| بَابُ مَا جَاءَ فِي تَعَطُّرِ رَسُولِ اللَّهِ صَلَّى اللهُ عَلَيْهِ وَسَلَّمَ رسول اللہ صلی اللہ علیہ وسلم کے خوشبواستعمال کرنے کے بیان میں خوشبو کو رد نہیں کرنا چاہئیے
سیدنا انس بن مالک رضی اللہ عنہ کے پوتے ثمامہ بن عبد اللہ سے مروی ہے انہوں نے فرمایا کہ سیدنا انس بن مالک رضی اللہ عنہ خوشبو کے ہدیہ (تحفہ) کو واپس نہیں کرتے تھے اور فرماتے تھے کہ (یہ اس لیے کہ) نبی اکرم صلی اللہ علیہ وسلم (بھی) خوشبو کے ہدیہ کو واپس نہیں فرمایا کرتے تھے۔
تخریج الحدیث: «سنده صحيح» :
«(سنن ترمذي: 2789 وقال: حسن صحيح)، صحيح بخاري (5929)»  |