حدیث حاشیہ:
حضرت عبداللہ بن مسعود ؓ اور ان کی والدہ ماجدہ،رسول اللہ ﷺ کے پاس بکثرت آیا جایاکرتے تھے۔
اس لیے حضرت ابوموسیٰ اشعری ؓ نے خیال کیا کہ شاید یہ حضرات رسول اللہ ﷺ کے اہل خانہ سے ہیں۔
اس میں حضرت عبداللہ بن مسعود ؓ کی بہت بڑی فضیلت ہے۔
ایک روایت میں ہے کہ حضرت عبداللہ بن مسعود ؓ رسول اللہ ﷺ کے ساتھ رہا کرتے تھے۔
(صحیح البخاري، المناقب، حدیث: 4384)
حافظ ابن حجر ؒ کہتے ہیں کہ حضرت عبداللہ بن مسعود ؓ کی رسول اللہ ﷺ سے مصاحبت اور اس پر دوام ان کی فضیلت اور برتری پر دلالت کرتا ہے۔
(فتح الباري: 131/7)
وھوالمقصود۔