ابوسلمہ بن عبدالرحمٰن سے روایت ہے کہ لوگوں نے تکبیر سنی تو کھڑے ہو کر سنتیں پڑھنے لگے، تب رسول اللہ صلی اللہ علیہ وسلم نکلے اور فرمایا کہ: ”کیا دو دو نمازیں ایک ساتھ؟ کیا دو دو نمازیں ایک ساتھ؟“ اور آپ صلی اللہ علیہ وسلم نے فرمایا: ”یہ تو صبح کی نماز میں شامل وہ دو رکعتیں ہیں جو صبح سے قبل پڑھی جاتی ہیں۔“

امام مالک رحمہ اللہ کو یہ بات پہنچی کہ سیدنا عبداللہ بن عمر رضی اللہ تعالیٰ عنہما کی فجر کی دو سنیتں فوت ہوگئیں تو انہوں نے سورج نکلنے کے بعد وہ پڑھ لیں۔

حضرت قاسم بن محمد سے بھی ایسا ہی مروی ہے۔