الحمدللہ! انگلش میں کتب الستہ سرچ کی سہولت کے ساتھ پیش کر دی گئی ہے۔
متفرق
حدیث نمبر: 171 |
|
سیدنا زید بن خالد جہنی رضی اللہ عنہ او ر سیدنا ابوہریرہ رضی اللہ عنہ دونوں بیان کرتے ہیں کہ بے شک رسول اللہ صلی اللہ علیہ وسلم سے لونڈی کے بارے میں سوال کیا گیا کہ اگر وہ زنا کرے اور شادی شدہ نہ ہو تو آپ صلی اللہ علیہ وسلم نے فرمایا: ”اگر وہ زنا کرے تو اسے کوڑے لگاؤ، پھر اگر زنا کرے تو اسے کوڑے لگاؤ، پھر اگر زنا کرے تو اسے کوڑے لگاؤ، پھر اسے بیچ دو، چاہے بالوں کی رسی کے بدلے ہی۔“ تیسری یا چوتھی دفعہ کے بعد اور ”ضفیر“ رسی کو کہتے ہیں۔
تخریج الحدیث: «صحیح بخاري، البیوع،بیع المدبر: 4/334، المحاربین: 12/138، صحیح مسلم، الموارد: 11/213، رقم: 33، سنن ابن ماجة، الحدود: 14، باب إقامة الحدود علی الإماء رقم: 2565، موطا: 4/148، کتاب الحدود: 573، باب جامع ماجاء فی حد الزنا، سنن دارمي، الحدود: 18، باب الممالیك إذا زنوا یقیم علیهم سادتهم الحدود دون السلطان: 2/101، مسند طیالسي: 1/300، سنن الکبریٰ بیهقي: 8/244۔»
حكم: صحیح
حدیث نمبر: 172 |
|
اشعث بن قیس نے کہا کہ ہم کندہ کے کچھ لوگوں میں رسول اللہ صلی اللہ علیہ وسلم کے پاس آئے، وہ مجھے اپنا سب سے افضل آدمی ہی سمجھتے تھے،میں نے کہا: اے اللہ کے رسول صلی اللہ علیہ وسلم ! بے شک ہم گمان کرتے ہیں کہ آپ صلی اللہ علیہ وسلم ہم میں سے ہی ہیں؟ آپ صلی اللہ علیہ وسلم نے فرمایا: ”ہم بنو نضیر بن کنانہ نہ اپنی ماں پر بری تمہت لگاتے ہیں اور نہ ہی اپنے باپ کی نفی کرتے ہیں۔“ اشعث نے کہا کہ اللہ کی قسم! میں جس آدمی کو بھی سنتا کہ اس نے قریش کے کسی آدمی کی نضر بن کنانہ سے نفی کی ہے تو میں اسے ضرور کوڑوں کی حد لگاتا۔
تخریج الحدیث: «سنن ابن ماجة، الحدود: 37، باب من نفي رجلا من قبیلة، رقم: 2612۔ محدث البانی نے اسے ’’صحیح‘‘ کہا ہے۔»
حكم: صحیح
حدیث نمبر: 173 |
|
سیدنا اسامہ بن زید رضی اللہ عنہما سے روایت ہے کہ رسول اللہ صلی اللہ علیہ وسلم نے ارشاد فرمایا: ”مسلمان کافر کا وارث نہیں بن سکتا اور نہ کافر مسلمان کا وارث بن سکتا ہے۔
تخریج الحدیث: «أخرجه البخاري فى «صحيحه» برقم: 4283، 6764، ومسلم فى «صحيحه» برقم: 1351، 1351، 1614، ومالك فى «الموطأ» برقم: 1486، وابن خزيمة فى «صحيحه» برقم: 2985، وابن حبان فى «صحيحه» برقم: 5149، 6033، والحاكم فى «مستدركه» برقم: 2962، 4200، والنسائي فى «الكبریٰ» برقم: 4241، 4242، وأبو داود فى «سننه» برقم: 2010، 2909، 2910، والترمذي فى «جامعه» برقم: 2107، والدارمي فى «مسنده» برقم: 3041، 3043، 3044، وابن ماجه فى «سننه» برقم: 2729، 2730، 2942، وسعيد بن منصور فى «سننه» برقم: 135، 136، والبيهقي فى «سننه الكبير» برقم: 9838، والدارقطني فى «سننه» برقم: 3028، وأحمد فى «مسنده» برقم: 22161، والطبراني فى «الكبير» برقم: 391، 412، 413، والطبراني فى «الأوسط» برقم: 506، 2738، 5013
