کتاب صحيح البخاري تفصیلات
کتاب: اذان کے مسائل کے بیان میں («صفة الصلوة»)
91. بَابُ رَفْعِ الْبَصَرِ إِلَى الإِمَامِ فِي الصَّلاَةِ:
91. باب: نماز میں امام کی طرف دیکھنا۔
حدیث نمبر: 748 |
|
ہم سے اسماعیل نے بیان کیا، انہوں نے کہا کہ مجھے امام مالک نے زید بن اسلم سے بیان کیا، انہوں نے عطاء بن یسار سے، انہوں نے عبداللہ بن عباس رضی اللہ عنہما سے، انہوں نے فرمایا کہ نبی کریم صلی اللہ علیہ وسلم کے عہد میں سورج گہن ہوا تو آپ صلی اللہ علیہ وسلم نے گہن کی نماز پڑھی۔ لوگوں نے پوچھا کہ یا رسول اللہ! ہم نے دیکھا کہ (نماز میں) آپ صلی اللہ علیہ وسلم اپنی جگہ سے کچھ لینے کو آگے بڑھے تھے پھر ہم نے دیکھا کہ کچھ پیچھے ہٹے۔ آپ صلی اللہ علیہ وسلم نے فرمایا کہ میں نے جنت دیکھی تو اس میں سے ایک خوشہ لینا چاہا اور اگر میں لے لیتا تو اس وقت تک تم اسے کھاتے رہتے جب تک دنیا موجود ہے۔
تخریج الحدیث: «أحاديث صحيح البخاريّ كلّها صحيحة»
حكم: أحاديث صحيح البخاريّ كلّها صحيحة
| ● صحيح البخاري | 748 | عبد الله بن عباس | أريت الجنة فتناولت منها عنقودا ولو أخذته لأكلتم منه ما بقيت الدنيا |
صحیح بخاری کی حدیث نمبر 748 کے فوائد و مسائل
مولانا داود راز رحمه الله، فوائد و مسائل، تحت الحديث صحيح بخاري: 748
حدیث حاشیہ:
وہ کبھی فنا نہ ہوتا کیونکہ بہشت کو خلود ہے۔
ترجمہ باب اس قول سے نکلتا ہے کہ ہم نے آپ کو دیکھا۔
وہ کبھی فنا نہ ہوتا کیونکہ بہشت کو خلود ہے۔
ترجمہ باب اس قول سے نکلتا ہے کہ ہم نے آپ کو دیکھا۔
صحیح بخاری شرح از مولانا داود راز، حدیث/صفحہ نمبر: 748
