کتاب سنن ابي داود تفصیلات
کتاب: اہم معرکوں کا بیان جو امت میں ہونے والے ہیں
حدیث نمبر: 4321 |
|
نواس بن سمعان کلابی رضی اللہ عنہ کہتے ہیں کہ رسول اللہ صلی اللہ علیہ وسلم نے دجال کا ذکر کیا تو فرمایا: ”اگر وہ ظاہر ہوا اور میں تم میں موجود رہا تو تمہارے بجائے میں اس سے جھگڑوں گا، اور اگر وہ ظاہر ہوا اور میں تم میں نہیں رہا تو آدمی خود اس سے نپٹے گا، اور اللہ ہی ہر مسلمان کے لیے میرا خلیفہ ہے، پس تم میں سے جو اس کو پائے تو اس پر سورۃ الکہف کی ابتدائی آیتیں پڑھے کیونکہ یہ تمہیں اس کے فتنے سے بچائیں گی“۔ ہم نے عرض کیا: وہ کتنے دنوں تک زمین پر رہے گا؟ آپ صلی اللہ علیہ وسلم نے فرمایا: ”چالیس دن تک، اس کا ایک دن ایک سال کے برابر ہو گا، اور ایک دن ایک مہینہ کے، اور ایک دن ایک ہفتہ کے، اور باقی دن تمہارے اور دنوں کی طرح ہوں گے“۔ تو ہم نے پوچھا: اللہ کے رسول! جو دن ایک سال کے برابر ہو گا، کیا اس میں ایک دن اور رات کی نماز ہمارے لیے کافی ہوں گی؟ آپ صلی اللہ علیہ وسلم نے فرمایا: ”نہیں، تم اس دن اندازہ کر لینا، اور اسی حساب سے نماز پڑھنا، پھر عیسیٰ بن مریم علیہ السلام دمشق کے مشرق میں سفید منارہ کے پاس اتریں گے، اور اسے (یعنی دجال کو) باب لد ۱؎ کے پاس پائیں گے اور وہیں اسے قتل کر دیں گے“۔
وضاحت:
۱؎: بیت المقدس کے پاس ایک شہر کا نام ہے۔
۱؎: بیت المقدس کے پاس ایک شہر کا نام ہے۔
تخریج الحدیث: «صحیح مسلم/الفتن 20 (2937)، سنن الترمذی/الفتن 59 (2240)، سنن ابن ماجہ/ الفتن (4075)، (تحفة الأشراف: 11711)، وقد أخرجہ: مسند احمد (4/181، 182) (صحیح)»
قال الشيخ الألباني: صحيح
قال الشيخ زبير على زئي: صحيح مسلم (2937)
| ● سنن أبي داود | 4321 | إن يخرج وأنا فيكم فأنا حجيجه دونكم وإن يخرج ولست فيكم فامرؤ حجيج نفسه والله خليفتي على كل مسلم من أدركه منكم فليقرأ عليه فواتح سورة الكهف فإنها جواركم من فتنته قلنا ما لبثه في الأرض قال أربعون يوما يوم كسنة ويوم كشهر ويوم كجمعة وسائر أيامه كأيامكم |
سنن ابی داود کی حدیث نمبر 4321 کے فوائد و مسائل
الشيخ عمر فاروق سعيدي حفظ الله، فوائد و مسائل، سنن ابي داود ، تحت الحديث 4321
فوائد ومسائل:
1۔
دجال کا مقابلہ ایمان راسخ کے بعد سورۃ کہف کی ابتدائی آیات پڑھنے سے ہوگا اور فی الواقع حضرت عیسٰی ؑ ہی اسے قتل کریں گے۔
2۔
ایام کی طوالت کا سن کر صحابہ کرام رضی اللہ عنہ کے ذہنوں میں جو اہم سوال اٹھا وہ نمازوں کی ادائیگی کا تھا، کیونکہ مومن اور نماز لازم و ملزوم ہیں۔
اس سوال جواب میں قطب شمالی و جنوبی کے علاقے کے مسلمانوں کے اشکال کا جواب ہے کہ ان کے ہاں دن رات چھ چھ مہینے کے ہوتے ہیں تو اُنھیں اندازے سے نمازیں پڑھنی چاہیئں۔
1۔
دجال کا مقابلہ ایمان راسخ کے بعد سورۃ کہف کی ابتدائی آیات پڑھنے سے ہوگا اور فی الواقع حضرت عیسٰی ؑ ہی اسے قتل کریں گے۔
2۔
ایام کی طوالت کا سن کر صحابہ کرام رضی اللہ عنہ کے ذہنوں میں جو اہم سوال اٹھا وہ نمازوں کی ادائیگی کا تھا، کیونکہ مومن اور نماز لازم و ملزوم ہیں۔
اس سوال جواب میں قطب شمالی و جنوبی کے علاقے کے مسلمانوں کے اشکال کا جواب ہے کہ ان کے ہاں دن رات چھ چھ مہینے کے ہوتے ہیں تو اُنھیں اندازے سے نمازیں پڑھنی چاہیئں۔
سنن ابی داود شرح از الشیخ عمر فاروق سعدی، حدیث/صفحہ نمبر: 4321
