| حَدِيثُ ابْنِ مِرْبَعٍ الْأَنْصَارِيِّ رَضِيَ اللَّهُ عَنْهُ سیدنا ابن مربع انصاری رضی اللہ عنہ سے منقول روایات حدیث نمبر 587
587- سیدنا یزید بن شیبان رضی اللہ عنہ بیان کرتے ہیں۔ سیدنا ابن مربع انصاری رضی اللہ عنہ ہمارے پاس تشریف لائے ہم اس وقت عرفہ میں ایسی جگہ وقوف کیے ہوئے تھے، جو نبی اکرم صلی اللہ علیہ وسلم کے وقوف کی جگہ سے دور تھی انہوں نے بتایا: میں اللہ کے رسول صلی اللہ علیہ وسلم کی طرف سے پیغام رساں کے طور پر تمہارے پاس آیا ہوں۔ آپ صلی اللہ علیہ وسلم نے یہ ارشاد فرمایا ہے: ”تم اپنے اسی مقام تک رہنا کیونکہ تم حضرت ابراہیم علیہ السلام کی وراثت کے وارث ہو۔“
امام حمیدی رحمہ اللہ کہتے ہیں: سفیان نامی راوی بعض اوقات یہ کہا کرتے تھے، کہ تم ان الفاظ کو یاد رکھو اور بعض اوقات یہ کہتے تھے: تم اپنے جد امجد سیدنا ابراہیم علیہ السلام کے وارث ہو۔ تخریج الحدیث: «إسناده صحيح وأخرجه ابن خزيمة فى «صحيحه» برقم: 2818، 2819، والحاكم فى «مستدركه» برقم: 1705، والنسائي فى «المجتبیٰ» برقم: 3014، والنسائي فى «الكبریٰ» برقم: 3996، وأبو داود فى «سننه» برقم: 1919، والترمذي فى «جامعه» برقم: 883، وابن ماجه فى «سننه» برقم: 3011، والبيهقي فى «سننه الكبير» برقم: 9558، 9559، وأحمد فى «مسنده» ، برقم: 17506»
 |