سعید نے قتادہ سے، انھوں نے حسن سے، انھوں نے حطان بن عبداللہ سے، انھوں نے حضرت عبادہ بن صامت رضی اللہ عنہ سے روایت کی، کہا: جب نبی کریم صلی اللہ علیہ وسلم پر وحی نازل ہوتی تو آپ صلی اللہ علیہ وسلم اس کی بناء پر کرب کی سی کیفیت سے دو چار ہوجاتے اور آپ کے چہرے کا رنگ متغیر ہوجاتا۔
حضرت عبادہ بن صامت رضی اللہ تعالیٰ عنہ بیان کرتے ہیں، نبی اکرم صلی اللہ علیہ وسلم پر جب وحی طاری ہوجاتی تو اس پر آپ کرب وتکلیف میں مبتلا ہو جاتے اور آپ کا چہرہ خاکستری رنگ کا ہوجاتا۔
الشيخ الحديث مولانا عبدالعزيز علوي حفظ الله، فوائد و مسائل، تحت الحديث ، صحيح مسلم: 6060
حدیث حاشیہ: مفردات الحدیث: (1) يفصم: رک جانا، بند ہو جانا یا کیفیت کا چھٹ جانا۔ (2) كُرب: کرب و اذیت محسوس کرنا۔ (3) تربد: متغیر ہو جانا، سیاہی مائل ہو جانا، یعنی وحی کی شدت کی بنا پر چہرے کا رنگ فق ہو جاتا، کیونکہ قول ثقیل کے نزول کی بنا پر، آپ تکلیف اور مشقت سے گزرتے تھے۔
