سیدنا ابوہریرہ رضی اللہ عنہ سے منقول متفرق روایات
69. حدیث نمبر 1193
حدیث نمبر: 1193 |
|
1193- سیدنا ابوہریرہ رضی اللہ عنہ روایت کرتے ہیں: نبی اکرم صلی اللہ علیہ وسلم نے ارشاد فرمایا ہے: ”فحش باتیں کرنے سے بچو! کیونکہ اللہ تعالیٰ فحاشی کرنے والے اور فحش گفتگو کرنے والے کو نا پسند کرتا ہے اور ظلم کرنے سے بچو کیونکہ ظلم قیامت کے دن تاریکیوں کی شکل میں ہوگا، اور بخل سے بچو! کیونکہ اسی بخل نے تم سے پہلے لوگوں کوخون بہانے، قطع رحمی کرنے اور حرام چیزوں کو حلال کرنے کی ترغیب دی تھی“۔
تخریج الحدیث: «إسناده حسن وأخرجه ابن حبان فى «صحيحه» برقم: 5177، 6248، والحاكم فى «مستدركه» برقم: 28، وأحمد فى «مسنده» برقم: 9699، 9701، والبزار فى «مسنده» برقم: 8481، 8486»
مسند الحمیدی کی حدیث نمبر 1193 کے فوائد و مسائل
الشيخ محمد ابراهيم بن بشير حفظ الله، فوائد و مسائل، مسند الحميدي، تحت الحديث:1193
فائدہ:
اس حدیث میں بے حیائی والی باتوں اور ظلم سے پر ہیز کرنے کی تاکید کی گئی ہے، نیز بخل کی حرمت بھی ثابت ہوتی ہے۔ ہر انسان کو اپنے اندرا چھی صفات پیدا کرنی چاہئیں، کیونکہ ان سے انسان میں انسانیت پیدا ہوتی ہے، جس کا ہر کسی کو فائدہ ہوگا اور ہر انسان اپنے آپ کو بری صفات سے بچا کر رکھے، کیونکہ ان میں نقصان ہی نقصان ہے، اپنا بھی اور دوسروں کا بھی۔
اس حدیث میں بے حیائی والی باتوں اور ظلم سے پر ہیز کرنے کی تاکید کی گئی ہے، نیز بخل کی حرمت بھی ثابت ہوتی ہے۔ ہر انسان کو اپنے اندرا چھی صفات پیدا کرنی چاہئیں، کیونکہ ان سے انسان میں انسانیت پیدا ہوتی ہے، جس کا ہر کسی کو فائدہ ہوگا اور ہر انسان اپنے آپ کو بری صفات سے بچا کر رکھے، کیونکہ ان میں نقصان ہی نقصان ہے، اپنا بھی اور دوسروں کا بھی۔
مسند الحمیدی شرح از محمد ابراهيم بن بشير، حدیث/صفحہ نمبر: 1191
