صحيح مسلم, حدیث نمبر 4253, باب: نذر کے کفارے کا بیان۔

● صحيح مسلم	4253	عقبة بن عامر	كفارة النذر كفارة اليمين
● جامع الترمذي	1528	عقبة بن عامر	كفارة النذر إذا لم يسم كفارة يمين
● سنن أبي داود	3323	عقبة بن عامر	كفارة النذر كفارة اليمين
● سنن النسائى الصغرى	3863	عقبة بن عامر	كفارة النذر كفارة اليمين

مزید تخریج دیکھیں

صحیح مسلم کی حدیث نمبر 4253 کے فوائد و مسائل

شیخ الحدیث مولانا عبد العزیز علوی حفظ اللہ

الشيخ الحديث مولانا عبدالعزيز علوي حفظ الله، فوائد و مسائل، تحت الحديث ، صحيح مسلم: 4253

حدیث حاشیہ:
فوائد ومسائل:
اس حدیث سے معلوم ہوتا ہے،
نذر کا حکم قسم والا ہے،
اس لیے اس کا کفارہ بھی قسم والا ہے۔
جامع الصغیر میں ہے،
(النذرة يمين)
نذر قسم ہے،
(وكفارته كفارة اليمين)
اور اس کا کفارہ قسم والا ہے۔
بعض روایات میں ہے،
(كفارة النذر اذا لم يسم كفارة اليمين)
نذر اگر متعین نہ ہو تو اس کا کفارہ قسم والا ہے،
اس لیے اس حدیث کا مطلب یہ ہو گا کہ اگر کسی نے کہا،
لِلهِ عَلَی نذر،
اللہ کی مجھ پر نذر ہے،
تو اس پر کفارہ یمین لازم ہو گا،
اور امام نووی کے نزدیک اس سے مراد نذر لجاج ہے،
جس میں تعلیق ہوتی ہے،
مثلا کوئی انسان کہتا ہے،
اگر میں زید سے ہم کلام ہوں تو مجھ پر اللہ کے لیے حج ہو گا،
تو شوافع کے نزدیک اگر وہ زید سے گفتگو کر کے حانث ہو جاتا ہے،
یعنی قسم توڑ دیتا ہے،
کیونکہ یہ نذر،
قسم کے ہیں،
تو اب اس کو اختیار ہے نذر پوری کرتے ہوئے حج کرے یا قسم والا کفارہ ادا کرے،
احناف کا بھی یہی موقف ہے،
اگر نذر معصیت کی ہے،
تو اس کے بارے میں ائمہ کے اقوال گزر چکے ہیں،
اگر ایسی چیز کے بارے میں نذر مانی ہے،
جو اس کے بس یا طاقت سے باہر ہے،
تو اس پر قسم والا کفارہ ہے،
لیکن اگر بیت اللہ پیدل جانے کی نذر مانی ہے،
یا بیٹا ذبح کرنے کی نذر مانی ہے،
تو اکثر ائمہ کے نزدیک اس پر دم لازم ہو گا۔
حضرت ابن عباس رضی اللہ عنہما سے سنن ابی داود میں مرفوع حدیث مروی ہے کہ جس نے غیر متعین نذر مانی،
اس پر قسم والا کفارہ ہے،
اور جس نے معصیت کی نذر مانی،
اس پر بھی قسم والا کفارہ ہے،
اور جس نے طاقت سے بڑھ کر نذر مانی،
اس کا کفارہ بھی قسم والا ہے،
اور سنن ابن ماجہ میں ہے،
جس نے مقدرت و طاقت کے مطابق نذر مانی،
وہ اسے پورا کرے۔
(تکملہ،
ج 2،
ص 174)

تحفۃ المسلم شرح صحیح مسلم، حدیث/صفحہ نمبر: 4253

تخریج الحدیث کے تحت دیگر کتب سے حدیث کے فوائد و مسائل

الشیخ حافظ محمد امین حفظہ اللہ

الشیخ ڈاکٹر عبدالرحمٰن فریوائی حفظہ اللہ

فوائد ومسائل از الشيخ حافظ محمد امين حفظ الله سنن نسائي تحت الحديث3863

´نذر کے کفارہ کا بیان۔`
عقبہ بن عامر رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا: ”نذر کا کفارہ وہی ہے جو قسم کا کفارہ ہے“ ۱؎۔ [سنن نسائي/كتاب الأيمان والنذور/حدیث: 3863]

اردو حاشہ:
قسم کا کفارہ قرآن مجید میں صراحتاً مذکور ہے اور وہ ہے: دس مسکینوں کو کھانا کھلانا یا کپڑے پہنانا یا غلام کی آزادی۔ اگر ان تینوں میں سے کسی کی طاقت نہ ہو تو پھر تین روزے رکھنا ہوں گے۔ اور یہی نذر کا کفارہ ہے۔ کفارے میں ترتیب ضروری نہیں بلکہ جو نسا عمل آسانی کا باعث ہو کیا جا سکتا ہے۔ اگر نیک کام کی نذر ہو اور اسے پورا کرنے کی استطاعت ہو تو نذر ہی پوری کرنی ہوگی۔ کفارہ اس صورت میں ہے جب نذر پوری کرنا ممکن نہ ہو یا نذر معصیت کی ہو۔

سنن نسائی ترجمہ و فوائد از الشیخ حافظ محمد امین حفظ اللہ، حدیث/صفحہ نمبر: 3863

الشیخ ڈاکٹر عبد الرحمٰن فریوائی حفظ اللہ، فوائد و مسائل، سنن ترمذی، تحت الحديث 1528

´غیر متعین نذر کے کفارہ کا بیان۔`
عقبہ بن عامر رضی الله عنہ کہتے ہیں کہ رسول اللہ صلی اللہ علیہ وسلم نے فرمایا: ”غیر متعین نذر کا کفارہ وہی ہے جو قسم کا کفارہ ہے“ ۱؎۔ [سنن ترمذي/كتاب النذور والأيمان/حدیث: 1528]

اردو حاشہ:
وضاحت:
1؎:
یعنی جس نے کوئی نذر مانی اور اس کا نام نہیں لیا یعنی صرف اتنا کہاکہ اگر میری مراد پوری ہوجائے تومجھ پرنذرہے تو اس کا کفار ہ قسم کا کفارہ ہے۔

نوٹ:
(لیکن 'لم یسم' کا لفظ صحیح نہیں ہے،
اور یہ مؤلف کے سوا کسی کے یہاں ہے بھی نہیں (جبکہ ابوداود نے اسی کا لحاظ رکھ کر ”من نذرنذراً لم یسم“ کا باب باندھاہے) یہ مؤلف کے راوی ”محمد مولیٰ المغیرہ“ کا اضافہ ہے جو خود مجہول راوی ہیں،
یہ دیگرکی سندوں میں نہیں ہیں)

سنن ترمذي مجلس علمي دار الدعوة، نئى دهلى، حدیث/صفحہ نمبر: 1528

4250 4251 425242534254 4255 4256

https://islamicurdubooks.com/ 2005-2024 islamicurdubooks@gmail.com No Copyright Notice.
Please feel free to download and use them as you would like.
Acknowledgement / a link to https://islamicurdubooks.com will be appreciated.