|
 |
|
1- حدیث نمبر سے حدیث تلاش کیجئے: |
مسند الشهاب
احادیث601 سے 800
431. اطْلُبُوا الْخَيْرَ عِنْدَ حِسَانِ الْوُجُوهِ
431. خیر و بھلائی خوبصورت چہروں کے پاس طلب کرو۔
| حدیث نمبر: 661 |
سیدنا ابن عمر رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا: ”خیر و بھلائی خوبصورت چہروں کے پاس طلب کرو۔“ [مسند الشهاب/حدیث: 661]
تخریج الحدیث: «إسناده ضعيف جدا، وأخرجه عبد بن حميد: 751، الضعفاء للعقيلي: 4/ 1260» محمد بن عبد الرحمٰن بن المحبر سخت ضعیف ہے۔
432. بَلِّغُوا عَنِّي وَلَوْ آيَةً، وَحَدِّثُوا عَنْ بَنِي إِسْرَائِيلَ وَلَا حَرَجَ
432. مجھ سے (جو سنو آ گے) پہنچا دو، خواہ ایک آیت ہی ہو اور بنی اسرائیل سے بیان کرو کوئی حرج نہیں
| حدیث نمبر: 662 |
سیدنا عبد الله بن عمرو رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا: ”مجھ سے (جو سنو آ گے) پہنچا دو، خواہ ایک آیت ہی ہو اور بنی اسرائیل سے بیان کرو کوئی حرج نہیں۔“ [مسند الشهاب/حدیث: 662]
تخریج الحدیث: «صحيح، وأخرجه البخاري فى «صحيحه» برقم: 3461، وابن حبان فى «صحيحه» برقم: 6256، والترمذي فى «جامعه» برقم: 2669، الدارمي فى «مسنده» برقم: 559، والبيهقي فى «سننه الكبير» برقم: 21053، والطبراني فى «الصغير» برقم: 462، والطبراني فى «الكبير» برقم: 14278، وأحمد فى «مسنده» برقم: 6597»
433. اتَّقُوا فِرَاسَةَ الْمُؤْمِنِ فَإِنَّهُ يَنْظُرُ بِنُورِ اللَّهِ
433. مومن کی فراست سے ڈرو کیونکہ وہ اللہ کے نور سے دیکھتا ہے
| حدیث نمبر: 663 |
سیدنا ابوامامہ رضی اللہ عنہ نبی صلی اللہ علیہ وسلم سے روایت کرتے ہیں کہ آپ صلی اللہ علیہ وسلم نے فرمایا: ”مومن کی فراست سے ڈرو کیونکہ وہ اللہ کے نور سے دیکھتا ہے۔“ [مسند الشهاب/حدیث: 663]
تخریج الحدیث: «إسناده ضعيف، وأخرجه المعجم الكبير: 7497، الكامل لابن عدى: 348/5، جامع بيان العلم: 1197» عبدالله بن صالح کی صرف اہل حذق سے روایت صحیح ہوتی ہے، مذکورہ روایت اہل حدق سے نہیں۔ مزید دیکھیں، «السلسلة الضعيفه: 1821»
434. اتَّقُوا الْحَرَامَ فِي الْبُنْيَانِ فَإِنَّهُ أَسَاسُ الْخَرَابِ
434. تعمیرات کے سلسلے میں حرام مال سے بچو کیونکہ وہ خرابی کی جڑ ہے
| حدیث نمبر: 664 |
سیدنا ابن عمر رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا: ”تعمیرات کے سلسلے میں حرام مال سے بچو کیونکہ وہ خرابی کی جڑ ہے۔“ [مسند الشهاب/حدیث: 664]
تخریج الحدیث: «إسناده ضعيف، وأخرجه شعب الايمان: 10237، تاريخ دمشق: 59/ 296، تاريخ مدينة السلام: 6/ 289» معاویہ بن یحییٰ ضعیف ہے، اس میں اور بھی علتیں ہیں۔
435. أَكْرِمُوا أَوْلَادَكُمْ وَأَحْسِنُوا آدَابَهُمْ
435. اپنی اولاد کو عزت دو اور انہیں اچھے ادب سکھاؤ
| حدیث نمبر: 665 |
سیدنا انس رضی اللہ عنہ کہتے ہیں کہ میں نے رسول اللہ صلی اللہ علیہ وسلم کو یہ فرماتے سنا: ”اپنی اولاد کو عزت دو اور انہیں اچھے ادب سکھاؤ۔“ [مسند الشهاب/حدیث: 665]
تخریج الحدیث: «إسناده ضعيف، وأخرجه ابن ماجه: 3671، تاريخ مدينة السلام: 9/ 219، الضعفاء للعقيلي: 1/ 233» حارث بن نعمان اور سعید بن عمارہ ضعیف ہیں۔
