کتاب سنن ابي داود تفصیلات
کتاب: محصورات اراضی اور امارت سے متعلق احکام و مسائل
10. باب فِي أَرْزَاقِ الْعُمَّالِ
10. باب: ملازمین کی تنخواہ کا بیان۔
حدیث نمبر: 2945 |
|
مستورد بن شداد رضی اللہ عنہ کہتے ہیں میں نے نبی اکرم صلی اللہ علیہ وسلم کو فرماتے ہوئے سنا ہے آپ کہہ رہے تھے: ”جو شخص ہمارا عامل ہو وہ ایک بیوی کا خرچ بیت المال سے لے سکتا ہے، اگر اس کے پاس کوئی خدمت گار نہ ہو تو ایک خدمت گار رکھ لے اور اگر رہنے کے لیے گھر نہ ہو تو رہنے کے لیے مکان لے لے“۔ مستورد کہتے ہیں: ابوبکر رضی اللہ عنہ نے کہا کہ مجھے خبر دی گئی ہے کہ نبی اکرم صلی اللہ علیہ وسلم نے فرمایا: ”جو شخص ان چیزوں کے سوا اس میں سے لے تو وہ خائن یا چور ہے“۔
تخریج الحدیث: «تفرد بہ أبوداود، (تحفة الأشراف: 11260)، وقد أخرجہ: مسند احمد (4/229) (صحیح)»
قال الشيخ الألباني: صحيح
قال الشيخ زبير على زئي: إسناده صحيح
مشكوة المصابيح (3751)
صححه ابن خزيمة (2370 وسنده صحيح)
مشكوة المصابيح (3751)
صححه ابن خزيمة (2370 وسنده صحيح)
| ● سنن أبي داود | 2945 | مستورد بن شداد | من كان لنا عاملا فليكتسب زوجة فإن لم يكن له خادم فليكتسب خادما فإن لم يكن له مسكن فليكتسب مسكنا قال قال أبو بكر أخبرت أن النبي قال من اتخذ غير ذلك فهو غال أو سارق |
سنن ابی داود کی حدیث نمبر 2945 کے فوائد و مسائل
الشيخ عمر فاروق سعيدي حفظ الله، فوائد و مسائل، سنن ابي داود ، تحت الحديث 2945
فوائد ومسائل:
نکاح کرنا خادم اور رہائش (گھریلواخراجات سمیت) حاصل کرنا عمال حکومت کے لازمی بنیادی حقوق میں سے ہیں۔
آج کل ملازمین کا بری طرح استحصال کیا جاتا ہے۔
اور مجبوری کے عالم میں ان کو اتنا کم معاوضہ قبول کرنا پڑتا ہے۔
جس سے ان کی مذکورہ بالا بنیادی ضرورتیں پوری نہیں ہوتیں۔
یہ سرا سر ظلم نا انصافی ہے۔
جس کا اسلام میں کوئی جواز نہیں ہے۔
بالخصوص جب کہ افسران بالا اور حکمران طبقہ اپنے لئے قومی خزانے سے اتنی سہولتیں اور مراعات حاصل کرلیں کہ اللہ کی پناہ۔
نکاح کرنا خادم اور رہائش (گھریلواخراجات سمیت) حاصل کرنا عمال حکومت کے لازمی بنیادی حقوق میں سے ہیں۔
آج کل ملازمین کا بری طرح استحصال کیا جاتا ہے۔
اور مجبوری کے عالم میں ان کو اتنا کم معاوضہ قبول کرنا پڑتا ہے۔
جس سے ان کی مذکورہ بالا بنیادی ضرورتیں پوری نہیں ہوتیں۔
یہ سرا سر ظلم نا انصافی ہے۔
جس کا اسلام میں کوئی جواز نہیں ہے۔
بالخصوص جب کہ افسران بالا اور حکمران طبقہ اپنے لئے قومی خزانے سے اتنی سہولتیں اور مراعات حاصل کرلیں کہ اللہ کی پناہ۔
سنن ابی داود شرح از الشیخ عمر فاروق سعدی، حدیث/صفحہ نمبر: 2945
