آداب اور اجازت طلب کرنا
अख़लाक़ और अनुमति मांगना
1895. رسول اللہ صلی اللہ علیہ وسلم کے پیچھے فرشتوں کا چلنا
“ रसूल अल्लाह ﷺ के पीछे फ़रिश्तों का चलना ”
حدیث نمبر: 2814 |
|
سیدنا جابر رضی اللہ عنہ کہتے ہیں کہ صحابہ کرام آپ صلی اللہ علیہ وسلم کے سامنے چلتے تھے اور آپ صلی اللہ علیہ وسلم کی پشت فرشتوں کے لیے چھوڑ دیتے تھے۔
حدیث نمبر: 2815 |
|
سیدنا عبداللہ بن عمرو رضی اللہ عنہ سے روایت ہے، وہ کہتے ہیں کہ رسول اللہ صلی اللہ علیہ وسلم اس بات کو ناپسند کرتے تھے کہ کوئی ان کے پیچھے چلے، لوگ آپ صلی اللہ علیہ وسلم کے دائیں بائیں چلتے تھے۔
1896. صحابہ کرام رضی اللہ عنہم کا اپنی ملاقاتوں میں سورہ عصر کی تلاوت کرنا
“ सहाबा का किसी से मिलते समय सूरत अल-अस्र पढ़ना ”
حدیث نمبر: 2816 |
|
ابومدینہ دارمی سے روایت ہے کہ جب دو صحابہ کی ملاقات ہوتی تو اس وقت تک وہ جدا نہ ہوتے تھے جب تک ایک دوسرے پر «والعصر إن الإنسان لفي خسر» نہ پڑھ لیتے۔ اس کے بعد ایک دوسرے کو سلام کہتا تھا۔
1897. کسی کے گھر میں بلا اجازت دیکھنا جرم ہے
“ बिना अनुमति के किसी के घर में झांकना अपराध है ”
حدیث نمبر: 2817 |
|
سیدنا انس رضی اللہ عنہ بیان کرتے ہیں کہ رسول اللہ صلی اللہ علیہ وسلم اپنے گھر میں کھڑے نماز ادا کر رہے تھے، ایک آدمی آیا اور آپ صلی اللہ علیہ وسلم کے گھر کے اندر جھانکنے لگا، رسول اللہ صلی اللہ علیہ وسلم نے ترکش سے تیر نکالا اور اس کی آنکھوں کا نشانہ لیا، لیکن وہ چلا گیا۔
1898. اسلام میں صرف دو عیدیں ہیں
“ इस्लाम में केवल दो ईद हैं ”
حدیث نمبر: 2818 |
|
سیدنا انس بن مالک رضی اللہ عنہ کہتے ہیں کہ اہل جاہلیت نے سال میں کھیلنے کے لیے دو دن مقرر کر رکھے تھے، جب نبی کریم صلی اللہ علیہ وسلم مدینہ تشریف لائے تو فرمایا: ”تمہارے دو دن تھے جن میں تم کھیلتے تھے، اللہ تعالیٰ نے تمہارے لیے دو بہترین دنوں کو ان کا بدل بنایا ہے اور وہ عیدالفطر اور عیدالاضحیٰ ہیں۔“
1899. گھوڑی کو «فرس» کہنا
“ घोड़ी को फ़र्स कहना ”
حدیث نمبر: 2819 |
|
سیدنا ابوہریرہ رضی اللہ عنہ سے روایت ہے کہ رسول اللہ صلی اللہ علیہ وسلم گھوڑی کو «فرس» کہتے تھے۔
1900. اولاد آدم کا ہر فرد مسئول ہے
“ आदम की औलाद का हर व्यक्ति ज़िम्मेदार है ”
حدیث نمبر: 2820 |
|
سیدنا ابوہریرہ رضی اللہ عنہ سے روایت ہے، وہ کہتے ہیں کہ رسول اللہ صلی اللہ علیہ وسلم نے فرمایا: ”بنو آدم کا ہر فرد ( کسی نہ کسی طرح) سردار ہے، (بطور مثال) آدمی اپنے اہل و عیال کا سردار ہے اور عورت اپنے گھر کی سردار ہے۔“
1901. غیبت منع ہے
“ ग़ीबत यानि पीठ पीछे बुराई करना मना है ”
حدیث نمبر: 2821 |
|
سیدنا عبادہ بن صامت رضی اللہ عنہ سے مروی ہے کہ نبی کریم صلی اللہ علیہ وسلم نے فرمایا: ”کوئی کسی کی چغلی نہ کرے۔“
1902. غیبت کا انجام بد
“ ग़ीबत यानि पीठ पीछे बुराई करने का बुरा नतीजा ”
حدیث نمبر: 2822 |
|
سیدنا انس بن مالک رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا: ”جب میرے رب نے مجھے معراج کرائی تو میرا گزر کچھ ایسے لوگوں کے پاس سے ہوا جن کے ناخن تانبے کے تھے، وہ (ان سے) اپنے چہرے اور سینے نوچ رہے تھے۔ میں نے پوچھا: جبریل! یہ کون لوگ ہیں؟ انہوں نے جواب دیا: یہ وہ لوگ ہیں جو لوگوں کا گوشت کھاتے ہیں (غیبت کرتے ہیں) اور ان کی عزتوں کو پامال کرتے ہیں۔“
حدیث نمبر: 2823 |
|
سیدنا حذیفہ بن یمان رضی اللہ عنہ بیان کرتے ہیں کہ نبی کریم صلی اللہ علیہ وسلم نے فرمایا: ”چغلی کرنے والا جنت میں داخل نہیں ہو گا۔“