 | صفوان بن عسال | لا تشركوا بالله شيئا لا تزنوا لا تقتلوا النفس التي حرم الله إلا بالحق لا تسرقوا لا تسحروا لا تمشوا ببريء إلى سلطان فيقتله لا تأكلوا الربا لا تقذفوا محصنة لا تفروا من الزحف عليكم يا معشر اليهود خاصة أن لا تعدوا في السبت قبلا يديه ورجليه |
| ● جامع الترمذي | 2733 | صفوان بن عسال | لا تشركوا بالله شيئا لا تسرقوا لا تزنوا لا تقتلوا النفس التي حرم الله إلا بالحق لا تمشوا ببريء إلى ذي سلطان ليقتله لا تسحروا لا تأكلوا الربا لا تقذفوا محصنة لا تولوا الفرار يوم الزحف عليكم خاصة اليهود أن لا تعتدوا في السبت قبلوا يديه ورجليه |
| ● سنن النسائى الصغرى | 4083 | صفوان بن عسال | لا تشركوا بالله شيئا لا تسرقوا لا تزنوا لا تقتلوا النفس التي حرم الله إلا بالحق لا تمشوا ببريء إلى ذي سلطان لا تسحروا لا تأكلوا الربا لا تقذفوا المحصنة لا تولوا يوم الزحف عليكم خاصة يهود أن لا تعدوا في السبت قبلوا يديه ورجلي |
| ● مشكوة المصابيح | 58 | صفوان بن عسال | لا تشركوا بالله شيئا ولا تسرقوا ولا تزنوا ولا تقتلوا النفس التي حرم الله إلا بالحق ولا تمشوا ببريء إلى ذي سلطان ليقتله ولا تسحروا ولا تاكلوا الربا ... |
| ● سنن ابن ماجه | 3705 | صفوان بن عسال | ان قوما من اليهود قبلوا يد النبي صلى الله عليه وسلم ورجليه |
