دیت کے مسائل
1. باب الدِّيَةِ في قَتْلِ الْعَمْدِ:
1. قتل عمد کی دیت کا بیان
حدیث نمبر: 2388 |
|
سیدنا ابوشرح خزاعی رضی اللہ عنہ نے کہا: میں نے سنا رسول اللہ صلی اللہ علیہ وسلم فرما رہے تھے: ”جس شخص کا خون کیا جائے یا وہ زخمی کیا جائے تو اس کو (یا اس کے وارث کو) تین باتوں میں سے کسی ایک بات کو قبول کرنے کا اختیار ہے، اگر وہ چوتھی بات کرنا چاہے تو اس کو روکو، وہ تین باتیں یہ ہیں، یا تو قصاص (قتل کے بدلے قتل) طلب کرے، یا معاف کر دے، یا دیت لے لے، ان تین باتوں میں سے کوئی ایک اختیار کرے پھر چوتھی بات زیادہ کرے تو اس (وارث یا والی) کے لئے جہنم کی آگ ہے جہاں وہ ہمیشہ ہمیش رہے گا۔“
تخریج الحدیث: «إسناده ضعيف وهو حديث منكر، [مكتبه الشامله نمبر: 2396]»
اس روایت کی سند ضعیف اور حدیث منکر ہے۔ دیکھئے: [أبوداؤد 4496]، [ابن ماجه 2623]، [ابن أبي شيبه 8045]، [دارقطني 96/3]، [البيهقي فى معرفة السنن و الآثار 15885، وغيرهم]
اس روایت کی سند ضعیف اور حدیث منکر ہے۔ دیکھئے: [أبوداؤد 4496]، [ابن ماجه 2623]، [ابن أبي شيبه 8045]، [دارقطني 96/3]، [البيهقي فى معرفة السنن و الآثار 15885، وغيرهم]
قال الشيخ حسين سليم أسد الداراني: إسناده ضعيف وهو حديث منكر
حدیث نمبر: 2389 |
|
ابوبکر بن عمرو بن حزم عن ابیہ عن جدہ سے روایت ہے کہ رسول الله صلی اللہ علیہ وسلم نے اہلِ یمن کے لئے (پروانہ) لکھا اور اس مکتوب میں یہ تھا: ”جو شخص کسی مسلمان کو بے وجہ مار ڈالے اور گواہوں سے اس پر خون ثابت ہو تو اس پر قصاص لازم ہے (یعنی اس سے بدلہ لیا جائے گا) الا یہ کہ مقتول کے وارثین راضی ہوں۔“ (یعنی معاف کر دیں)۔
امام دارمی رحمہ اللہ نے فرمایا: «اعتبط» کا معنی ہے بلاکسی عذر کے قتل کرنا۔
امام دارمی رحمہ اللہ نے فرمایا: «اعتبط» کا معنی ہے بلاکسی عذر کے قتل کرنا۔
تخریج الحدیث: «إسناده ضعيف، [مكتبه الشامله نمبر: 2397]»
اس روایت کی سند ضعیف ہے۔ دیکھئے: [نسائي 4868، 4869]، [مسند أبي يعلی 5954]
اس روایت کی سند ضعیف ہے۔ دیکھئے: [نسائي 4868، 4869]، [مسند أبي يعلی 5954]
وضاحت:
(تشریح احادیث 2387 سے 2389)
دیت اس مال کو کہتے ہیں جو مقتول کی جان کے عوض دیا جاتا ہے، یا جو مال اعضائے بدن کے زخموں یا ٹوٹنے کے عوض دیا جاتا ہے۔
اسلام نے قتل و غارت گری کو حرام قرار دیا ہے اور قتل کو کبائر الذنوب میں شمار کیا ہے، اسی طرح کسی کو مارنا، ایذا پہنچانا بھی حرام قرار دیا ہے، اور ایک آدمی کے قتل کو پوری نوع انسانی کے قتل کے مرادف بتایا ہے۔
اب اگر کوئی شخص کسی کو قتل کر دے تو مقتول کے وارثین کو اختیار ہے کہ وہ قصاص طلب کریں یا معاف کردیں، جیسا کہ سورۂ بقرہ 178 میں ہے، یا پھر دیت لے لیں جس کا بیان آگے آ رہا ہے (2402) میں، مذکورہ بالا دونوں حدیث ضعیف ہیں لیکن مفہوم صحیح ہے۔
قتل کئی طرح کا ہوتا ہے، علماء کرام نے اس کو تین انواع میں تقسیم کیا ہے: قتلِ عمد، قتلِ خطا، اور شبہ العمد، اور ہر قسم کی الگ سزا ہے جس کا بیان آگے احادیث میں آ رہا ہے۔
(تشریح احادیث 2387 سے 2389)
دیت اس مال کو کہتے ہیں جو مقتول کی جان کے عوض دیا جاتا ہے، یا جو مال اعضائے بدن کے زخموں یا ٹوٹنے کے عوض دیا جاتا ہے۔
اسلام نے قتل و غارت گری کو حرام قرار دیا ہے اور قتل کو کبائر الذنوب میں شمار کیا ہے، اسی طرح کسی کو مارنا، ایذا پہنچانا بھی حرام قرار دیا ہے، اور ایک آدمی کے قتل کو پوری نوع انسانی کے قتل کے مرادف بتایا ہے۔
اب اگر کوئی شخص کسی کو قتل کر دے تو مقتول کے وارثین کو اختیار ہے کہ وہ قصاص طلب کریں یا معاف کردیں، جیسا کہ سورۂ بقرہ 178 میں ہے، یا پھر دیت لے لیں جس کا بیان آگے آ رہا ہے (2402) میں، مذکورہ بالا دونوں حدیث ضعیف ہیں لیکن مفہوم صحیح ہے۔
