شکار کے مسائل
حدیث نمبر: 2052 |
|
سیدنا انس بن مالک رضی اللہ عنہ کہتے ہیں: مرالظہران نامی ایک جگہ میں ہم نے ایک خرگوش کا پیچھا کیا، لوگ (اس کے پیچھے) دوڑے اور جب تھک گئے میں نے قریب پہنچ کر اس کو پکڑ لیا اور اس کو سیدنا ابوطلحہ رضی اللہ عنہ کے پاس لایا، انہوں نے اسے ذبح کیا اور اس کے پیچھے کا یا دونوں رانوں کا گوشت (یہ شک سعید کو ہوا) رسول اللہ صلی اللہ علیہ وسلم کے پاس بھیج دیا جس کو آپ صلی اللہ علیہ وسلم نے قبول فرما لیا۔
وضاحت:
(تشریح حدیث 2051)
اس حدیث میں ہے کہ آپ صلی اللہ علیہ وسلم نے خرگوش کا گوشت قبول کر لیا، اگر حرام ہوتا تو آپ صلی اللہ علیہ وسلم اسے قبول نہ کرتے، لہٰذا خرگوش کا کھانا اور شکار کرنا نیز ہدیہ قبول کرنا جائز ہوا۔
(تشریح حدیث 2051)
اس حدیث میں ہے کہ آپ صلی اللہ علیہ وسلم نے خرگوش کا گوشت قبول کر لیا، اگر حرام ہوتا تو آپ صلی اللہ علیہ وسلم اسے قبول نہ کرتے، لہٰذا خرگوش کا کھانا اور شکار کرنا نیز ہدیہ قبول کرنا جائز ہوا۔
تخریج الحدیث: «إسناده صحيح، [مكتبه الشامله نمبر: 2056]»
اس روایت کی سند صحیح ہے۔ دیکھئے: [بخاري 5489، 5535]، [مسلم 1953]، [أبوداؤد 3791]، [ترمذي 1789]، [نسائي 4322]، [ابن ماجه 3243]، [الطيالسي 1743]، [أحمد 171/3، 232]
اس روایت کی سند صحیح ہے۔ دیکھئے: [بخاري 5489، 5535]، [مسلم 1953]، [أبوداؤد 3791]، [ترمذي 1789]، [نسائي 4322]، [ابن ماجه 3243]، [الطيالسي 1743]، [أحمد 171/3، 232]
قال الشيخ حسين سليم أسد الداراني: إسناده صحيح
