کتاب صحيح البخاري تفصیلات
کتاب: غزوات کے بیان میں
حدیث نمبر: 4021 |
|
ہم سے موسیٰ بن اسماعیل نے بیان کیا، کہا ہم سے عبدالواحد بن زیاد نے بیان کیا، کہا ہم سے معمر نے بیان کیا، ان سے زہری نے، ان سے عبیداللہ بن عبداللہ نے اور ان سے ابن عباس رضی اللہ عنہما نے عمر رضی اللہ عنہ سے کہ جب نبی کریم صلی اللہ علیہ وسلم کی وفات ہو گئی تو میں نے ابوبکر رضی اللہ عنہ سے کہا آپ ہمیں ساتھ لے کر ہمارے انصاری بھائیوں کے یہاں چلیں۔ پھر ہماری ملاقات دو نیک ترین انصاری صحابیوں سے ہوئی جنہوں نے بدر کی لڑائی میں شرکت کی تھی۔ عبیداللہ نے کہا، پھر میں نے اس حدیث کا تذکرہ عروہ بن زبیر سے کیا تو انہوں نے بتایا کہ وہ دونوں صحابی عویم بن ساعدہ اور معن بن عدی رضی اللہ عنہما تھے۔
تخریج الحدیث: «أحاديث صحيح البخاريّ كلّها صحيحة»
حكم: أحاديث صحيح البخاريّ كلّها صحيحة
صحیح بخاری کی حدیث نمبر 4021 کے فوائد و مسائل
الشيخ حافط عبدالستار الحماد حفظ الله، فوائد و مسائل، تحت الحديث صحيح بخاري:4021
حدیث حاشیہ:
1۔
اس حدیث سے یہ ثابت کرنا ہے کہ حضرت عویم بن ساعد اور معن بن عدی ؓ بدری صحابہ سے ہیں۔
یہ دونوں بیعت عقبہ میں شریک تھے۔
اس کے بعد انھوں نے غزوہ بدر احد اور خندق میں شرکت کی۔
حضرت معن بن عد ؓ حضرت ابو بکر ؓ کے دور خلافت میں جنگ یمامہ کے وقت شہید ہوئے تھے۔
2۔
اس حدیث میں خلافت ابو بکر ؓ کا بیان ہے جو آئندہ تفصیل سے بیان ہو گا۔
(صحیح البخاري، الحدود، حدیث: 6830)
3۔
یہ حدیث "حدیث سقیفہ" کے نام سے مشہور ہے۔
1۔
اس حدیث سے یہ ثابت کرنا ہے کہ حضرت عویم بن ساعد اور معن بن عدی ؓ بدری صحابہ سے ہیں۔
یہ دونوں بیعت عقبہ میں شریک تھے۔
اس کے بعد انھوں نے غزوہ بدر احد اور خندق میں شرکت کی۔
حضرت معن بن عد ؓ حضرت ابو بکر ؓ کے دور خلافت میں جنگ یمامہ کے وقت شہید ہوئے تھے۔
2۔
اس حدیث میں خلافت ابو بکر ؓ کا بیان ہے جو آئندہ تفصیل سے بیان ہو گا۔
(صحیح البخاري، الحدود، حدیث: 6830)
3۔
یہ حدیث "حدیث سقیفہ" کے نام سے مشہور ہے۔
هداية القاري شرح صحيح بخاري، اردو، حدیث/صفحہ نمبر: 4021
