|
 |
|
1- حدیث نمبر سے حدیث تلاش کیجئے: |
مسند الشهاب
احادیث801 سے 1000
| حدیث نمبر: 881 |
سیدنا ابوایوب انصاری رضی اللہ عنہ سے مروی ہے کہ بے شک رسول الله صلی اللہ علیہ وسلم نے فرمایا: ”کسی مسلمان کے لیے حلال نہیں کہ وہ اپنے بھائی سے تین دن سے زیادہ ترک تعلق رکھے وہ دونوں آپس میں ملیں (تو حال یہ ہو) کہ یہ اس سے منہ موڑے اور وہ اس سے منہ موڑے اور ان دونوں میں سے بہتر وہ ہے جو سلام کرنے میں پہل کرے۔“ [مسند الشهاب/حدیث: 881]
تخریج الحدیث: «صحيح، وأخرجه البخاري فى «صحيحه» برقم: 6077، 6237، ومسلم فى «صحيحه» برقم: 2560، ومالك فى «الموطأ» برقم: 1591، وأبو داود فى «سننه» برقم: 4911، والترمذي فى «جامعه» برقم: 1932، والحميدي فى «مسنده» برقم: 381، وابن حبان فى «صحيحه» برقم: 5669، وأحمد فى «مسنده» برقم: 24011»
| حدیث نمبر: 882 |
سیدنا ابن عمر رضی اللہ عنہ سے مروی ہے کہ بے شک نبی صلی اللہ علیہ وسلم نے فرمایا: ”کسی مومن کے لیے حلال نہیں کہ وہ اپنے بھائی سے تین دن سے زیادہ ترک تعلق رکھے۔“ [مسند الشهاب/حدیث: 882]
تخریج الحدیث: «صحيح، وأخرجه مسلم فى «صحيحه» برقم: 2561، وأحمد فى «مسنده» برقم: 5455، والطبراني فى «الأوسط» برقم: 7032، 9145»
| حدیث نمبر: 883 |
سیدنا انس رضی اللہ عنہ نبی صلی اللہ علیہ وسلم سے روایت کرتے ہیں کہ کسی مسلمان کے لیے حلال نہیں کہ وہ اپنے بھائی سے تین دن سے زیادہ ترک تعلق رکھے۔“ یہ روایت مختصر ہے۔ [مسند الشهاب/حدیث: 883]
تخریج الحدیث: «صحيح، وأخرجه البخاري فى «صحيحه» برقم: 6065، 6076، ومسلم فى «صحيحه» برقم: 2559، ومالك فى «الموطأ» برقم: 1592، وابن حبان فى «صحيحه» برقم: 5660، وأبو داود فى «سننه» برقم: 4910، والترمذي فى «جامعه» برقم: 1935، والحميدي فى «مسنده» برقم: 1217، وأحمد فى «مسنده» برقم: 12256»
572. لَا تَحِلُّ الصَّدَقَةُ لِغَنِيٍّ
572. کسی مال دار شخص کے لیے صدقہ لینا حلال نہیں
| حدیث نمبر: 884 |
سیدنا عبد الله بن عمرو رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا: ”کسی مال دار شخص کے لیے صدقہ لینا حلال نہیں اور نہ ہی کسی طاقت ور، تندرست شخص کے لیے۔“ [مسند الشهاب/حدیث: 884]
تخریج الحدیث: «إسناده صحيح، وأخرجه الحاكم فى «مستدركه» برقم: 1483، وأبو داود فى «سننه» برقم: 1634، والترمذي فى «جامعه» برقم: 652، والدارمي فى «مسنده» برقم: 1679، وأحمد فى «مسنده» برقم: 6641»
| حدیث نمبر: 885 |
سیدنا ابوہریرہ رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا: ”کسی مال دار شخص کے لیے صدقہ لینا حلال نہیں اور نہ ہی کسی طاقت ور، تندرست شخص کے لیے۔“ [مسند الشهاب/حدیث: 885]
تخریج الحدیث: «إسناده حسن، وأخرجه ابن ماجه: 1839، النسائي: 2598، وأحمد: 377/2»
573. لَا يَهْلِكُ النَّاسُ حَتَّى يُعْذِرُوا مِنْ أَنْفُسِهِمْ
573. لوگ اس وقت تک ہرگز ہلاک نہ ہوں گے جب تک ان کی نافرمانیوں کی کثرت نہ ہو جائے
| حدیث نمبر: 886 |
ابوالبختری کہتے ہیں کہ مجھے اس شخص نے بیان کیا جس نے نبی صلی اللہ علیہ وسلم سے سنا ہے کہ آپ صلی اللہ علیہ وسلم فرما رہے تھے: ”لوگ اس وقت تک ہرگز ہلاک نہ ہوں گے جب تک ان کی نافرمانیوں کی کثرت نہ ہو جائے یا ان کا کوئی عذر باقی نہ رہے۔“ [مسند الشهاب/حدیث: 886]
