حدیث حاشیہ:
اسی لیے ثرید کھانا بھی گویا بہترین کھانا کھانا ہے جو آج مسلمانوں میں مرغوب ہے۔
خصوصاً محبان رسول صلی اللہ علیہ وسلم میں آج بھی ثرید بنا کر کھانا مرغوب ہے۔

حدیث حاشیہ:
(1)
اس میں ثرید کی فضیلت بیان ہوئی ہے۔
رسول اللہ صلی اللہ علیہ وسلم اس کھانے کو بہت پسند کرتے تھے۔
گوشت کے شوربے میں روٹی کے ٹکڑے بھگو دیے جاتے ہیں۔
جب یہ نرم ہو جائیں تو انہیں کھایا جاتا ہے۔
یہ کھانا انتہائی مزیدار اور زود ہضم ہوتا ہے۔
(2)
اس سے معلوم ہوا کہ مزیدار کھانے میں کوئی حرج نہیں یہ ضروری نہیں کہ اسے کسی چیز سے بد مزہ کر کے استعمال کیا جائے۔
واللہ أعلم

اردو حاشہ:
فوائد و مسائل:
(1)
انسانوں میں کمال کا سب سے مقام بلند مقام نبوت کا ہے جو عورتوں کو حاصل نہیں ہوا۔
اللہ تعالیٰ نے فرمایا:
﴿وَما أَر‌سَلنا مِن قَبلِكَ إِلّا رِ‌جالًا﴾  (یوسف 12: 109)
”(اے نبی!)
ہم نے آپ سے پہلے صرف مرد ہی (رسول بناکر)
بھیجے ہیں“۔
اس لیے حدیث میں وہ کمال مراد ہے جوصرف وہبی نہیں بلکہ اس میں کسب کا بھی حصہ ہے یعنی صدیقیت کا مقام۔
گزشتہ امتوں کی عورتوں میں صدیقیت کا اعلیٰ ترین مقام حضرت مريم ؑاور حضرت آسیہ ؓ کو حاصل ہوا۔
امت محمدیہ میں یہ مقام حضرت عائشہ رضی اللہ عنہ کو حاصل ہوا۔

(2)
ثرید روٹی کے چھوٹے چھوٹےٹکڑے کرکے شوربے میں بھگو کر بنایا ہوا ایک قسم کا کھانا ہے۔
اس دور کے ماحول میں یہ بہترین کھانا تھا جو غذائیت کے لحاظ سے بھی بہترین ہے اور لذت کے لحاظ سے بھی اس کے علاوہ آسانی سے تیار ہو جاتا ہے جلدی ہضم ہوتا ہے اور بہت سے فوائد کا حامل ہے۔

اردو حاشہ:
وضاحت:
1؎:
ان عورتوں میں سے مریم،
خدیجہ اور فاطمہ مستثنیٰ ہیں،
جیساکہ دوسری روایات سے ثابت ہوتا ہے۔

حدیث حاشیہ:
1۔
ثرید میں ایک لطافت ظاہری یہ ہے کہ وہ لذیذ اور زودہضم ہے اور اسے چبانے میں آسانی ہوتی ہے اورباطنی لطافت یہ ہے کہ اس سے صالح خون پیدا ہوتا ہے جومردانہ قوت کا باعث ہے۔
اس طرح حضرت عائشہ ؓ کی ظاہری برتری یہ ہے کہ ان کی زبان پر فصاحت وبلاغت اور بیان میں روانی تھی۔
اور باطنی فضیلت یہ ہے کہ فقہیہ اور صاحب بصیرت تھیں۔
عربوں میں جو کھانے تھے ان میں ثرید زیادہ مرغوب اور پسندیدہ تھا۔
2۔
اس تشبیہ سے معلوم ہوتا ہے کہ حضرت عائشہ ؓ میں حسن خلق،حلاوتِ نطق،زبان کی فصاحت،جودتِ طبع،رائے کی پختگی اور عقل میں سنجیدگی بدرجہ اتم موجود تھیں۔
سب سے بڑھ کر یہ کہ رسول اللہ ﷺ سے انھیں بہت محبت تھی اور رسول اللہ ﷺ کے ہاں بھی ان کی بہت چاہت تھی۔
سب سے بڑی بات یہ ہے کہ دین کے ایک تہائی مسائل ان سے مروی ہیں۔
یہ اعزاز کسی دوسرے کو حاصل نہیں ہوا۔

حدیث حاشیہ:
ثرید ایک بہترین کھانا، جلدی ہضم ہونے والا اور مقوی غذا ہے۔
اس حدیث سے اس کی برتری کا پتا چلتا ہے جیسا کہ سیدہ عائشہ رضی اللہ عنہا کے اونچے مقام و مرتبے کی نشاندہی ہوتی ہے۔
اس کی تشریح پہلے کتاب المناقب میں گزر چکی ہے۔