(آیت46)اُدْخُلُوْهَا بِسَلٰمٍ …: یعنی انھیں یہ کہا جائے گا۔ ” بِسَلٰمٍ “ یعنی ہر قسم کے آفات و مصائب سے سلامتی کے ساتھ، ایک دوسرے کو سلام کہتے ہوئے، فرشتوں کے سلام سنتے ہوئے اور پروردگار عالم کے ” سَلٰمٌ قَوْلًا مِّنْ رَّبٍّ رَّحِيْمٍ “ کے ساتھ۔ (دیکھیے یٰسٓ: ۵۸) اسی لیے جنت کا ایک نام ”دار السلام“ بھی ہے، فرمایا: « لَهُمْ دَارُ السَّلٰمِ عِنْدَ رَبِّهِمْ » [ الأنعام: ۱۲۷ ] ” اٰمِنِيْنَ “ ہر خوف خطرے سے محفوظ۔