فوائد ومسائل:
1۔
انسان اپنے غصے اور قدرت کا اظہار کرتے ہوئے ہمیشا یاد رکھے کہ اللہ عز وجل اس سے بڈھ کر قدرت رکھنے والا ہے، اس لیے ہمیشا ظلم سے باز رہے، ورنہ اس کا انجام آگ ہے۔

2۔
اس حدیث میں ابو مسعود کی فضیلت کا اظہار ہے کہ انھوں نے فوراً اپنی غلطی کی تلافی کی اور ایک افضل عمل سے کی۔
 

اردو حاشہ:
وضاحت:
1؎:
غلاموں اور نوکروں چاکروں پرسختی برتنا مناسب نہیں،
بلکہ بعض روایات میں ان پر بے جا سختی کرنے یا جرم سے زیادہ سزادینے پر وعید آئی ہے،
نبی اکرمﷺ اللہ کی جانب سے جلالت و ہیبت کے جس مقام پر فائز تھے اس حدیث میں اس کی بھی ایک جھلک دیکھی جاسکتی ہے،
چنانچہ آپﷺ کے خبردار کہنے پر ابومسعود اس غلام کو نہ صرف یہ کہ مارنے سے رک گئے بلکہ آئندہ کسی غلام کو نہ مارنے کا عہد بھی کر بیٹھے اور زندگی اس پر قائم رہے۔

حدیث حاشیہ:
فوائد ومسائل:
غلام ایک انسان ہے جو غلطی کا ارتکاب کر سکتا ہے،
اور انسان بھی اللہ کا غلام اور اس کی مخلوق ہے،
جس کے ایک آقا کے اپنے غلام پر بڑھ کر حقوق ہیں،
جن میں انسان کوتاہی کرتا ہے،
اس کے باوجود اللہ تعالیٰ انتہائی قادر ہونے کے باوجود انسان کے قصور اور کوتاہی سے درگزر کرتا ہے،
اور اس کو توبہ کا موقع دیتا ہے،
تو انسان کو بھی چاہیے،
اگر اس کا غلام اور ماتحت کسی غلطی یا قصور کا ارتکاب کر بیٹھے تو وہ درگزر اور چشم پوشی سے کام لے،
تاکہ وہ مؤاخذہ کے وقت اللہ تعالیٰ کی معافی اور غفران کا امیداوار بن سکے۔

حدیث حاشیہ:
فوائد ومسائل:
حضرت ابو مسعود رضی اللہ عنہ سے اللہ کے واسطہ سے اس کا غلام پناہ طلب کرتا رہا،
آخرکار اللہ کے رسول کے نام سے پناہ لی،
تو اس زیادتی کی بناء پر وہ سزا کے حقدار ٹھہرے،
اس لیے آپ صلی اللہ علیہ وسلم نے فرمایا:
”اگر تم اسے آزاد نہ کرتے،
تو تمہیں اپنے ظلم و زیادتی کا خمیازہ بھگتنا پڑتا۔
“