فقہ الحدیث
امام محمد بن یحییٰ الذھلی کا اعلان
سیدنا ابوحمید الساعدی رضی اللہ عنہ کی مجلس صحابہ میں بیان کردہ حدیث «فليح بن سليمان: حدثني العباس بن سهل الساعدي» کی سند سے بھی مروی ہے۔ [سنن ابن ماجه: 863 و سنده حسن، فليح بن سليمان من رجال الصحيحين و وثقة الجمهور]
اس حدیث میں شروع نماز، رکوع سے پہلے اور رکوع کے بعد تینوں مقامات پر رفع یدین کا اثبات ہے۔
اس حدیث کے بارے میں امام بخاری رحمه الله اور بے شمار محدثین کے استاد امام محمد بن یحییٰ (الذهلي، م 258 ھ) فرماتے ہیں کہ:
«من سمع هذا الحديث، ثم لم يرفع يديه۔ يعني إذا ركع و إذا رفع رأسه من الركوع۔ فصلاته ناقصة»
جو شخص یہ حدیث سن لے پھر بھی رکوع سے پہلے اور رکوع کے بعد رفع یدین نہ کرے تو اس کی نماز ناقص (یعنی باطل) ہے۔ [صحيح ابن خزيمه ج 1 ص 298 ح 589 و سنده صحيح]
↰ یاد رہے کہ امام ذھلی کا یہ قول کسی حدیث یا آثار سلف صالحین کے خلاف نہیں ہے۔
 حافظ زبیر علی زئی رحمہ اللہ کا یہ مکمل مضمون ”طریقہ نماز سے متعلق مشہور حدیثِ ابو حمید الساعدی، سند کی تحقیق اور شبہات کا ازالہ“ پڑھنے کے لیے یہاں کلک کیجئے۔

اردو حاشہ:
فائدہ:
رکوع سے اٹھ کر بالکل سیدھا کھڑا ہونا ضروری ہے۔
پوری طرح کھڑا ہوئے بغیر جلدی سے سجدہ میں چلے جانا خلاف سنت ہے۔
ہر ہڈی کے اپنی جگہ پہنچ جانے کا یہی مطلب ہے۔

فوائد و مسائل:
اتنا واضح رہے کہ جو احادیث حضرات حنفیہ ترک التورک کے متعلق پیش کرتے ہیں وہ سب کی سب مبہم ہیں اور مفصل نہیں ہیں اور یہ حدیث بالکل مفصل ہے۔ اس لئے قابل عمل بھی یہی رہی۔

چنانچہ مولانا عبدالحیی لکھنوی تعلیق الممجد میں مفصل اور مبہم دونوں دلیلیں لانے کے بعد بطور فیصلہ اور محاکمہ یوں فرماتے ہیں:
«والانصاف انه لا يوجد حديث يدل صريحاً على استنان الجلوس على الرجل اليسرى فى القعدة الأخيرة» [تعليق الممجد:113]
”انصاف کی بات یہ ہے کہ کوئی حدیث شریف ایسی نہیں پائی جاتی جس سے صراحتہ آخری قعدہ میں بائیں پاؤں پر بیٹھنا (جیسے حنفیہ کہتے ہیں) ثابت ہو اور ابوسعید والی حدیث شریف (جو کہ اوپر ذکر ہوئی) بلکل مفصل ہے تو مبہم کو مفصل پر محمول کیا جائے۔ یعنی ابوحمید والی حدیث پر عمل کیا جائے۔“

� تبصرہ:
اولاً: اس کی سند میں عیسی بن عبداللہ راوی ہے، اس کے متعلق:
امام علی بن مدینی فرماتے ہیں کہ مجہول ہے۔ [تهذيب: ص 218 ج8]
اسی وجہ سے علامہ البانی نے اس پر ضعیف کا حکم لگایا ہے۔ [ضعيف ابوداؤد: ص70]
ثانیاً: اسی روایت سیدنا ابوحمید ساعدی میں جلسہ استراحت کا ذکر ہے، اور یہ مسلمہ اصول کی ثبوت نفی پر مقدم ہوتا ہے۔