قتل کئی طرح کا ہوتا ہے، علماء کرام نے اس کو تین انواع میں تقسیم کیا ہے: قتلِ عمد، قتلِ خطا، اور شبہ العمد، اور ہر قسم کی الگ سزا ہے جس کا بیان آگے احادیث میں آ رہا ہے۔
قال الشيخ حسين سليم أسد الداراني: إسناده ضعيف
2. باب في الْقَسَامَةِ:
2. قسامہ کا بیان
حدیث نمبر: 2390 |
|
سہل بن ابی حثمہ نے کہا: بنوحارثہ کے ایک فرد عبدالله بن سہل بن ابی حثمہ اپنی قوم کے کچھ افراد کے ساتھ روزی روٹی کی تلاش میں خیبر کی طرف گئے تو عبداللہ پر زیادتی ہوئی، وہ مارے گئے، ان کی گردن مروڑ دی گئی اور مہرے (منکے) ٹوٹ گئے (یعنی بری طرح ان کی گردن کچل دی گئی) اور ان کی لاش کو خیبر کے چشموں میں سے ایک چشمے کے اندر ڈال دیا گیا، ان کے ساتھیوں نے چیخ و پکار کی اور ان کی لاش کو نکال کر چھپا دیا، پھر وہ لوگ رسول صلی اللہ علیہ وسلم کی خدمت میں مدینہ طیبہ حاضر ہوئے، اور مقتول کے بھائی سیدنا عبدالرحمٰن بن سہل رضی اللہ عنہ آگے آئے جو رسول اللہ صلی اللہ علیہ وسلم کے پرانے ساتھی اور ان کے چچیرے بھائی حویصہ اور محیصہ ابنا مسعود ان کے ساتھ تھے، سیدنا عبدالرحمٰن رضی اللہ عنہ نے بات کرنی چاہی، جو ان سے چھوٹے تھے اور مقتول کے وارث بھی تھے اور قوم کے پرانے مسلمان تھے۔ رسول اللہ صلی اللہ علیہ وسلم نے فرمایا: ”بڑے بڑوں کو بات کرنے دو“، چنانچہ وہ پیچھے ہٹ گئے اور حويصہ و محیصہ نے پھر بات کی، پھر رسول اللہ صلی اللہ علیہ وسلم نے فرمایا: ”تم قاتل کا نام بتاؤ، پھر پچاس بار قسم کھاؤ (کہ وہی قاتل ہے) ہم اس قاتل کو تمہارے حوالے کر دیں گے“، انہوں نے عرض کیا: یا رسول اللہ صلی اللہ علیہ وسلم ! جس کا ہمیں علم ہی نہیں اس پر قسم کیسے کھائیں؟ ہمیں نہیں معلوم انہیں کس نے قتل کیا؟ ہاں اتنا ضرور ہے کہ یہودی ہمارے دشمن ہیں اور انہیں کے درمیان ان کا قتل ہوا ہے، آپ نے فرمایا: ”پھر ان (یہود) کو قسم کھانی ہوگی کہ وہ تمہارے مقتول کے قتل سے بری ہیں (یعنی انہوں نے قتل نہیں کیا) پھر وہ اس سے بری کر دیئے جائیں گے“، انہوں نے کہا: ہم یہود کی قسموں کا اعتبار نہیں کریں گے کیونکہ وہ تو جھوٹی قسم اکثر کھا جاتے ہیں، راوی نے کہا: چنانچہ رسول اللہ صلی اللہ علیہ وسلم نے عبداللہ کے وارثین کو اپنی طرف سے سو اونٹنیاں دیت کی ادا کر دیں۔
تخریج الحدیث: «إسناده صحيح والحديث متفق عليه، [مكتبه الشامله نمبر: 2398]»
اس روایت کی سند صحیح ہے۔ دیکھئے: [بخاري 2702]، [مسلم 1669]، [أبوداؤد 4521]، [ترمذي 1422]، [نسائي 4724]، [ابن ماجه 2677]، [ابن حبان 6009]، [الحميدي 407]
اس روایت کی سند صحیح ہے۔ دیکھئے: [بخاري 2702]، [مسلم 1669]، [أبوداؤد 4521]، [ترمذي 1422]، [نسائي 4724]، [ابن ماجه 2677]، [ابن حبان 6009]، [الحميدي 407]
وضاحت:
(تشریح حدیث 2389)
قسامہ قسم اٹھانے کو کہتے ہیں، اس کی صورت یوں ہوتی ہے کہ کوئی مقتول آدمی کسی بستی یا شہر میں پایا جائے اور اس کے قاتل کا علم نہ ہو سکے، اور اس کے قتل پر کوئی گواہ بھی نہ ہو، لیکن مقتول کا ولی اس کے قتل کا الزام کسی آدمی یا جماعت پر لگائے، اور اس دعوے پر کوئی مضبوط دلیل نہ ہو، لیکن قرائن سے قاتل قریب کا ہو، جیسے ان کے محلے میں پایا گیا ہو، یا قاتل و مقتول کے مابین دشمنی ہو تو مدعی کو سچ مان لیا جائیگا، اور مقتول کے اولیاء کو پچاس قسمیں کھانے کا حکم دیا جائے گا، اگر انہوں نے قسمیں کھا لیں تو قاتل کے وارثین دیت کے مستحق قرار دیئے جائیں گے، اور اگر مقتول کے اولیاء قسم کھانے سے انکاری ہوں، تو پھر جس پر انہوں نے دعویٔ قتل کیا ہے ان کو پچاس قسم اٹھانے کا حکم دیا جائے گا کہ وہ اس بات کی قسم کھائیں کہ انہوں نے قتل نہیں کیا، اور ان کو علم نہیں ہے کہ اس کا قاتل کون ہے؟ پس اگر وہ قسم کھا لیں تو وہ بری قرار پائیں گے، ان پر کوئی چیز واجب نہ ہوگی، اور اگر انہوں نے قسم کھانے سے گریز کیا تو ان پر دیت ادا کرنا واجب ہو جائے گا۔
