|
 |
|
1- حدیث نمبر سے حدیث تلاش کیجئے: |
مسند الشهاب
احادیث601 سے 800
522. مَا رَأَيْتُ مِثْلَ النَّارِ نَامَ هَارِبُهَا، وَلَا مِثْلَ الْجَنَّةِ نَامَ طَالِبُهَا
522. میں نے جہنم جیسی کوئی (خوفناک) جگہ نہیں دیکھی کہ جس سے بھاگنے والا (غفلت کی نیند) سو رہا ہو اور نہ جنت جیسی کوئی (نعمتوں والی) جگہ دیکھی کہ جس کا طالب (غفلت کی نیند) سورہا ہو
| حدیث نمبر: 791 |
سیدنا ابوہریرہ رضی اللہ عنہ نبی صلی اللہ علیہ وسلم سے روایت کرتے ہیں کہ آپ صلی اللہ علیہ وسلم نے فرمایا: ”میں نے جہنم جیسی کوئی (خوفناک) جگہ نہیں دیکھی کہ جس سے بھاگنے والا (غفلت کی نیند) سو رہا ہو اور نہ جنت جیسی کوئی (نعمتوں والی) جگہ دیکھی کہ جس کا طالب (غفلت کی نیند) سورہا ہو۔“ [مسند الشهاب/حدیث: 791]
تخریج الحدیث: «إسناده ضعيف جدا، وأخرجه ترمذى: 2601، الزهد لابن المبارك: 27» يحيى بن عبید اللہ متروک ہے۔
| حدیث نمبر: 792 |
سیدنا ابوہریرہ رضی اللہ عنہ سے ایک دوسری سند کے ساتھ بھی اس کی مثل مروی ہے۔ [مسند الشهاب/حدیث: 792]
تخریج الحدیث: «إسناده ضعيف جدا، وأخرجه ترمذى: 2601، الزهد لابن المبارك: 27» يحيى بن عبید اللہ متروک ہے۔
523. مَا كَانَ الرِّفْقُ فِي شَيْءٍ إِلَّا زَانَهُ
523. جس چیز میں رفق ہوا سے یہ خوشنما بنا دیتی ہے اور جس چیز میں اکھٹرپن ہوا سے یہ بدنما بنا دیتی ہے
| حدیث نمبر: 793 |
سیدنا انس رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا: ”جس چیز میں رفق ہوا سے یہ خوشنما بنا دیتی ہے اور جس چیز میں اکھٹرپن ہوا سے یہ بدنما بنا دیتی ہے۔“ [مسند الشهاب/حدیث: 793]
تخریج الحدیث: «صحيح، وأخرجه الادب المفرد: 466»
| حدیث نمبر: 794 |
سیدنا انس رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا: ”جس چیز میں بے حیائی ہو اسے یہ بدنما بنا دیتی ہے اور جس چیز میں حیا ہوا سے یہ خوشنما بنا دیتی ہے۔“ [مسند الشهاب/حدیث: 794]
تخریج الحدیث: «صحيح، وأخرجه الترمذي فى «جامعه» برقم: 1974، 3301، وابن ماجه فى «سننه» برقم: 3697، 4185، وأحمد فى «مسنده» برقم: 12129»
524. مَا اسْتَرْذَلَ اللَّهُ عَبْدًا قَطُّ إِلَّا حَظَرَ عَنْهُ الْعِلْمَ وَالْأَدَبَ
524. اللہ کی نظر میں وہی بندہ ذلیل و حقیر ہے جو علم وادب سے محروم ہو
| حدیث نمبر: 795 |
سیدنا ابوہریرہ رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا: ”اللہ کی نظر میں وہی بندہ ذلیل و حقیر ہے جو علم وادب سے محروم ہو۔“ [مسند الشهاب/حدیث: 795]
تخریج الحدیث: إسناده ضعيف جداً، أحمد بن یحییٰ بن حمزه سخت ضعیف ہے، اس میں اور بھی علتیں ہیں۔
525. مَا أَنْزَلَ اللَّهُ مِنْ دَاءٍ إِلَّا أَنْزَلَ اللَّهُ لَهُ شِفَاءً
525. الله نے جو بهی بيماری نازل كی ہے اس كی شفا بھی اتاری ہے
| حدیث نمبر: 796 |
