الشيخ حافط عبدالستار الحماد حفظ الله، فوائد و مسائل، تحت الحديث صحيح بخاري:1705
حدیث حاشیہ:
(1)
عهن رنگین اون کو کہتے ہیں۔
(2)
بعض لوگوں کا خیال ہے کہ قربانی کے ہار وغیرہ زمینی پیداوار کپاس اور اس قسم کی دیگر اشیاء سے تیار کیے جائیں جیسا کہ حضرت ربیعہ اور امام مالک سے منقول ہے۔
امام بخاری ؒ نے ان کی تردید فرمائی کہ قربانیوں کے ہار اون اور پشم وغیرہ سے بنائے جا سکتے ہیں۔
یہ ہار بطور تعظیم اور علامت کے ہوتے ہیں تاکہ راستے میں لوگ ان سے تعرض نہ کریں۔
(فتح الباري: 692/3)
کیونکہ اللہ تعالیٰ نے قلادہ پہنے ہوئے جانوروں کو قیام امن کا ذریعہ بنایا ہے اور ان کی عزت و احترام کا ہمیں حکم دیا ہے۔
هداية القاري شرح صحيح بخاري، اردو، حدیث/صفحہ نمبر: 1705