|
 |
مسند الشهاب
احادیث401 سے 600
330. مِنْ بَنَى لِلَّهِ مَسْجِدًا وَلَوْ مِثْلَ مِفْحَصِ قَطَاةٍ بَنَى اللَّهُ لَهُ بَيْتًا فِي الْجَنَّةِ
330. جس نے اللہ کے لیے مسجد بنائی اگر چہ وہ پرندے کے گھونسلے جتنی ہو، اس کے لیے جنت میں گھر بنایا جائے گا
| حدیث نمبر: 479 |
سیدنا ابوذر رضی اللہ عنہ نبی صلی اللہ علیہ وسلم سے روایت کرتے ہیں کہ آپ صلی اللہ علیہ وسلم نے فرمایا: ”جس نے اللہ کے لیے مسجد بنائی اگر چہ وہ پرندے کے گھونسلے جتنی ہو، اس کے لیے جنت میں گھر بنایا جائے گا۔“ یا فرمایا: ”اللہ اس کا گھر جنت میں بنائے گا۔“ [مسند الشهاب/حدیث: 479]
تخریج الحدیث: «إسناده ضعيف، وأخرجه بزار: 4017، وابن ابى شيبة: 3173، 3174، وابن حبان برقم: 1610» ابراہیم التیمی اور اعمش مدلس راویوں کا عنعنہ ہے۔
| حدیث نمبر: 480 |
سیدنا ابوبکر صدیق رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا: ”جس نے اللہ عزوجل کے لیے مسجد بنائی اگر چہ وہ پرندے کے گھونسلے جتنی ہو، اللہ اس کے لیے جنت میں گھر بنائے گا۔“ [مسند الشهاب/حدیث: 480]
تخریج الحدیث: «إسناده ضعيف جداً، وأخرجه حلية الا ولياء: 4/ 50، والكامل لابن عدى: 4972، وتاريخ دمشق: 15/ 90» حکم بن یعلی بن عطاء متروک ہے۔
وضاحت: فائدہ: -
سیدنا جابر رضی اللہ عنہ سے مروی ہے کہ نبی صلی اللہ علیہ وسلم نے فرمایا: ”جس نے پانی کا کوئی کنواں کھودا، جس سے جاندار جن و انس اور پرندے و درندے پیتے ہوں تو اللہ تعالیٰ روز قیامت اسے اجر و ثواب سے نوازے گا اور جس نے پرندے کے گھونسلے جتنی یا اس سے بھی چھوٹی مسجد بنائی تو اللہ تعالیٰ اس کے لیے جنت میں گھر بنائے گا۔“ [التاريخ الكبير للبخاري: 1/332، وسنده صحيح]
سیدنا جابر رضی اللہ عنہ سے مروی ہے کہ نبی صلی اللہ علیہ وسلم نے فرمایا: ”جس نے پانی کا کوئی کنواں کھودا، جس سے جاندار جن و انس اور پرندے و درندے پیتے ہوں تو اللہ تعالیٰ روز قیامت اسے اجر و ثواب سے نوازے گا اور جس نے پرندے کے گھونسلے جتنی یا اس سے بھی چھوٹی مسجد بنائی تو اللہ تعالیٰ اس کے لیے جنت میں گھر بنائے گا۔“ [التاريخ الكبير للبخاري: 1/332، وسنده صحيح]