کتاب: حج کے بیان میں
حدیث نمبر: 956 |
|
امام مالک رحمہ اللہ نے پوچھا ابن شہاب سے کہ حج میں شرط لگانا درست ہے؟ بولے: کیا کوئی ایسا کرتا ہے؟ اور انکار کیا اس سے۔
تخریج الحدیث: «مقطوع صحيح، وأخرجه البيهقي فى «سننه الكبير» برقم: 10125، والشافعي فى «الاُم» برقم: 158/2، فواد عبدالباقي نمبر: 20 - كِتَابُ الْحَجِّ-ح: 253»
حدیث نمبر: 956ب |
|
امام مالک رحمہ اللہ سے سوال ہوا کہ اپنے جانور کے واسطے حرم کی گھاس کاٹنا درست ہے؟ جواب دیا کہ نہیں۔
تخریج الحدیث: «فواد عبدالباقي نمبر: 20 - كِتَابُ الْحَجِّ-ح: 253»
82. بَابُ حَجِّ الْمَرْأَةِ بِغَيْرِ ذِي مَحْرَمٍ
82. عورت کو بغیر محرم کے حج کرنے کا بیان
حدیث نمبر: Q957 |
|
امام مالک رحمہ اللہ نے فرمایا: جن عورتوں کے خاوند نہیں ہیں اور انہوں نے حج نہیں کیا، اگر ان کا کوئی محرم نہ ہو یا ہو لیکن ساتھ نہ جا سکے، تو فرض حج کو ترک نہ کرے بلکہ عورتوں کے ساتھ حج کو جائے۔
تخریج الحدیث: «فواد عبدالباقي نمبر: 20 - كِتَابُ الْحَجِّ-ح: 254»
83. بَابُ صِيَامِ التَّمَتُّعِ
83. جو شخص تمتع کرے اس کے روزوں کا بیان
حدیث نمبر: 957 |
|
اُم المؤمنین سیدہ عائشہ رضی اللہ عنہا سے روایت ہے کہ وہ کہتی تھیں: روزہ اس شخص کے اوپر ہے جو تمتع کرے، یعنی عمرہ کر کے حج کرے اور ہدی نہ پائے، حج کے احرام سے لے کر عرفے تک روزے رکھے، اگر ان دنوں میں نہ رکھے تو منیٰ کے دنوں میں رکھے۔
تخریج الحدیث: «موقوف صحيح،أخرجه البيهقي فى «سننه الكبير» برقم: 8559، 8898، وأما حديث عائشة بنت أبى بكر الصديق أخرجه البخاري فى «صحيحه» برقم: 1999، فواد عبدالباقي نمبر: 20 - كِتَابُ الْحَجِّ-ح: 255»
حدیث نمبر: 958 |
|
سیدنا عبداللہ بن عمر رضی اللہ عنہما بھی اس مقدمے میں مثل قولِ سیدہ عائشہ رضی اللہ عنہا کے کہتے۔
تخریج الحدیث: «موقوف صحيح، وأخرجه البخاري فى «صحيحه» برقم: 1999، والبيهقي فى «سننه الكبير» برقم: 8560، 8988، فواد عبدالباقي نمبر: 20 - كِتَابُ الْحَجِّ-ح: 255ق»