436. قُولُوا خَيْرًا تَغْنَمُوا، وَاسْكُتُوا عَنْ شَرٍّ تَسْلَمُوا
436. اچھی بات کہو فائدہ میں رہو گے اور بری بات سے خاموش رہو سلامتی میں رہو گے
| حدیث نمبر: 666 |
سیدنا عبادہ بن صامت رضی اللہ عنہ سے مروی ہے کہ بے شک رسول اللہ صلی اللہ علیہ وسلم نے فرمایا: ”اچھی بات کہو فائدہ میں رہو گے اور بری بات سے خاموش رہو سلامتی میں رہو گے۔“ [مسند الشهاب/حدیث: 666]
تخریج الحدیث: «إسناده صحيح، وأخرجه الضياء المقدسي فى "الأحاديث المختارة"، 405، والحاكم فى «مستدركه» برقم: 7869»
437. تَخَيَّرُوا لِنُطَفِكُمْ
437. اپنے نطفوں کے لیے (بہتر عورتوں کا) انتخاب کرو
| حدیث نمبر: 667 |
سیدہ عائشہ رضی اللہ عنہا کہتی ہیں کہ رسول اللہ صلی اللہ علیہ وسلم نے فرمایا: ”اپنے نطفوں کے لیے (بہتر عورتوں کا) انتخاب کرو۔“ [مسند الشهاب/حدیث: 667]
تخریج الحدیث: «إسناده ضعيف جدا، وأخرجه الحاكم فى «مستدركه» برقم: 2702، 2703، وابن ماجه فى «سننه» برقم: 1968، والبيهقي فى «سننه الكبير
438. أَكْثِرُوا مِنْ ذِكْرِ هَادِمِ اللَّذَّاتِ
438. لذتوں کو تباہ کرنے والی (موت) کو کثرت سے یاد کرو
| حدیث نمبر: 668 |
سیدنا ابوہریرہ رضی اللہ عنہ نبی صلی اللہ علیہ وسلم سے روایت کرتے ہیں کہ آپ صلی اللہ علیہ وسلم نے فرمایا: ”لذتوں کو تباہ کرنے والی (موت) کو کثرت سے یاد کرو کیونکہ جس بندے نے بھی اسے تنگی میں یاد کیا ہے اس کے لیے اس نے وسعت پیدا کی ہے اور جس نے اسے وسعت میں یاد کیا ہے اس کے لیے اس نے تنگی پیدا کی ہے۔“ [مسند الشهاب/حدیث: 668]
تخریج الحدیث: «إسناده صحيح، وأخرجه ابن حبان: 2993، والحاكم فى «مستدركه» برقم: 8004، و النسائي برقم: 1825، و النسائي فى «الكبریٰ» برقم: 1963، والترمذي فى «جامعه» برقم: 2307، وابن ماجه فى «سننه» برقم: 4258، وأحمد فى «مسنده» برقم: 8040، وابن أبى شيبة فى «مصنفه» برقم: 35468، والطبراني فى «الأوسط» برقم: 8560»
| حدیث نمبر: 669 |
سیدنا ابوہریرہ رضی اللہ عنہ نبی صلی اللہ علیہ وسلم سے روایت کرتے ہیں۔۔۔۔۔۔ اور انہوں نے یہ حدیث بیان کی۔ [مسند الشهاب/حدیث: 669]
تخریج الحدیث: «إسناده حسن، وأخرجه ابن حبان فى «صحيحه» برقم: 2992، والحاكم فى «مستدركه» برقم: 8004، والنسائي فى «المجتبیٰ» برقم: 1825، والترمذي فى «جامعه» برقم: 2307، وابن ماجه فى «سننه» برقم: 4258، وأحمد فى «مسنده» برقم: 8040»
| حدیث نمبر: 670 |
سیدنا ابوہریرہ رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا: ”لذتوں کو تباہ کرنے والی (موت) کو کثرت سے یاد کرو۔“ اور انہوں نے اسے بیان کرتے ہوئے اس میں کہا: کہ رسول اللہ صلی اللہ علیہ وسلم نے فرمایا۔۔۔۔۔ اور اسے بیان کیا۔ [مسند الشهاب/حدیث: 670]
تخریج الحدیث: «إسناده حسن، وأخرجه ابن حبان فى «صحيحه» برقم: 2992، والحاكم فى «مستدركه» برقم: 8004، والنسائي فى «المجتبیٰ» برقم: 1825، والترمذي فى «جامعه» برقم: 2307، وابن ماجه فى «سننه» برقم: 4258، وأحمد فى «مسنده» برقم: 8040»