صحیح بخاري، الفرائض، باب لا یرث الکافر المسلم: 12/41، صحیح مسلم، الفرائض: 11/52، رقم: سنن ابي داؤد،الفرائض: 10 باب هل یرث الکافر المسلم: 8/120، سنن ابن ماجة، الفرائض: 6، باب میراث أهل الإسلام من أهل الشرك رقم: 2731، مسند أحمد: 2/195، تاریخ بغداد: 5/290، 8/407، تلخیص الحبیر، ابن حجر: 3/84۔»
صحیح بخاري، الفرائض، باب لا یرث الکافر المسلم: 12/41، صحیح مسلم، الفرائض: 11/52، رقم: سنن ابي داؤد،الفرائض: 10 باب هل یرث الکافر المسلم: 8/120، سنن ابن ماجة، الفرائض: 6، باب میراث أهل الإسلام من أهل الشرك رقم: 2731، مسند أحمد: 2/195، تاریخ بغداد: 5/290، 8/407، تلخیص الحبیر، ابن حجر: 3/84۔»
حكم: صحیح
حدیث نمبر: 174 |
|
سیدنا اسامہ بن زید رضی اللہ عنہما بیان کرتے ہیں کہ نبی اکرم صلی اللہ علیہ وسلم نے ارشاد فرمایا: مسلمان کافر کا وراث نہیں بن سکتا۔
تخریج الحدیث: «صحیح بخاري: 6764، موطا، الفرائض: 358، میراث أهل الملل: 3/119، جامع ترمذي، الفرائض: 15، باب إبطال المیراث بین المسلم والکافر: 6/386۔»
حكم: صحیح
حدیث نمبر: 175 |
|
سیدنا عبداللہ بن عمرو رضی اللہ عنہما بیان کرتے ہیں کہ رسول اللہ صلی اللہ علیہ وسلم نے ارشاد فرمایا: د و (مختلف)دینوں والے باہم وارث نہیں بن سکتے۔
تخریج الحدیث: «سنن ابي داؤد، الوصایا: 10، باب هل یرث الکافر والمسلم: 2911، سنن ابن ماجة، الفرائض: 6، باب میراث أهل الاسلام من أهل الشرك: رقم: 2731، مسند احمد: 2/195، تاریخ بغداد: 5/290، 8/407، تلخیص الجیر: 3/84۔ محدث البانی نے اسے ’’حسن‘‘ کہا ہے۔»
حكم: حسن
حدیث نمبر: 176 |
|
سیدنا علی رضی اللہ عنہ سے روایت ہے، انہوں نے فرمایا کہ رسول اللہ صلی اللہ علیہ وسلم نے وصیت سے پہلے قرض ادا کیا، حالاں کہ تم پڑھتے ہو، ﴿ مِنْ بَعْدِ وَصِيَّةٍ يُوصَى بِهَا أَوْ دَيْنٍ﴾ (النساء: 12)”اس وصیت کے بعد جو وہ کر جائے، یا قرض (کے بعد(۔“ اور بے شک عینی بھائی ایک دوسرے کے وارث بنتے ہیں نہ کہ علاتی بھائی۔ یعنی باپ اورماں کی طرف سے بھائی نہ کہ صرف باپ کی طرف سے بھائی۔
تخریج الحدیث: «سنن ابن ماجة، الوصایا: 7، باب الدین قبل الوصیة رقم: 2715، سنن ترمذي: 2094، مسند الطیالسي: 1/272، مستدرك حاکم: 4/336۔ محدث البانی نے اسے ’’حسن‘‘ قرار دیا ہے۔»
حكم: حسن
حدیث نمبر: 177 |
|
