Hum se Musaddad bin Musarhad ne bayan kiya, unhon ne kaha ke hum se Yahya bin Sa’eed Qattan ne bayan kiya, un se Ubaidullah Umari ne bayan kiya, unhon ne kaha ke mujhe Nafe’ ne Abdullah bin Umar Radhiallahu Anhuma se khabar di, unhon ne kaha ke main ne Nabi-e-Kareem Sallallahu Alaihi Wasallam ke saath Zohr se pehle do rak’at sunnat, Zohr ke baad do rak’at sunnat, Maghrib ke baad do rak’at sunnat, ’Isha ke baad do rak’at sunnat aur Juma’ ke baad do rak’at sunnat padhi hain aur Maghrib aur ’Isha ki sunnatein Aap ghar mein padhte the. Abuz Zinaad ne Musa bin Uqbah ke waaste se bayan kiya aur un se Nafe’ ne ke ’Isha ke baad apne ghar mein (sunnat padhte the) un ki riwayat ki Mutaba’at Katheer bin Farqad aur Ayyub ne Nafe’ ke waaste se ki hai.