فقہ الحدیث
◈ اس حدیث کو امام ترمذی رحمہ اللہ نے ”حسن صحیح“ کہا ہے۔
◈ امام ابن خزیمہ [587] امام ابن الجارود [192]، امام ابن حبان [1865]، نے اس حدیث کو ”صحیح“ قرار دیا ہے۔
◈ حافظ خطابی [معالم السنن: 194/1] نے اس حدیث کو ”صحیح“ قرار دیا ہے۔
◈ حافظ نووی رحمہ اللہ نے بھی اس کو ”صحیح“ کہا ہے۔ [خلاصة الا حكام: 353]
◈ حافظ ابن قّیم الجوزیہ رحمہ اللہ لکھتے ہیں:
«حديث أبى حميد هذا حديث صحيح متلقّي بالقبول، لا علّة له، وقد أعله قوم بما برأه الله أئمة الحديث منه، ونحن نذكر ما علّلوا به، ثمّ نبيّن فساد تعليلهم وبطلانه بعون الله . . . .»
یہ حدیث صحیح ہے، اسے امت نے صحت و عمل کے لحاظ سے قبول کیا ہے، اس میں کوئی علت نہیں، ہاں! اسے ایک قوم (احناف) نے ایسی علت کے ساتھ معلول کہا ہے، جس سے اللہ تعالیٰ نے ائمہ حدیث کو بری کر دیا ہے، ہم ان کی بیان کردہ علتوں کو ذکر کریں گے، پھر اللہ تعالیٰ کی توفیق اور مدد سے ان کا فاسد و باطل ہونا بیان کریں گے۔“ [تهذيب السنن لا بن القيم: 416/2]
◈ امام محمد بن یحییٰ الذہلی ابوعبداللہ النیسابوری رحمہ اللہ (258ھ) فرماتے ہیں:
”جو آدمی یہ حدیث سن لے اور پھر رکوع سے پہلے سر اٹھانے کے بعد رفع الیدین نہ کرے، اس کی نماز ناقص ہے۔“ [صحيح ابن خزيمة: 298/1، وسنده صحيح] 9

فقہ الحدیث
ایک اھم نکتہ
صحیح سند سے ثابت ہے کہ سیدنا ابوہریرہ رضی اللہ عنہ شروع نماز، رکوع سے پہلے اور رکوع کے بعد رفع یدین کرتے تھے۔ [جزء رفع الیدین للبخاری: 22 و سندہ صحیح]
اور یہ بھی صحیح ثابت ہے کہ سیدنا ابوہریرہ رضی اللہ عنہ فرماتے تھے کہ رسول اللہ صلی اللہ علیہ وسلم شروع نماز، رکوع سے پہلے، رکوع کے بعد اور دو رکعتوں سے اٹھ کر رفع یدین کرتے تھے۔ [صحيح ابن خزيمه ج 1ص 344، 345 ح 694، 695 وسنده صحيح، وقال الحافظ ابن حجر فى كتابه موافقة الخبر الخبر 409، 410/1 هذا حديث صحيح]
↰ ابن جریح نے سماع کی تصریح کر دی ہے اور یحییٰ بن ایوب الغافقی پر جرح مردود ہے، وہ جمہور کے نزدیک ثقہ وصدوق راوی ہیں اور عثمان بن الحکم نے ان کی متابعت کر دی ہے۔ اس روایت میں یہ اضافہ بھی ہے کہ «ولا يفعله حين يرفع رأسه من السجود» ”یعنی آپ صلی اللہ علیہ وسلم سجدے سے سر اٹھاتے وقت رفع یدین نہیں کرتے تھے۔“
صحیح بخاری میں سیدنا ابوہریرہ رضی اللہ عنہ کی نماز کا مفصل ذکر موجود ہے مگر اس میں شروع نماز، رکوع سے پہلے، رکوع کے بعد اور رکعتیں (دو رکعتوں) کے بعد کسی رفع یدین کا ذکر موجود نہیں ہے۔ اس حدیث کے آخر میں لکھا ہوا ہے کہ سیدنا ابوہریرہ رضی اللہ عنہ اپنی نماز کے بارے میں فرماتے: «إن كانت هذه لصلاته حتي فارق الدنيا» آپ صلی اللہ علیہ وسلم کی یہی نماز تھی حتی کہ آپ صلی اللہ علیہ وسلم دنیا سے چلے گئے۔ [صحيح بخاري مع فتح الباري ج 2 ص 290 ح 803]
↰ اس روایت سے معلوم ہوا کہ سیدنا ابوہریرہ رضی اللہ عنہ وہی نماز پڑھتے تھے جو کہ نبی اکرم صلی اللہ علیہ وسلم کی آخری نما ز تھی۔ اب چونکہ آپ صلی اللہ علیہ وسلم کی وفات کے بعد سیدنا ابوہریرہ رضی اللہ عنہ سے موقوفا و مرفوعا دونوں طرح شروع نماز، رکوع سے پہلے اور رکوع کے بعد رفع یدین ثابت ہے لہذا اس سے خودبخود ثابت ہو گیا کہ آپ صلی اللہ علیہ وسلم وفات تک رفع یدین کرتے تھے۔ جس شخص کو اس سے اختلاف ہے تو اسے چاہئے کہ وہ سیدنا ابوہریرہ رضی اللہ عنہ سے باسند صحیح یا حسن ترک رفع یدین کا ثبوت پیش کرے۔ اس استدلال کے بعد «التحقیق الراسخ فی أن أحادیث رفع الیدین لیس لھانا سخ» پڑھنے کا اتفاق ہوا تو بڑی خوشی ہوئی کہ ہمارے استادوں کے استاد (شیخ الشیوخ) حافظ محمد گوندلوی رحمه الله نے بھی یہی استدلال کر کے آپ صلی اللہ علیہ وسلم کی وفات تک رفع یدین ثابت کیا ہے۔ دیکھئے التحقیق الراسخ [ص 90، 91 نویں حدیث] «والحمدلله»
↰ تو عرض ہے کہ یہ روایت دو وجہ سے ضعیف ہے۔
⟐ اسماعیل بن عیاش کی غیر شامیین و حجازیین سے روایت ضعیف ہوتی ہے۔ دیکھئے سنن الترمذی [باب ماجاء فی الجنب والحائض ح 131] وتہذیب الکمال [214/2۔ 217]
⟐ اسماعیل بن عیاش مدلس ہیں۔ [طبقات المدلسین 3/68، المرتبۃ الثالثہ] اور یہ روایت عن سے ہے۔
↰ اس ضعیف سند سے استدلال مردود ہے۔ شیخ البانی رحمه الله کو بڑا وہم ہوا ہے، انہوں نے بغیر کسی دلیل کے اسے ”صحیح“ قرار دیا ہے۔ «انا لله وانا اليه راجعون»