سیدنا عائشہ رضی اللہ عنہا بیان کرتی ہیں کہ بے شک نبی اکرم صلی اللہ علیہ وسلم کا آزاد کردہ غلام کھجور خرما کی شاخیں کاٹ رہا تھا کہ گر کر مر گیا اور کچھ وراثت چھوڑ گیا، یہ بات نبی صلی اللہ علیہ وسلم کو بتائی گئی تو آپ صلی اللہ علیہ وسلم نے فرمایا: کیا اس کی کوئی اولاد یا دوست ہے؟ انہوں نے کہا کہ نہیں، آپ صلی اللہ علیہ وسلم نے فرمایا: اس کے بعض بستی والے کو دیکھو اور اس (مال)کو اس کے سپرد کردو۔
تخریج الحدیث: «سنن ابن ماجة، الفرائض، باب میراث الولاء رقم: 2733، مسند طیالسي: 1/285، مشکل الآثار طحاوي: 1/426، 427۔ محدث البانی نے اسے ’’صحیح‘‘ کہا ہے۔»
حكم: صحیح
حدیث نمبر: 178 |
|
خالد بن ابی حیان نے کہا کہ بنی دینار کی ایک عورت تھی جس نے مجھے آزاد کر دیا تھا، پھر اس نے بنی سلمہ میں شادی کر لی اور ان میں سے اس نے اولاد پیدا کی، پھر وہ (آزاد کرنے والی)فوت ہو گئی، میں جابر بن عبداللہ رضی اللہ عنہما پر داخل ہوا تو بعض لوگوں نے کہا کہ اے ابو عبداللہ! یہ آپ رضی اللہ عنہ کے ”ولاء“ سے سوال کرنے والا ہے۔ میں نے کہا کہ اللہ کی پناہ! میں فلاں دیناریہ عورت کا آزادہ کردہ ہوں توجابر رضی اللہ عنہ نے فرمایا: ہاں اے میری بہن کے بیٹے! بے شک میں گواہی دیتا ہوں کہ یقینا میں نے رسول اللہ صلی اللہ علیہ وسلم کوفرماتے ہوئے سنا: جس نے اپنے مالکوں کے سوا کسی اور کو مالک بنایا، اس نے اپنی گردن سے ایمان کا پھندا اتار دیا اور وہ ا پنے ہاتھ کے ساتھ اس طرح تین بار اشارہ کر رہے تھے۔
تخریج الحدیث: «مسند أحمد: 3/332، رقم: 14562۔ شیخ شعیب نے اس کی سند کو ’’جید‘‘ قرار دیا ہے۔»
حكم: جید
حدیث نمبر: 179 |
|
سعید بن مسیب رحمہ اللہ بیان کرتے ہیں کہ بے شک ایک عورت عمر بن خطاب رضی اللہ عنہ کے پاس آئی، وہ اپنے خاوند کی جانب سے (حاصل ہونے والی)اپنی وراثت کا مطالبہ کر رہی تھی تو عمر رضی اللہ عنہ نے فرمایا: دیت تو صرف عصبہ کے لیے ہوتی ہے اور میں تیرے لیے کسی چیز کو نہیں جانتا اور معمر نے کہا کہ انہوں نے سمجھا کہ دیت صرف عصبہ کے لیے ہے، کیونکہ کہ دیت دیتے بھی وہی ہیں، پھر انہوں نے لوگوں نے مشورہ کیا اور فرمایا: کیا کسی ایک کے پاس اس بارے میں کوئی علم ہے؟ تو ضحاک بن سفیان کلابی رضی اللہ عنہ نے کہا کہ بے شک رسول اللہ صلی اللہ علیہ وسلم نے میری طرف لکھا تھا کہ میں اشیم ضبابی کی بیوی کو اس کے خاوند کی دیت سے وارث بناؤں، تو عمر رضی اللہ عنہ نے اس کو وارث بنا دیا۔
تخریج الحدیث: «سنن ابن ماجة: 2642، مسند احمد: 3/452۔ محدث البانی نے اسے ’’صحیح‘‘ کہا ہے۔»
حكم: صحیح
حدیث نمبر: 180 |
|
زہری رحمہ اللہ بیان کرتے ہیں کہ بے شک اشیم کا قتل، قتل خطا تھا۔
تخریج الحدیث: «الاصابة: 1/90۔»