کتاب صحيح البخاري تفصیلات
کتاب: قرآن کے فضائل کا بیان
13. بَابُ فَضْلِ قُلْ هُوَ اللَّهُ أَحَدٌ:
13. باب: سورۃ قل ھو اللہ احد کی فضیلت کا بیان۔
حدیث نمبر: Q5013 |
|
اس باب میں نبی کریم صلی اللہ علیہ وسلم کی ایک حدیث عمرہ نے عائشہ رضی اللہ عنہا سے نقل کی ہے۔
حدیث نمبر: 5013 |
|
ہم سے عبداللہ بن یوسف تنیسی نے بیان کیا، کہا ہم کو امام مالک نے خبر دی، انہیں عبدالرحمٰن بن عبداللہ بن عبدالرحمٰن بن ابی صعصعہ نے، انہیں ان کے والد عبداللہ نے اور انہیں ابو سعید خدری رضی اللہ عنہ نے کہ ایک صحابی (خود ابو سعید خدری) نے ایک دوسرے صحابی (قتادہ بن نعمان رضی اللہ عنہ) اپنے ماں جائے بھائی کو دیکھا کہ وہ رات کو سورۃ «قل هو الله أحد» باربار پڑھ رہے ہیں۔ صبح ہوئی تو وہ صحابی (ابوسعید رضی اللہ عنہ) رسول اللہ صلی اللہ علیہ وسلم کی خدمت میں حاضر ہوئے اور نبی کریم صلی اللہ علیہ وسلم سے اس کا ذکر کیا گویا انہوں نے سمجھا کہ اس میں کوئی بڑا ثواب نہ ہو گا۔ نبی کریم صلی اللہ علیہ وسلم نے فرمایا کہ اس ذات کی قسم جس کے ہاتھ میں میری جان ہے! یہ سورت قرآن مجید کے ایک تہائی حصہ کے برابر ہے۔
تخریج الحدیث: «أحاديث صحيح البخاريّ كلّها صحيحة»
حكم: أحاديث صحيح البخاريّ كلّها صحيحة
| ● صحيح البخاري | 5013 | سعد بن مالك | لتعدل ثلث القرآن |
| ● صحيح البخاري | 5015 | سعد بن مالك | يقرأ ثلث القرآن في ليلة |
| ● صحيح البخاري | 7374 | سعد بن مالك | إنها لتعدل ثلث القرآن |
| ● صحيح البخاري | 6643 | سعد بن مالك | إنها لتعدل ثلث القرآن |
| ● سنن أبي داود | 1461 | سعد بن مالك | إنها لتعدل ثلث القرآن |
| ● سنن النسائى الصغرى | 996 | سعد بن مالك | إنها لتعدل ثلث القرآن |
| ● موطا امام مالك رواية ابن القاسم | 574 | سعد بن مالك | والذي نفسي بيده، إنها لتعدل ثلث القرآن |
