”تیرے علاوہ کوئی سچا معبود نہیں، تو پاک ہے، یقیناً میں ہی ظالموں میں سے ہوں۔“ [صحيح، سنن ترمذي: 3505، المستدرك للحاكم: 1862-1865]

”اللہ اللہ میرا رب ہے، میں اس کے ساتھ کسی چیز کو بھی شریک نہیں کرتا۔“ [اسناده حسن، سنن ابي داؤد: 1525، سنن ابن ماجه: 3882]

”اے اللہ! یقیناً ہم تجھے ہی ان کے سامنے کرتے ہیں اور ان کے شر سے تیری پناہ میں آتے ہیں۔“ [اسناده ضعيف، سنن ابي داؤد: 1537، المستدرك للحاكم: 2629]

”اے اللہ! تو ہی میرا بازو ہے اور تو ہی میرا مدد گار ہے، تیری مدد کے ساتھ ہی میں چکر لگاتا ہوں، تیری مدد کے ساتھ ہی میں حملہ کرتا ہوں اور تیری مدد کے ساتھ ہی میں لڑائی کرتا ہوں۔“ [اسناده ضعيف، سنن ابي داؤد: 2632، سنن ترمذي: 3584]

”ہمیں اللہ ہی کافی ہے اور وہ اچھا کارساز ہے۔“ [صحيح بخاري: 4563، 4564]
یہ روایت موقوف ہے۔

”اے اللہ! ساتوں آسمانوں کے رب، اور عرش عظیم کے رب، فلاں بن فلاں اور تیری مخلوق میں سے اس کے لشکروں کے مقابلے میں میرا پڑوسی (مدد گار) بن جا، کہ کہیں ان میں سے کوئی شخص مجھ پر ظلم یا سرکشی کرے، تیرا پناہ یافتہ طاقتور ہے، تیری تعریف شان والی ہے اور تیرے علاوہ کوئی سچا معبود نہیں۔“ [صحيح، الادب المفرد للبخاري: 707]
یہ روایت موقوف ہے۔

”اللہ سب سے بڑا، اللہ اپنی تمام مخلوق سے زیادہ طاقتور (غالب) ہے، اللہ اس سے بھی زیادہ طاقتور ہے جس سے میں خوف کھا رہا ہوں یا بچنے کی کوشش کر رہا ہوں، میں اللہ کی پناہ میں آتا ہوں، جس کے علاوہ کوئی سچا معبود نہیں، ساتوں آسمانوں کو تھامنے والا ہے کہ کہیں وہ زمین پر نہ گر پڑیں، مگر اس کے حکم کے ساتھ، تیرے فلاں بندے، اس کے لشکروں، اس کے پیروکاروں جنوں اور انسانوں میں سے اس کے گروہ کے شر سے، اے اللہ ان کے شر کے مقابلے میں میرا مدد گار بن جا تیری تعریف شان والی ہے، تیری پناہ یافتہ طاقتور ہے، تیرا نام بابرکت ہے، تیرے علاوہ کوئی سچا معبود نہیں۔“ [سنده حسن، الادب المفرد للبخاري: 708]

”اے اللہ! کتاب کو نازل کرنے والے، جلد حساب لینے والے، لشکروں کو شکست دے دے، اے اللہ انہیں شکست دے اور انہیں ہلاکر رکھ دے۔“ [صحيح مسلم: 1742]

”اے اللہ! جس طرح تو چاہے مجھے ان سے کافی ہو جا۔“ [صحيح مسلم: 3005]

”اللہ تعالیٰ کی پناہ طلب کرے۔“ [صحيح بخاري: 3276]