مذکورہ بالا حدیث میں بالکل ٹھیک یہی صورت بیان کی گئی ہے، نیز کیونکہ مدعی علیہ کی قسم کا اعتبار کرنے سے مقتول کے اولیاء نے انکار کر دیا تھا، اور اہلِ خیبر صلح کئے ہوئے تھے، اس لئے رسول اللہ صلی اللہ علیہ وسلم نے مقتول کی دیت سو اونٹنی اپنی طرف سے ادا کیں۔
اس حدیث میں بڑوں کا ادب اور انہیں آگے آ کر بات کرنے کی ترغیب بھی ہے۔
نیز ایک آدمی کی دیت سو اونٹ ہے، اور روزی کی تلاش میں باہر جانے کا بھی ثبوت ہے۔
(تشریح حدیث 2389)
قسامہ قسم اٹھانے کو کہتے ہیں، اس کی صورت یوں ہوتی ہے کہ کوئی مقتول آدمی کسی بستی یا شہر میں پایا جائے اور اس کے قاتل کا علم نہ ہو سکے، اور اس کے قتل پر کوئی گواہ بھی نہ ہو، لیکن مقتول کا ولی اس کے قتل کا الزام کسی آدمی یا جماعت پر لگائے، اور اس دعوے پر کوئی مضبوط دلیل نہ ہو، لیکن قرائن سے قاتل قریب کا ہو، جیسے ان کے محلے میں پایا گیا ہو، یا قاتل و مقتول کے مابین دشمنی ہو تو مدعی کو سچ مان لیا جائیگا، اور مقتول کے اولیاء کو پچاس قسمیں کھانے کا حکم دیا جائے گا، اگر انہوں نے قسمیں کھا لیں تو قاتل کے وارثین دیت کے مستحق قرار دیئے جائیں گے، اور اگر مقتول کے اولیاء قسم کھانے سے انکاری ہوں، تو پھر جس پر انہوں نے دعویٔ قتل کیا ہے ان کو پچاس قسم اٹھانے کا حکم دیا جائے گا کہ وہ اس بات کی قسم کھائیں کہ انہوں نے قتل نہیں کیا، اور ان کو علم نہیں ہے کہ اس کا قاتل کون ہے؟ پس اگر وہ قسم کھا لیں تو وہ بری قرار پائیں گے، ان پر کوئی چیز واجب نہ ہوگی، اور اگر انہوں نے قسم کھانے سے گریز کیا تو ان پر دیت ادا کرنا واجب ہو جائے گا۔
مذکورہ بالا حدیث میں بالکل ٹھیک یہی صورت بیان کی گئی ہے، نیز کیونکہ مدعی علیہ کی قسم کا اعتبار کرنے سے مقتول کے اولیاء نے انکار کر دیا تھا، اور اہلِ خیبر صلح کئے ہوئے تھے، اس لئے رسول اللہ صلی اللہ علیہ وسلم نے مقتول کی دیت سو اونٹنی اپنی طرف سے ادا کیں۔
اس حدیث میں بڑوں کا ادب اور انہیں آگے آ کر بات کرنے کی ترغیب بھی ہے۔
نیز ایک آدمی کی دیت سو اونٹ ہے، اور روزی کی تلاش میں باہر جانے کا بھی ثبوت ہے۔
قال الشيخ حسين سليم أسد الداراني: إسناده صحيح والحديث متفق عليه
3. باب الْقَوَدِ بَيْنَ الرِّجَالِ وَالنِّسَاءِ:
3. آدمی و عورت کے درمیان قصاص کا بیان
حدیث نمبر: 2391 |
|
ابوبکر بن محمد بن عمرو بن حزم عن ابیہ عن جدہ سے مروی ہے کہ رسول اللہ صلی اللہ علیہ وسلم نے اہلِ یمن کو جو مکتوب بھیجا اس میں تھا کہ: ”عورت کے بدلے مرد کو قتل کیا جائے۔“
تخریج الحدیث: «إسناده ضعيف، [مكتبه الشامله نمبر: 2399]»
اس روایت کی سند ضعیف ہے، لیکن صحیحین میں اس کا شاہد صحیح موجود ہے۔ [ديكهئے: نسائي 4868]، [ابن حبان 5990، 6559]، [موارد الظمآن 792]، [وشاهده فى البخاري، نبي كريم صلى الله عليه وسلم نے ايك بچي كے بدلے يهودي كو قصاص ميں قتل كيا 2413]
اس روایت کی سند ضعیف ہے، لیکن صحیحین میں اس کا شاہد صحیح موجود ہے۔ [ديكهئے: نسائي 4868]، [ابن حبان 5990، 6559]، [موارد الظمآن 792]، [وشاهده فى البخاري، نبي كريم صلى الله عليه وسلم نے ايك بچي كے بدلے يهودي كو قصاص ميں قتل كيا 2413]
وضاحت:
(تشریح حدیث 2390)
