حدیث نمبر: 539 |
|
دیکھنے والے کہتے ہیں کہ سیدنا عثمان رضی اللہ عنہ نے اپنے دانتوں پر سونے کی تار چڑھا رکھی تھی۔
حكم دارالسلام: إسناده ضعيف لإبهام الراوي الذى رأى عثمان
حدیث نمبر: 540 |
|
موسیٰ بن طلحہ کہتے ہیں کہ میں نے دیکھا سیدنا عثمان رضی اللہ عنہ منبر پر تشریف فرما ہیں، مؤذن اقامت کہہ رہا ہے اور وہ لوگوں سے ان کے حالات معلوم کر رہے ہیں، اور اشیاء کی قیمتوں کے نرخ دریافت فرما رہے ہیں۔
حكم دارالسلام: صحيح
حدیث نمبر: 541 |
|
سائب بن یزید کہتے ہیں! کہ ایک مرتبہ سیدنا عثمان رضی اللہ عنہ نے سورت ص کی تلاوت کی اور آیت سجدہ پر پہنچ کر سجدہ بھی کیا۔
حكم دارالسلام: صحيح، سويد بن سعيد متابع
حدیث نمبر: 542 |
|
فروخ کہتے ہیں کہ میں نے سیدنا عثمان رضی اللہ عنہ کے پیچھے عید کی نماز پڑھی ہے، اس میں وہ سات اور پانچ تکبیریں کہتے تھے۔
حكم دارالسلام: إسناده ضعيف لضعف محبوب بن محرز وجهالة إبراهيم ابن عبدالله
حدیث نمبر: 543 |
|
حسن بصری رحمہ اللہ نے ایک مرتبہ سیدنا عثمان رضی اللہ عنہ اور ان کی شدتِ حیاء کا ذکر کرتے ہوئے فرمایا اگر وہ گھر کے اندر بھی ہوتے تو جب تک دروازہ کو اچھی طرح بند نہ کر لیتے، اپنے جسم پر پانی بہانے کے لئے کپڑے نہ اتارتے تھے، اور شرم و حیاء ہی انہیں کمر سیدھی کرنے سے مانع ہوتی۔
حكم دارالسلام: إسناده صحيح. قاله أحمد شاكر
حدیث نمبر: 544 |
|
امیہ بن شبل وغیرہ کہتے ہیں کہ سیدنا عثمان رضی اللہ عنہ بارہ سال تک تخت خلافت پر متمکن رہے، جن میں سے آخری پانچ سال آزمائش و امتحان کے گزرے۔
حكم دارالسلام: إسناده منقطع، أمية بن شبل قال عنه أحمد شاكر : ولا يمكن أن يكون أدرك عثمان ولا غيره من الصحابة
حدیث نمبر: 545 |
|
ابومعشر کہتے ہیں کہ! سیدنا عثمان رضی اللہ عنہ کی شہادت اٹھارہ ذی الحجہ بروز جمعہ ٣٥ ھ میں ہوئی، آپ کی کل مدت خلافت بارہ دن کم بارہ سال تھی۔
حكم دارالسلام: إسناده منقطع، أبو معشر ضعيف، ولم يدرك عثمان
حدیث نمبر: 546 |
|
ابوعثمان کہتے ہیں کہ سیدنا عثمان رضی اللہ عنہ کی شہادت ایام تشریق کے درمیان ہوئی ہے۔ (ایام تشریق کو گزرے ہوئے بہت زیادہ دن نہ ہوئے تھے)۔
حكم دارالسلام: إسناده صحيح
حدیث نمبر: 547 |
|
قتادہ کہتے ہیں کہ شہادت کے وقت سیدنا عثمان غنی رضی اللہ عنہ کی عمر ٩٠ یا ٨٨ سال تھی۔
حكم دارالسلام: إسناده منقطع، قتادة لم يدرك عثمان
حدیث نمبر: 548 |
|
ابوالعالیہ کہتے ہیں کہ عشرہ ذی الحجہ میں سیدنا عثمان رضی اللہ عنہ کے گھر کے دروازے پر ہم پہرہ داری کر رہے تھے۔
حكم دارالسلام: إسناده صحيح