سیدنا جابر بن عبداللہ رضی اللہ عنہ کہتے ہیں کہ رسول اللہ صلی اللہ علیہ وسلم نے جمعہ کے دن ہمیں خطبہ دیتے ہوئے فرمایا: ”تم مرنے سے پہلے اپنے رب کی طرف رجوع کر لو اور مصروف ہونے سے پہلے پاکیزہ اعمال کر لو اور اس کا کثرت سے ذکر کر کے اپنے اس تعلق کو مضبوط کر لو جو تمہارے اور اس کے درمیان ہے۔“ [مسند الشهاب/حدیث: 723]

سیدنا جابر بن عبداللہ رضی اللہ عنہ کہتے ہیں کہ رسول اللہ صلی اللہ علیہ وسلم نے منبر پر فرمایا: ”اے لوگو! مرنے سے پہلے اپنے رب کی طرف رجوع کر لو اور مصروف ہونے سے پہلے جلدی جلدی نیک اعمال کر لو اور اس کا کثرت سے ذکر کر کے اور ظاہری اور پوشیدہ طور پر صدقہ کر کے اپنے اس تعلق کو مضبوط کر لو جو تمہارے اور اس کے درمیان ہے، تمہاری مدد کی جائے گی، تمہیں اجر دیا جائے گا اور تمہیں روزی ملے گی۔“ یہ حدیث مختصر ہے۔ [مسند الشهاب/حدیث: 724]