قود قصاص کو کہتے ہیں، یعنی مقتول کے بدلے قاتل کو قتل کیا جائے، اس حدیث سے معلوم ہوا کہ اگر کوئی آدمی عورت کو قتل کر دے تو اس قتلِ عمد پر مرد کو قصاص میں قتل کیا جائے۔
(تشریح حدیث 2390)
قود قصاص کو کہتے ہیں، یعنی مقتول کے بدلے قاتل کو قتل کیا جائے، اس حدیث سے معلوم ہوا کہ اگر کوئی آدمی عورت کو قتل کر دے تو اس قتلِ عمد پر مرد کو قصاص میں قتل کیا جائے۔
قال الشيخ حسين سليم أسد الداراني: إسناده ضعيف
4. باب كَيْفَ الْعَمَلُ في الْقَوَدِ:
4. قاتل بدلے میں کس طرح قتل کیا جائے گا
حدیث نمبر: 2392 |
|
سیدنا انس رضی اللہ عنہ سے مروی ہے کہ ایک لڑکی کا دو پتھروں کے درمیان سر کچل دیا گیا، اس سے کہا گیا: کیا فلاں یا فلاں نے تمہارے ساتھ یہ سلوک کیا ہے؟ یہاں تک کہ یہودی کا نام لیا گیا تو اس نے سر کے اشارے سے تائید کی، چنانچہ اس کو بلا بھیجا گیا اور اس نے اعتراف کر لیا، اس لئے رسول اللہ صلی اللہ علیہ وسلم نے حکم دیا اور اس کا سر بھی دو پتھروں کے درمیان کچل دیا گیا۔
تخریج الحدیث: «إسناده صحيح والحديث متفق عليه، [مكتبه الشامله نمبر: 2400]»
اس روایت کی سند صحیح ہے اور حدیث متفق علیہ ہے۔ دیکھئے: [بخاري 2413]، [مسلم 1672]، [أبوداؤد 4527]، [ترمذي 1394]، [نسائي 4756]، [ابن ماجه 2665]، [أبويعلی 2818]، [ابن حبان 5991]
اس روایت کی سند صحیح ہے اور حدیث متفق علیہ ہے۔ دیکھئے: [بخاري 2413]، [مسلم 1672]، [أبوداؤد 4527]، [ترمذي 1394]، [نسائي 4756]، [ابن ماجه 2665]، [أبويعلی 2818]، [ابن حبان 5991]
وضاحت:
(تشریح حدیث 2391)
یہ مقتولہ لڑکی انصاریہ تھی اور سونے کے کڑے پہنے ہوئی تھی، اور اس یہودی نے لالچ میں آ کر اس معصوم کا سر دو پتھروں کے درمیان رکھ کر کچل دیا اور کڑے اتار کر لے گیا، چنانچہ اس حال میں وہ لڑکی رسول اللہ صلی اللہ علیہ وسلم کے پاس لائی گئی کہ ابھی اس میں کچھ رمق باقی تھی اور اس نے یہودی کی نشاندہی کر دی، لہٰذا اس کے اعتراف کے بعد اس قاتل و ظالم کا بھی سر اسی طرح دو پتھروں کے درمیان رکھ کر کچل دیا گیا۔
اس سے دو باتیں معلوم ہوئیں، اولاً یہ کہ عورت کے بدلے مرد کو قتل کر دیا جائے گا، دوسرے یہ کہ جس طرح اس نے قتل کیا ہے اسی طرح اس کو بھی قتل کر دیا جائے گا۔
امام مالک، شافعی، و احمد رحمہم اللہ کا یہ مسلک ہے جیسا کہ اس حدیث میں مذکور ہے۔
امام ابوحنیفہ رحمہ اللہ نے کہا: قتل میں مماثلت کی ضرورت نہیں بلکہ تلوار یا گولی سے مار دینا ہوگا، اس حدیث کا جواب وہ یہ دیتے ہیں کہ یہ محض سیاسی اور تعزیری حد تھی۔
(تشریح حدیث 2391)
یہ مقتولہ لڑکی انصاریہ تھی اور سونے کے کڑے پہنے ہوئی تھی، اور اس یہودی نے لالچ میں آ کر اس معصوم کا سر دو پتھروں کے درمیان رکھ کر کچل دیا اور کڑے اتار کر لے گیا، چنانچہ اس حال میں وہ لڑکی رسول اللہ صلی اللہ علیہ وسلم کے پاس لائی گئی کہ ابھی اس میں کچھ رمق باقی تھی اور اس نے یہودی کی نشاندہی کر دی، لہٰذا اس کے اعتراف کے بعد اس قاتل و ظالم کا بھی سر اسی طرح دو پتھروں کے درمیان رکھ کر کچل دیا گیا۔
اس سے دو باتیں معلوم ہوئیں، اولاً یہ کہ عورت کے بدلے مرد کو قتل کر دیا جائے گا، دوسرے یہ کہ جس طرح اس نے قتل کیا ہے اسی طرح اس کو بھی قتل کر دیا جائے گا۔
امام مالک، شافعی، و احمد رحمہم اللہ کا یہ مسلک ہے جیسا کہ اس حدیث میں مذکور ہے۔
امام ابوحنیفہ رحمہ اللہ نے کہا: قتل میں مماثلت کی ضرورت نہیں بلکہ تلوار یا گولی سے مار دینا ہوگا، اس حدیث کا جواب وہ یہ دیتے ہیں کہ یہ محض سیاسی اور تعزیری حد تھی۔
قال الشيخ حسين سليم أسد الداراني: إسناده صحيح والحديث متفق عليه
5. باب لاَ يُقْتَلُ مُسْلِمٌ بِكَافِرٍ:
5. کافر کے بدلے مسلمان قاتل قتل نہیں کیا جائے گا
