حدیث حاشیہ:
حضرت انس بن نضر ؓنے جو کہا اس کا مطلب یہ تھا کہ میں دونوں کاموں سے ناراض ہوں‘ مشرک تو کم بخت ناپاک ہیں جو ناحق پر لڑ رہے ہیں۔
ان سے قطعاً بیزار ہوں اور مسلمان جن کو حق پر جم کر لڑنا چاہئے تھا وہ بھاگ نکلے ہیں‘ ان کی حرکت کو بھی ناپسند کرتا ہوں اور تیری درگاہ میں معذرت کرتا ہوں کہ میں ان بھاگنے والوں میں سے نہیں ہوں۔
یہ کہہ کر انہوں نے کفار پر حملہ کیا اور کتنوں کو جہنم رسید کرتے ہوئے آخر جام شہادت پی لیا۔
بھاگنے والوں سے وہ لوگ مراد ہیں جن کو جنگ احد میں ایک درے کی حفاظت پر مامور کیا گیا تھا اور بتاکید کہہ دیا گیا تھا کہ تا اذن ہرگز درہ نہ چھوڑیں مگر انہوں نے شروع میں مسلمانوں کی فتح دیکھی تو درہ خالی چھوڑ دیا اور جس میں سے کفار قریش نے دوبارہ وار کیا اور میدان احد کا نقشہ ہی بدل گیا‘ جنگ احد اسلامی تاریخ کا ایک بہت ہی دردناک معرکہ ہے جس میں ستر مسلمان شہید ہوئے اور اسلام کو بڑا زبردست نقصان پہنچا۔
میدان احد میں گنج شہیدان ان ہی شہدائے احد کا یادگاری قبرستان ہے۔
جزاھم اللہ جزا حسنا بہار اب جو دنیا میں آئی ہوئی ہے یہ سب پود اسی کی لگائی ہوئی ہے

حدیث حاشیہ:
1۔
غزوہ احد میں مسلمانوں کی ذرا سی غلطی سے جنگ کا نقشہ ہی بدل گیا۔
بھگدڑ مچ گئی اور اسلام کو بڑا زبردست نقصان پہنچا۔
اس کردار کے متعلق حضرت انس بن نضر ؓنے کہا تھا کہ میں مسلمانوں کی اس حرکت کو ناپسند کرتا ہوں اور اے اللہ! میں تیری بارگاہ میں ان کی طرف سے معذرت کا طالب ہوں۔
البتہ مشرک حق کے خلاف لڑرہے ہیں، میں ان سے قطعاً بے زار ہوں لیکن میں بھاگنے والوں میں نہیں ہوں۔
یہ کہہ کر انھوں نے کفار پر حملہ کیا اور بہت سے کافروں کو جہنم رسید کرتے ہوئے آخر کار خود بھی جام شہادت نوش کرلیا۔
۔
۔
رضي اللہ تعالیٰ عنه۔
۔
۔
2۔
دوسری حدیث میں حضرت انس بن نضر ؓ کی ایک کرامت کا ذکر ہے جو ان کی وفاداری اورجاں نثاری کی وجہ سے یہاں بیان کردی گئی ہے۔
ان کامقصد رسول اللہ ﷺ کی بات کومسترد کرنا نہیں تھا بلکہ اس کے عدم وقوع کی خبردیناتھی جس کی تائید خود رسول اللہ ﷺ نے فرمادی کہ اللہ تعالیٰ اپنے بندوں کی قسم پوری کرتا ہے،چنانچہ ایسا ہی ہوا کہ قصاص لینے والوں کے دل نرم ہوگئے اور وہ قصاص معاف کرکے دیت لینے پر راضی ہوگئے۔