ہلال بن یساف کہتے ہیں رسول اللہ صلی اللہ علیہ وسلم کے دور میں ایک آدمی زخمی ہو گیا تو آپ صلی اللہ علیہ وسلم نے فرمایا: ”اس کے لیے طبیب بلاؤ۔“ صحابہ رضی اللہ عنہ نے عرض کیا: اللہ کے رسول! کیا طبیب (اسے) کچھ فائدہ دے سکتا ہے؟ آپ صلی اللہ علیہ وسلم نے فرمایا: ”ہاں، الله نے جو بهی بيماری نازل كی ہے اس كی شفا بھی اتاری ہے۔“ [مسند الشهاب/حدیث: 796]
تخریج الحدیث: «مرسل ضعيف، وأخرجه ابن ابي شيبة: 23880» اسے ہلال بن یساف تابعی نے رسول اللہ صلی اللہ علیہ وسلم سے روایت کیا ہے اور سفیان ثوری مدلس کا عنعنہ ہے۔
526. «مَا زَانَ اللَّهُ عَبْدًا بِزِينَةٍ أَفْضَلَ مِنْ عَفَافٍ فِي دِينِهِ وَفَرْجِهِ»
526. اللہ تعالیٰ نے بندے کو اس کے دین اور اس کی شرم گاہ کی غفلت و پاکدامنی سے بڑھ کر کسی زینت کے ساتھ مزین نہیں کیا
| حدیث نمبر: 797 |
ابوجعفر محمد بن علی کہتے ہیں کہ رسول اللہ صلی اللہ علیہ وسلم نے فرمایا۔۔۔ اور انہوں نے یہ حدیث بیان کی۔ ”اللہ تعالیٰ نے بندے کو اس کے دین اور اس کی شرم گاہ کی غفلت و پاکدامنی سے بڑھ کر کسی زینت کے ساتھ مزین نہیں کیا“۔ [مسند الشهاب/حدیث: 797]
تخریج الحدیث: منقطع، اے ابوجعفر محمد بن علی تابعی نے رسول اللہ صلی اللہ علیہ وسلم سے روایت کیا ہے، اس میں اور بھی علتیں ہیں۔
527. مَا عَظُمَتْ نِعْمَةُ اللَّهِ عَلَى عَبْدٍ إِلَّا عَظُمَتْ مُؤْنَةُ النَّاسِ عَلَيْهِ
527. جس بندے پر اللہ کی نعمت زیادہ ہو جاتی ہے اس پر لوگوں کی ضروریات کا بوجھ بھی بڑھ جاتا ہے
| حدیث نمبر: 798 |
سیدنا معاذ بن جبل رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا: ”جس بندے پر اللہ کی نعمت زیادہ ہو جاتی ہے اس پر لوگوں کی ضروریات کا بوجھ بھی بڑھ جاتا ہے۔“ [مسند الشهاب/حدیث: 798]
تخریج الحدیث: «إسناده ضعيف جدا، وأخرجه المجروحين: 155/10، تاريخ مدينة السلام: 6/407» أحمد بن معدان متروک ہے۔
| حدیث نمبر: 799 |
سیدنا معاذ بن جبل رضی اللہ عنہ کہتے ہیں کہ نبی صلی اللہ علیہ وسلم نے فرمایا۔۔ اور انہوں نے یہ حدیث بیان کی۔ [مسند الشهاب/حدیث: 799]
تخریج الحدیث: «إسناده ضعيف جدا، وأخرجه المجروحين: 155/10، تاريخ مدينة السلام: 6/407» أحمد بن معدان متروک ہے۔
528. مَا سَتَرَ اللَّهُ عَلَى عَبْدٍ فِي الدُّنْيَا ذَنْبًا فَيُعَيِّرُهُ بِهِ يَوْمَ الْقِيَامَةِ
528. اللہ جس بندے کے گناہ پر دنیا میں پردہ پوشی فرما دے تو قیامت کے دن اسے (گناہ) پر عار نہیں دلائے گا
| حدیث نمبر: 800 |
سیدنا ابوموسیٰ رضی اللہ عنہ نبی صلی اللہ علیہ وسلم سے روایت کرتے ہیں کہ آپ صلی اللہ علیہ وسلم نے فرمایا: ”اللہ جس بندے کے گناہ پر دنیا میں پردہ پوشی فرما دے تو قیامت کے دن اسے (گناہ) پر عار نہیں دلائے گا۔“ [مسند الشهاب/حدیث: 800]
تخریج الحدیث: «إسناده ضعيف، وأخرجه المعجم الصغير: 192، تاريخ مدينة السلام: 6/ 139، بزار: 3164» عمر بن سعید ضعیف ہے، اس میں اور بھی علتیں ہیں۔