حدیث نمبر: 2393 |
|
ابوجحیفہ نے کہا: میں نے سیدنا علی رضی اللہ عنہ سے عرض کیا: اے امیر المومنین! کتاب اللہ کے سوا وحی (الٰہی) میں سے اور کچھ آپ کے پاس ہے؟ (یعنی جو قرآن پاک میں موجود نہیں)، انہوں نے فرمایا: نہیں، اس ذات کی قسم جس نے دانہ چیر کر ا گایا، اور جان کو پیدا کیا، مجھے قرآن کے علاوہ کچھ نہیں معلوم سوائے اس فہم (و بصیرت) کے جو اللہ تعالیٰ اپنی کتاب کی جس کو چاہتا ہے عنایت فرماتا ہے، اور جو ورق میں لکھا ہوا ہے، میں نے عرض کیا: اس ورق میں کیا لکھا ہے؟ فرمایا: دیت اور قیدی چھوڑنے کے احکام اور یہ مسئلہ کہ مسلمان کافر کے بدلے قتل نہ کیا جائے۔
تخریج الحدیث: «إسناده صحيح، [مكتبه الشامله نمبر: 2401]»
اس حدیث کی سند صحیح ہے۔ دیکھئے: [بخاري 111]، [ترمذي 1412]، [نسائي 4758]، [ابن ماجه 2658]، [أبويعلی 338]، [الحميدي 40]
اس حدیث کی سند صحیح ہے۔ دیکھئے: [بخاري 111]، [ترمذي 1412]، [نسائي 4758]، [ابن ماجه 2658]، [أبويعلی 338]، [الحميدي 40]
وضاحت:
(تشریح حدیث 2392)
ابوجحیفہ کے سوال اور سیدنا علی رضی اللہ عنہ کے جواب سے شیعہ پر رد ہوتا ہے جو کہتے ہیں کہ قرآن پورا نہیں ہے، اس میں سے چند سورتیں غائب ہیں، اور پورا قرآن رسول اللہ صلی اللہ علیہ وسلم کے بعد سیدنا علی رضی اللہ عنہ کے پاس، پھر ایک امام کے پاس آتا رہا، یہاں تک کہ امام مہدی کے پاس آیا وہ غائب ہیں، جب ظاہر ہوں گے تو دنیا میں پورا قرآن پھیلے گا، معاذ اللہ یہ سب اکاذیب اور خرافات ہیں، سیدنا علی رضی اللہ عنہ نے کہا: قسم اس کی جس نے دانے کو چیرا اور جان کو پیدا کیا، اور ہمارے پاس وہی علم ہے جو اوروں کے پاس ہے (نہ کوئی وصیت ہمارے پاس ہے)......۔
اس حدیث کے پیشِ نظر علمائے کرام نے اس پر اجماع کیا ہے کہ مسلمان کافر حربی کے بدلے نہ مارا جائے اور کافر ذمی کے بدلے بھی نہ مارا جائے۔
جمہور علماء اور اہلِ حدیث کا یہی مسلک ہے، امام ابوحنیفہ رحمہ اللہ کے نزدیک مسلمان ذمی کافر کے بدلے قتل کیا جائے گا۔
یہ حدیث ان کے خلاف ہے، اور ان کے دلیل میں قوت نہیں ہے، امام مالک رحمہ اللہ نے کہا: اگر مسلمان ذمی کافر کو مار ڈالے تو وہ اس کے بدلے قتل کیا جائے گا۔
امام شافعی رحمہ اللہ نے کہا: مسلمان کسی حال میں قتل نہ کیا جائے یہی صحیح ہے، سیدنا علی و سیدنا عمر رضی اللہ عنہما کی احادیث اس قول کی مؤید ہیں۔
(وحیدی)۔
(تشریح حدیث 2392)
ابوجحیفہ کے سوال اور سیدنا علی رضی اللہ عنہ کے جواب سے شیعہ پر رد ہوتا ہے جو کہتے ہیں کہ قرآن پورا نہیں ہے، اس میں سے چند سورتیں غائب ہیں، اور پورا قرآن رسول اللہ صلی اللہ علیہ وسلم کے بعد سیدنا علی رضی اللہ عنہ کے پاس، پھر ایک امام کے پاس آتا رہا، یہاں تک کہ امام مہدی کے پاس آیا وہ غائب ہیں، جب ظاہر ہوں گے تو دنیا میں پورا قرآن پھیلے گا، معاذ اللہ یہ سب اکاذیب اور خرافات ہیں، سیدنا علی رضی اللہ عنہ نے کہا: قسم اس کی جس نے دانے کو چیرا اور جان کو پیدا کیا، اور ہمارے پاس وہی علم ہے جو اوروں کے پاس ہے (نہ کوئی وصیت ہمارے پاس ہے)......۔
اس حدیث کے پیشِ نظر علمائے کرام نے اس پر اجماع کیا ہے کہ مسلمان کافر حربی کے بدلے نہ مارا جائے اور کافر ذمی کے بدلے بھی نہ مارا جائے۔
جمہور علماء اور اہلِ حدیث کا یہی مسلک ہے، امام ابوحنیفہ رحمہ اللہ کے نزدیک مسلمان ذمی کافر کے بدلے قتل کیا جائے گا۔
یہ حدیث ان کے خلاف ہے، اور ان کے دلیل میں قوت نہیں ہے، امام مالک رحمہ اللہ نے کہا: اگر مسلمان ذمی کافر کو مار ڈالے تو وہ اس کے بدلے قتل کیا جائے گا۔
امام شافعی رحمہ اللہ نے کہا: مسلمان کسی حال میں قتل نہ کیا جائے یہی صحیح ہے، سیدنا علی و سیدنا عمر رضی اللہ عنہما کی احادیث اس قول کی مؤید ہیں۔