تخریج الحدیث: «إسناده صحيح، وأخرجه أبو داود: 4347، و أحمد: 4260/4، وابن الجعد: 128»
574. لَا يَسْتَقِيمُ إِيمَانُ عَبْدٍ حَتَّى يَسْتَقِيمَ قَلْبُهُ
574. کسی شخص کا ایمان اس وقت تک درست نہیں ہو سکتا جب تک اس کا دل درست نہ ہو جائے
| حدیث نمبر: 887 |
سیدنا انس بن مالک رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا: ”کسی شخص کا ایمان اس وقت تک درست نہیں ہو سکتا جب تک اس کا دل درست نہ ہو جائے اور دل اس وقت تک درست نہیں ہو سکتا جب تک زبان درست نہ ہو جائے۔“ [مسند الشهاب/حدیث: 887]
تخریج الحدیث: «إسناده ضعيف، وأخرجه أحمد: 3/198، الصمت لابن ابي الدنيا: 9»
علی بن مسعدہ ضعیف ہے۔
علی بن مسعدہ ضعیف ہے۔
575. لَا يُؤْمِنُ عَبْدٌ حَتَّى يُحِبَّ لِأَخِيهِ مَا يُحِبُّ لِنَفْسِهِ
575. بندہ اس وقت تک مومن نہیں ہو سکتا جب تک اپنے بھائی کے لیے اسی طرح خیر و بھلائی پسند نہ کرے جس طرح اپنے لیے کرتا ہے
| حدیث نمبر: 888 |
سیدنا انس بن مالک رضی اللہ عنہ سے مروی ہے کہ بے شک اللہ کے نبی صلی اللہ علیہ وسلم نے فرمایا: ”اس ذات کی قسم! جس کے ہاتھ میں میری جان ہے، بندہ اس وقت تک مومن نہیں ہو سکتا جب تک اپنے بھائی کے لیے اسی طرح خیر و بھلائی پسند نہ کرے جس طرح اپنے لیے کرتا ہے۔“ [مسند الشهاب/حدیث: 888]
تخریج الحدیث: «صحيح، وأخرجه البخاري فى «صحيحه» برقم: 13، ومسلم فى «صحيحه» برقم: 45، 45، والنسائي: 5020، والترمذي فى «جامعه» برقم: 2515، وابن ماجه فى «سننه» برقم: 66، وابن حبان فى «صحيحه» برقم: 234، والدارمي فى «مسنده» برقم: 2782، والطبراني فى «الصغير» برقم: 700، وأحمد فى «مسنده» برقم: 12998»
| حدیث نمبر: 889 |
سیدنا انس رضی اللہ عنہ نبی صلی اللہ علیہ وسلم سے روایت کرتے ہیں کہ آپ صلی اللہ علیہ وسلم نے فرمایا: ”بندہ اس وقت تک مومن نہیں ہو سکتا جب تک اپنے بھائی کے لیے بھی اسی چیز کو پسند نہ کرے جو اپنے لیے کرتا ہے۔“ [مسند الشهاب/حدیث: 889]
تخریج الحدیث: «صحيح، وأخرجه البخاري فى «صحيحه» برقم: 13، ومسلم فى «صحيحه» برقم: 45، 45، والنسائي: 5020، والترمذي فى «جامعه» برقم: 2515، وابن ماجه فى «سننه» برقم: 66، وابن حبان فى «صحيحه» برقم: 234، والدارمي فى «مسنده» برقم: 2782، والطبراني فى «الصغير» برقم: 700، وأحمد فى «مسنده» برقم: 12998»
576. لَا يَبْلُغُ الْعَبْدُ حَقِيقَةَ الْإِيمَانِ حَتَّى يَعْلَمَ أَنَّ مَا أَصَابَهُ لَمْ يَكُنْ لِيُخْطِئَهُ
576. بندہ اس وقت تک ایمان کی حقیقت کو نہیں پہنچ سکتا جب تک یہ یقین نہ کر لے کہ بے شک جو کچھ اسے پہنچا ہے وہ اس سے چوک نہیں سکتا تھا اور جو اسے نہیں پہنچا وہ اسے (کسی صورت) پہنچ نہیں سکتا تھا
| حدیث نمبر: 890 |
سیدنا ابودرداء رضی اللہ عنہ رسول اللہ صلی اللہ علیہ وسلم سے روایت کرتے ہیں کہ آپ صلی اللہ علیہ وسلم نے فرمایا: ”بندہ اس وقت تک ایمان کی حقیقت کو نہیں پہنچ سکتا جب تک یہ یقین نہ کر لے کہ بے شک جو کچھ اسے پہنچا ہے وہ اس سے چوک نہیں سکتا تھا اور جو اسے نہیں پہنچا وہ اسے (کسی صورت) پہنچ نہیں سکتا تھا۔“ [مسند الشهاب/حدیث: 890]
تخریج الحدیث: «إسناده صحيح، وأخرجه أحمد: 6/441، السنة لابن ابي عاصم: 246، بزار: 4107»