خرید و فروخت کے مسائل
ख़रीदने और बेचने के नियम
15. باب المساقاة والإجارة
15. آبپاشی اور زمین کو ٹھیکہ پر دینے کا بیان
१५. “ सिंचाई और ज़मीन को ठेके पर देना ”
حدیث نمبر: 768 |
|
سیدنا حنظلہ بن قیس رضی اللہ عنہ سے روایت ہے کہ میں نے رافع بن خدیج رضی اللہ عنہ سے پوچھا کہ سونے اور چاندی کے عوض زمین ٹھیکے پر دینا کیسا ہے؟ انہوں نے جواب دیا کہ اس میں کوئی مضائقہ نہیں اس لئے کہ رسول اللہ صلی اللہ علیہ وسلم کے زمانہ میں لوگ اپنی زمین اس شرط پر دیا کرتے تھے کہ جو کچھ پانی کی نالیوں اور پانی کے بہاؤ میں پیدا ہو گا اور کچھ حصہ باقی کھیتی کا وہ تو میں لوں گا۔ پھر کبھی ایسا ہوتا یہ حصہ تباہ و برباد ہو جاتا اور کبھی ایسا ہوتا کہ اس حصہ میں کچھ پیداوار ہی نہ ہوتی اور لوگوں کو ٹھیکہ اسی صورت میں حاصل ہوتا تھا۔ اسی لئے نبی کریم صلی اللہ علیہ وسلم نے اس سے منع فرمایا تھا۔ پس اگر کوئی چیز مقرر ہو تو اس میں کوئی حرج نہیں۔ (مسلم) اور اس میں اس کا بھی بیان ہے جسے بخاری و مسلم نے مجمل بیان کیا ہے کہ زمین ٹھیکے پر نہ دیا کرو۔
تخریج الحدیث: «أخرجه مسلم، البيوع، باب كراء الأرض بالذهب والورق، حديث:1547.»
حكم دارالسلام: صحيح
بلوغ المرام کی حدیث نمبر 768 کے فوائد و مسائل
علامه صفي الرحمن مبارك پوري رحمه الله، فوائد و مسائل، تحت الحديث بلوغ المرام 768
تخریج:
«أخرجه مسلم، البيوع، باب كراء الأرض بالذهب والورق، حديث:1547.» تشریح:
یہ حدیث مساقات و مزارعت کی جس صورت کو ممنوع قرار دے رہی ہے وہ نامعلوم پیداوار اور اس کی مقدار ہے۔
لوگ فاسد شرطیں طے کیا کرتے تھے۔
ان سے منع کیا گیا ہے۔
بسا اوقات ایسا ہوتا تھا کہ ندیوں‘ نالوں اور پگڈنڈیوں کے گرد ہونے والی پیداوار سالم رہ جاتی اور باقی ساری فصل برباد ہو جاتی اور مزاع کو کچھ بھی حاصل نہ ہوتا۔
اس صورت میں دھوکا و فریب اور سخت خطرہ پایا جاتا ہے‘ اس لیے اس سے منع کیا گیا ہے۔
راویٔ حدیث:
«حضرت حنظلہ رحمہ اللہ» بن قیس بن عمرو زُرَقی انصاری۔
اہل مدینہ کے ثقہ تابعی ہیں۔
ایک قول کے مطابق انھیں شرف رؤیت نبوی حاصل ہے۔
«أخرجه مسلم، البيوع، باب كراء الأرض بالذهب والورق، حديث:1547.»
یہ حدیث مساقات و مزارعت کی جس صورت کو ممنوع قرار دے رہی ہے وہ نامعلوم پیداوار اور اس کی مقدار ہے۔
لوگ فاسد شرطیں طے کیا کرتے تھے۔
ان سے منع کیا گیا ہے۔
بسا اوقات ایسا ہوتا تھا کہ ندیوں‘ نالوں اور پگڈنڈیوں کے گرد ہونے والی پیداوار سالم رہ جاتی اور باقی ساری فصل برباد ہو جاتی اور مزاع کو کچھ بھی حاصل نہ ہوتا۔
اس صورت میں دھوکا و فریب اور سخت خطرہ پایا جاتا ہے‘ اس لیے اس سے منع کیا گیا ہے۔
«حضرت حنظلہ رحمہ اللہ» بن قیس بن عمرو زُرَقی انصاری۔
اہل مدینہ کے ثقہ تابعی ہیں۔
ایک قول کے مطابق انھیں شرف رؤیت نبوی حاصل ہے۔
بلوغ المرام شرح از صفی الرحمن مبارکپوری، حدیث/صفحہ نمبر: 768