(وحیدی)۔
قال الشيخ حسين سليم أسد الداراني: إسناده صحيح
6. باب في الْقَوَدِ بَيْنَ الْوَالِدِ وَالْوَلَدِ:
6. باپ اور بیٹے کے درمیان قصاص کا بیان
حدیث نمبر: 2394 |
|
سیدنا ابن عباس رضی اللہ عنہما نے کہا: نبی کریم صلی اللہ علیہ وسلم نے فرمایا: ”مسجد کے اندر حدیں (سزائیں) نہ قائم کی جائیں اور نہ کوئی باپ بیٹے کے بدلے میں مارا جائے۔“
تخریج الحدیث: «إسناده ضعيف من أجل إسماعيل بن مسلم المكي، [مكتبه الشامله نمبر: 2402]»
اس روایت کی سند اسماعیل بن مسلم مکی کی وجہ سے ضعیف ہے۔ دیکھئے: [ترمذي 1401]، [ابن ماجه 2599]، [ابن أبى شيبه 8700]، [حلية الأولياء 18/4]، [مجمع الزوائد 2075]۔ یہ حدیث شواہد کے پیشِ نظر ضعیف ہونے کے باوجود قابلِ عمل ہے۔ امام ترمذی رحمہ اللہ نے اس حدیث کی طرف اشارہ کرتے ہوئے فرمایا: علماء کا اس پر عمل ہے کہ جب کوئی باپ اپنے بیٹے کو مار ڈالے تو وہ اس کے عوض قتل نہیں کیا جائے، اور جو اپنے بیٹے کو زنا کی تہمت لگائے تو باپ کو حدِ قذف بھی نہ ماری جائے۔
اس روایت کی سند اسماعیل بن مسلم مکی کی وجہ سے ضعیف ہے۔ دیکھئے: [ترمذي 1401]، [ابن ماجه 2599]، [ابن أبى شيبه 8700]، [حلية الأولياء 18/4]، [مجمع الزوائد 2075]۔ یہ حدیث شواہد کے پیشِ نظر ضعیف ہونے کے باوجود قابلِ عمل ہے۔ امام ترمذی رحمہ اللہ نے اس حدیث کی طرف اشارہ کرتے ہوئے فرمایا: علماء کا اس پر عمل ہے کہ جب کوئی باپ اپنے بیٹے کو مار ڈالے تو وہ اس کے عوض قتل نہیں کیا جائے، اور جو اپنے بیٹے کو زنا کی تہمت لگائے تو باپ کو حدِ قذف بھی نہ ماری جائے۔
وضاحت:
(تشریح حدیث 2393)
اس حدیث میں دو مسئلے بیان کئے گئے: پہلا تو یہ کہ باپ کو بیٹے کے بدلے قتل نہیں کیا جائے۔
دوسرے یہ کہ مساجد کے اندر حد کی سزائیں نافذ نہ کی جائیں، کیونکہ اس سے مسجد میں چیخ و پکار ہوگی، اور خون وغیرہ سے مسجد کے نجس ہونے کا بھی اندیشہ ہے، اور مسجد صرف نماز، تلاوت، عبادت، علم اور فیصلے کیلئے ہے۔
مار پیٹ و سزا دینا، مسجد میں مناسب نہیں، اسی لئے امیر المومنین سیدنا عمر بن خطاب اور امیر المومنین سیدنا علی بن ابی طالب رضی اللہ عنہما مسجد سے باہر حدود نافذ کرتے تھے۔
آج تک بلاد الحرمین میں یہی ہوتا ہے۔
(تشریح حدیث 2393)
اس حدیث میں دو مسئلے بیان کئے گئے: پہلا تو یہ کہ باپ کو بیٹے کے بدلے قتل نہیں کیا جائے۔
دوسرے یہ کہ مساجد کے اندر حد کی سزائیں نافذ نہ کی جائیں، کیونکہ اس سے مسجد میں چیخ و پکار ہوگی، اور خون وغیرہ سے مسجد کے نجس ہونے کا بھی اندیشہ ہے، اور مسجد صرف نماز، تلاوت، عبادت، علم اور فیصلے کیلئے ہے۔
مار پیٹ و سزا دینا، مسجد میں مناسب نہیں، اسی لئے امیر المومنین سیدنا عمر بن خطاب اور امیر المومنین سیدنا علی بن ابی طالب رضی اللہ عنہما مسجد سے باہر حدود نافذ کرتے تھے۔
آج تک بلاد الحرمین میں یہی ہوتا ہے۔
قال الشيخ حسين سليم أسد الداراني: إسناده ضعيف من أجل إسماعيل بن مسلم المكي
7. باب في الْقَوَدِ بَيْنَ الْعَبْدِ وَسَيِّدِهِ:
7. مالک اور غلام کے درمیان قصاص کا بیان
حدیث نمبر: 2395 |
|
سیدنا سمرہ بن جندب رضی اللہ عنہ سے مروی ہے کہ رسول اللہ صلی اللہ علیہ وسلم نے فرمایا: ”جس کسی نے اپنے غلام کو قتل کیا ہم قصاصاً اس کو قتل کریں گے، اور جو کوئی اس کی ناک کاٹے ہم اس کی ناک کاٹیں گے۔“ راوی نے کہا: پھر حسن رحمہ اللہ اس حدیث کو بھول گئے اور وہ کہتے تھے: آزاد کو غلام کے بدلے قتل نہیں کیا جائے گا۔
تخریج الحدیث: «إسناده ضعيف سماع الحسن من سمرة غير ثابت، [مكتبه الشامله نمبر: 2403]»
