کتاب سنن ابي داود تفصیلات
کتاب: جہاد کے مسائل
155. باب فِيمَنْ أَسْهَمَ لَهُ سَهْمًا
155. باب: جس کے نزدیک گھوڑے کو ایک حصہ دینا چاہئے اس کی دلیل کا بیان۔
حدیث نمبر: 2736 |
|
مجمع بن جاریہ انصاری رضی اللہ عنہ سے روایت ہے اور وہ ان قاریوں میں سے ایک تھے جو قرآت قرآن میں ماہر تھے، وہ کہتے ہیں: ہم صلح حدیبیہ میں رسول اللہ صلی اللہ علیہ وسلم کے ساتھ تھے، جب ہم وہاں سے واپس لوٹے تو لوگ اپنی سواریوں کو حرکت دے رہے تھے، بعض نے بعض سے کہا: لوگوں کو کیا ہو گیا ہے؟ لوگوں نے کہا: رسول اللہ صلی اللہ علیہ وسلم کی طرف وحی کی گئی ہے تو ہم بھی لوگوں کے ساتھ (اپنی سواریوں) کو دوڑاتے اور ایڑ لگاتے ہوئے نکلے، ہم نے نبی اکرم صلی اللہ علیہ وسلم کو اپنی سواری پر کراع الغمیم ۱؎ کے پاس کھڑا پایا جب سب لوگ آپ کے پاس جمع ہو گئے تو آپ صلی اللہ علیہ وسلم نے «إنا فتحنا لك فتحا مبينا» پڑھی، تو ایک شخص نے عرض کیا: اللہ کے رسول! کیا یہی فتح ہے؟ آپ صلی اللہ علیہ وسلم نے فرمایا: ”ہاں، قسم اس ذات کی جس کے ہاتھ میں میری جان ہے، یہی فتح ہے“، پھر خیبر کی جنگ میں جو مال آیا وہ صلح حدیبیہ کے لوگوں پر تقسیم ہوا، رسول اللہ صلی اللہ علیہ وسلم نے اس مال کے اٹھارہ حصے کئے اور لشکر کے لوگ سب ایک ہزار پانچ سو تھے جن میں تین سو سوار تھے، آپ صلی اللہ علیہ وسلم نے سواروں کو دو حصے دئیے اور پیدل والوں کو ایک حصہ۔ ابوداؤد کہتے ہیں: ابومعاویہ کی حدیث (نمبر ۲۷۳۳) زیادہ صحیح ہے اور اسی پر عمل ہے، اور میرا خیال ہے مجمع کی حدیث میں وہم ہوا ہے انہوں نے کہا ہے: تین سو سوار تھے حالانکہ دو سو سوار تھے ۲؎۔
وضاحت:
۱؎: مکہ اور مدینہ کے درمیان ایک جگہ کا نام ہے۔
۲؎: گویا لشکر کی صحیح تعداد چودہ سو تھی جن میں دو سو سوار تھے، سواروں کو تین تین حصے دئے گئے اور پیدل والوں کو ایک حصہ۔
۱؎: مکہ اور مدینہ کے درمیان ایک جگہ کا نام ہے۔
۲؎: گویا لشکر کی صحیح تعداد چودہ سو تھی جن میں دو سو سوار تھے، سواروں کو تین تین حصے دئے گئے اور پیدل والوں کو ایک حصہ۔
تخریج الحدیث: «تفرد بہ أبوداود، مسند احمد (3/420)، (تحفة الأشراف: 11214)، ویأتی ہذا الحدیث فی الخراج (3015) (ضعیف)» (اس کے راوی مجمع سے وہم ہو گیا ہے حالانکہ وہ صدوق ہیں)
قال الشيخ الألباني: ضعيف
قال الشيخ زبير على زئي: إسناده حسن
مشكوة المصابيح (4006)
مشكوة المصابيح (4006)
| ● سنن أبي داود | 2736 | مجمع بن جارية | شهدنا الحديبية مع رسول الله فلما انصرفنا عنها إذا الناس يهزون الأباعر |
سنن ابی داود کی حدیث نمبر 2736 کے فوائد و مسائل
الشيخ عمر فاروق سعيدي حفظ الله، فوائد و مسائل، سنن ابي داود ، تحت الحديث 2736
فوائد ومسائل:
غنائم خیبر کے اٹھارہ حصے یوں بنتے ہیں۔
کہ اگر مجاہدین کی تعداد پندرہ سو اوران میں گھوڑ سوار تین سو ہوں۔
اور ہر گھوڑے کا ایک حصہ شمار کیا جائے۔
تو یہ کل تعداد اٹھارہ سو ہوئی۔
چنانچہ ہر ایک حصہ ایک سو کے لئے ہوا اور گھوڑے کے لئے بھی ایک ہی حصہ دیا گیا۔
مگر یہ بات صحیح تر روایات کے خلاف ہے۔
اس اعتبار سے یہ حدیث ضعیف ہے۔
جیسا کہ امام ابو دائود نے کہا ہے کہ۔
صحیح یہ ہے کہ مجاہدین کی تعداد چودہ سو اور ان میں گھوڑ سوار دو سو تھے۔
گھوڑے کے لئے دو حصے تھے۔
اس طرح کل حصے جن میں یہ غنیمتیں تقسیم ہوئیں۔
اٹھارہ سو بنے۔
ہر ایک سو کےلئے ایک حصہ تھا۔
اورکل حصے اٹھارہ بنائے گئے۔
غنائم خیبر کے اٹھارہ حصے یوں بنتے ہیں۔
کہ اگر مجاہدین کی تعداد پندرہ سو اوران میں گھوڑ سوار تین سو ہوں۔
اور ہر گھوڑے کا ایک حصہ شمار کیا جائے۔
تو یہ کل تعداد اٹھارہ سو ہوئی۔
چنانچہ ہر ایک حصہ ایک سو کے لئے ہوا اور گھوڑے کے لئے بھی ایک ہی حصہ دیا گیا۔
مگر یہ بات صحیح تر روایات کے خلاف ہے۔
اس اعتبار سے یہ حدیث ضعیف ہے۔
جیسا کہ امام ابو دائود نے کہا ہے کہ۔
صحیح یہ ہے کہ مجاہدین کی تعداد چودہ سو اور ان میں گھوڑ سوار دو سو تھے۔
گھوڑے کے لئے دو حصے تھے۔
اس طرح کل حصے جن میں یہ غنیمتیں تقسیم ہوئیں۔
اٹھارہ سو بنے۔
ہر ایک سو کےلئے ایک حصہ تھا۔
اورکل حصے اٹھارہ بنائے گئے۔
سنن ابی داود شرح از الشیخ عمر فاروق سعدی، حدیث/صفحہ نمبر: 2736