اس روایت کی سند ضعیف ہے۔ حسن بصری رحمہ اللہ کا سماع سیدنا سمرہ بن جندب رضی اللہ عنہ سے ثابت نہیں۔ دیکھئے: [أبوداؤد 4516]، [ترمذي 1414]، [نسائي 4750]، [ابن ماجه 2663]، [أحمد 10/5، 12، 19]، [بغوي فى شرح السنة 2533]، [طبراني 6810]
اس روایت کی سند ضعیف ہے۔ حسن بصری رحمہ اللہ کا سماع سیدنا سمرہ بن جندب رضی اللہ عنہ سے ثابت نہیں۔ دیکھئے: [أبوداؤد 4516]، [ترمذي 1414]، [نسائي 4750]، [ابن ماجه 2663]، [أحمد 10/5، 12، 19]، [بغوي فى شرح السنة 2533]، [طبراني 6810]
وضاحت:
(تشریح حدیث 2394)
کوئی غلام اگر آزاد مسلمان کو قتل کر دے تو بالاتفاق بدلے میں وہ غلام قتل کیا جائے گا، لیکن آزاد مسلمان کسی کے غلام کے بدلے میں قتل کیا جائے یا نہیں اس بارے میں اختلاف ہے۔
بعض علماء نے کہا: غلام کے بدلے میں آزاد بھی قتل کیا جائے گا، دوسرا گروہ کہتا ہے کہ آزاد آدمی اگر کسی کے غلام کو قتل کر دے تو اس کو قتل نہیں کیا جائے گا جیسا کہ حسن بصری رحمہ اللہ سے راوی نے نقل کیا ہے، اور اگر کوئی مالک اپنے ہی غلام کو قتل کر دے تو بالاتفاق مالک اپنے غلام یا لونڈی کے بدلے قتل نہیں کیا جائے گا، امام نخعی رحمہ اللہ کا اس بارے میں اختلاف ہے جو صحیح نہیں، انہوں نے اس حدیث سے استدلال کیا ہے: «مَنْ قَتَلَ عَبْدَهُ قَتَلْنَاهُ.» لیکن جمہور علماء نے کہا ہے کہ یہ حدیث ضعیف ہے یا منسوخ، صحیح پہلا ہی قول ہے۔
(واللہ اعلم)۔
(تشریح حدیث 2394)
کوئی غلام اگر آزاد مسلمان کو قتل کر دے تو بالاتفاق بدلے میں وہ غلام قتل کیا جائے گا، لیکن آزاد مسلمان کسی کے غلام کے بدلے میں قتل کیا جائے یا نہیں اس بارے میں اختلاف ہے۔
بعض علماء نے کہا: غلام کے بدلے میں آزاد بھی قتل کیا جائے گا، دوسرا گروہ کہتا ہے کہ آزاد آدمی اگر کسی کے غلام کو قتل کر دے تو اس کو قتل نہیں کیا جائے گا جیسا کہ حسن بصری رحمہ اللہ سے راوی نے نقل کیا ہے، اور اگر کوئی مالک اپنے ہی غلام کو قتل کر دے تو بالاتفاق مالک اپنے غلام یا لونڈی کے بدلے قتل نہیں کیا جائے گا، امام نخعی رحمہ اللہ کا اس بارے میں اختلاف ہے جو صحیح نہیں، انہوں نے اس حدیث سے استدلال کیا ہے: «مَنْ قَتَلَ عَبْدَهُ قَتَلْنَاهُ.» لیکن جمہور علماء نے کہا ہے کہ یہ حدیث ضعیف ہے یا منسوخ، صحیح پہلا ہی قول ہے۔
(واللہ اعلم)۔
قال الشيخ حسين سليم أسد الداراني: إسناده ضعيف سماع الحسن من سمرة غير ثابت
8. باب لِمَنْ يَعْفُو عَنْ قَاتِلِهِ:
8. جو شخص اپنے قاتل کو معاف کر دے اس کا بیان
حدیث نمبر: 2396 |
|
سیدنا وائل بن حجر رضی اللہ عنہ نے کہا: میں اس وقت نبی کریم صلی اللہ علیہ وسلم کی خدمت میں حاضر تھا، ایک قاتل تسمہ سے بندھا ہوا آپ صلی اللہ علیہ وسلم کے پاس لایا گیا، رسول اللہ صلی اللہ علیہ وسلم نے مقتول کے ولی سے فرمایا: ”کیا تم اس قاتل کو معاف کروگے؟“ اس نے کہا: نہیں، آپ صلی اللہ علیہ وسلم نے فرمایا: ”پھر دیت لوگے؟“ عرض کیا نہیں، آپ صلی اللہ علیہ وسلم نے فرمایا: ”پھر تم اس کو قتل کرو گے؟“ کہا: جی ہاں قتل کروں گا، رسول اللہ صلی اللہ علیہ وسلم نے فرمایا: ”اگر تم اس قاتل کو معاف کر دو گے تو یہ تمہارا اور تمہارے مقتول (بھائی) کا گناہ سمیٹ لے جائے گا“، وائل نے کہا: چنانچہ اس صحابی نے قاتل کو چھوڑ دیا اور میں دیکھ رہا تھا کہ وہ قاتل اپنا تسمہ کھینچ کر جا رہا تھا، اس نے قاتل کو معاف کر دیا۔
تخریج الحدیث: «إسناده صحيح، [مكتبه الشامله نمبر: 2404]»
اس روایت کی سند صحیح ہے۔ دیکھئے: [مسلم 1680]، [أبوداؤد 4499، 4500]، [نسائي 4728]، [بيهقي فى السنن 55/8] و [معرفة السنن و الآثار 15901، وغيرهم]
اس روایت کی سند صحیح ہے۔ دیکھئے: [مسلم 1680]، [أبوداؤد 4499، 4500]، [نسائي 4728]، [بيهقي فى السنن 55/8] و [معرفة السنن و الآثار 15901، وغيرهم]
وضاحت:
(تشریح حدیث 2395)
اس حدیث سے معلوم ہوا کہ قتلِ عمد میں مقتول کے وارثین کو اختیار ہے کہ قصاص میں قاتل کے قتل کرنے کا مطالبہ کریں، یا معاف کر دیں، یا پھر دیت لے لیں جیسا کہ (2388) میں ذکر کیا گیا ہے۔
امام نووی رحمہ اللہ نے کہا: اس حدیث سے معلوم ہوا کہ مجرموں کو باندھنا اور انہیں حاکم کے سامنے پیش کرنا، مدعی کا مدعا علیہ سے پہلے جواب لینا، اگر وہ اقرار کر لے تو گواہوں کی ضرورت نہ ہوگی، حاکم کا مقتول کے وارث سے معافی کے لئے ترغیب دینا اور درخواست کرنا، نیز معافی کا صحیح ہونا، مقدمہ رجوع ہونے کے بعد بھی دیت کا جائز ہونا، قاتل کو قصاص کے لئے وارثین کے حوالے کرنا، یہ سب مسائل مذکورہ بالا حدیث سے نکلے ہیں۔
(وحیدی، شرح مسلم)۔
(تشریح حدیث 2395)
اس حدیث سے معلوم ہوا کہ قتلِ عمد میں مقتول کے وارثین کو اختیار ہے کہ قصاص میں قاتل کے قتل کرنے کا مطالبہ کریں، یا معاف کر دیں، یا پھر دیت لے لیں جیسا کہ (2388) میں ذکر کیا گیا ہے۔
امام نووی رحمہ اللہ نے کہا: اس حدیث سے معلوم ہوا کہ مجرموں کو باندھنا اور انہیں حاکم کے سامنے پیش کرنا، مدعی کا مدعا علیہ سے پہلے جواب لینا، اگر وہ اقرار کر لے تو گواہوں کی ضرورت نہ ہوگی، حاکم کا مقتول کے وارث سے معافی کے لئے ترغیب دینا اور درخواست کرنا، نیز معافی کا صحیح ہونا، مقدمہ رجوع ہونے کے بعد بھی دیت کا جائز ہونا، قاتل کو قصاص کے لئے وارثین کے حوالے کرنا، یہ سب مسائل مذکورہ بالا حدیث سے نکلے ہیں۔
(وحیدی، شرح مسلم)۔
قال الشيخ حسين سليم أسد الداراني: إسناده صحيح
9. باب التَّشْدِيدِ في قَتْلِ النَّفْسِ الْمُسْلِمَةِ:
9. مسلمانوں کو قتل کرنے کا گناہ
حدیث نمبر: 2397 |
|
سیدنا عبداللہ بن عمرو بن العاص رضی اللہ عنہ سے مروی ہے: نبی کریم صلی اللہ علیہ وسلم نے فرمایا: ”کبیرہ گناہ یہ ہیں: اللہ کے ساتھ شرک کرنا، والدین کی نافرمانی کرنا، ناحق کسی کی جان لینا“ - شعبہ نے شک کیا - یا ”جھوٹی قسم کھانا۔“
تخریج الحدیث: «إسناده صحيح، [مكتبه الشامله نمبر: 2405]»
اس حدیث کی سند صحیح ہے۔ دیکھئے: [بخاري 6675، 6870]، [ترمذي 3021]، [نسائي 4022]، [شرح السنة 44]۔ نیز دیکھئے: [المحلی 36/8]
اس حدیث کی سند صحیح ہے۔ دیکھئے: [بخاري 6675، 6870]، [ترمذي 3021]، [نسائي 4022]، [شرح السنة 44]۔ نیز دیکھئے: [المحلی 36/8]
وضاحت:
(تشریح حدیث 2396)
یہ سارے گناہِ کبیرہ ہیں جن سے توبہ کئے بغیر مر جانا دوزخ میں داخل ہونا ہے۔
یہاں قتل النفس کی مناسبت سے یہ حدیث ذکر کی گئی، معلوم ہوا کہ مسلمان کا ناحق خون کرنا بہت بڑا گناہ ہے جسے کفر سے تعبیر فرمایا گیا ہے: «لَا تَرْجِعُوْا بَعْدِيْ كُفَّارًا يَضْرِبُ بَعْضُكُمْ رِقَابَ بِعْضٍ.» صد افسوس آج کا مسلمان نہ شرک سے شرماتا ہے، نا والدین کی نافرمانی سے گریز کرتا ہے، اور نہ جھوٹی قسم سے، اور نہ اپنے مسلمان بھائی کا خون بہانے سے چوکتا ہے۔
(تشریح حدیث 2396)
یہ سارے گناہِ کبیرہ ہیں جن سے توبہ کئے بغیر مر جانا دوزخ میں داخل ہونا ہے۔
یہاں قتل النفس کی مناسبت سے یہ حدیث ذکر کی گئی، معلوم ہوا کہ مسلمان کا ناحق خون کرنا بہت بڑا گناہ ہے جسے کفر سے تعبیر فرمایا گیا ہے: «لَا تَرْجِعُوْا بَعْدِيْ كُفَّارًا يَضْرِبُ بَعْضُكُمْ رِقَابَ بِعْضٍ.» صد افسوس آج کا مسلمان نہ شرک سے شرماتا ہے، نا والدین کی نافرمانی سے گریز کرتا ہے، اور نہ جھوٹی قسم سے، اور نہ اپنے مسلمان بھائی کا خون بہانے سے چوکتا ہے۔
قال الشيخ حسين سليم أسد الداراني: إسناده صحيح