فقہ الحدیث
نام نھاد اضطراب کا دعویٰ ↰ ان لوگوں کی بیان کردہ ”اضطرابی“ اسانید اور ان پر تبصرہ درج ذیل ہے۔ ↰ اس کا راوی عیسی بن عبداللہ بن مالک مجہول الحال ہے، اسے سوائے ابن حبان کے کسی نے ثقہ نہیں کہا، لہٰذا یہ سند ضعیف ہے، محمد بن عمرو بن عطاء سے ثابت ہی نہیں ہے۔ شیخ البانی رحمه الله نے بھی اس روایت کو ”ضعیف“ ہی قرار دیا ہے۔ [سنن ابي داؤد ص 118 ح 733]

سیدنا ابوحمید الساعدی رضی اللہ عنہ کی طرف منسو ب ایک روایت میں آیا ہے:
«ثم كبر فسجد، ثم كبر فقام ولم يتورك»
پھر آپ صلی اللہ علیہ وسلم نے تکبیر کہی اور سجدہ کیا، پھر سجدہ سے تکبیر کہہ کر کھڑے ہو گئے اور تورک نہیں کیا۔ [سنن ابي داود: 733]
اس روایت کی سند عیسیٰ بن عبداللہ بن مالک (مجہول الحال) کی وجہ سے ضعیف ہے۔ ظہور احمد نے تحریف کر کے اس روایت میں «ولم يتورك» اور تورک نہیں کیا۔
کا ترجمہ: ”بیٹھے نہیں“ کر دیا ہے۔ دیکھئے: [چهل حديث ص80]
یہ بہت بڑی خیانت ہے۔
۔۔۔ اصل مضمون دیکھیں۔۔۔
فتاویٰ علمیہ (توضیح الاحکام) ج2 ص77

تشہد اول میں تورک
تشہد (اول میں یہ ثابت ہے کہ رسول اللہ صلی اللہ علیہ وسلم اپنا بایاں پاؤں بچھاتے اور دایاں پاؤں کھڑا رکھتے تھے۔ مثلاًً دیکھئے: [صحيح مسلم 1045]
اس کو قعدۂ اولیٰ کے ساتھ خاص کرنے کی دلیل وہ صحیح حدیث ہے، جس میں آیا ہے کہ رسول اللہ صلی اللہ علیہ وسلم آخری رکعت کے تشہد میں تورک کرتے تھے۔ دیکھئے: [صحيح بخاري 828]
مرد ہو یا عورت سب کے لئے یہی طریقہ ہے کہ تشہد اول میں تورک نہ کریں اور آخری تشہد میں تورک کریں۔
کسی صحیح حدیث سے یہ ثابت نہیں ہے کہ عورتیں پہلے تشہد میں تورک کریں گی۔ جامع المسانید للخوارزمی [400/1] اور مسند الحصکفی (!!) کی جس روایت میں آیا ہے:
عورتیں چار زانو بیٹھا کرتی تھیں، پھر انہیں حکم دیا گیا کہ وہ سرین کے بل بیٹھیں۔ مثلاًً دیکھئے: [چهل حديث ص83]
اس روایت کی سند کئی وجہ سے موضوع ہے:
اول: اس کا پہلا راوی ابومحمد عبداللہ بن محمد بن یعقو ب البخاری الحارثی کذاب ہے۔
دیکھئے: میزان الاعتدال [ج1 ص496] اور کتاب ال قرأت للبیہقی [ص178 ح388، دوسرانسخه ص154]
دوم: اس کے باقی راوی مثلاًً قبیصہ الطبری اور زر بن نجیح وغیرہما مجہول تھے۔
۔۔۔ اصل مضمون دیکھیں۔۔۔
فتاویٰ علمیہ (توضیح الاحکام) ج2 ص77

فوائد و مسائل:
تارکین رفع الیدین صحیح بخاری سے نقل کرتے ہیں اور کہتے ہیں کہ اس میں رکوع والے رفع الیدین کے ترک کی دلیل ہے:
اس حدیث سے بھی رکوع والے رفع الیدین کے ترک پر استدلال درست نہیں ہے، کیونکہ اس حدیث میں نماز کے تمام طریقوں کا ذکرنہیں ہے تو کیا نماز کی جن جن چیزوں کا ذکر اس حدیث میں نہیں ہے انہیں متروک مان لیاجائے؟
صرف ایک چیز کی وضاحت کرتا ہوں بخاری کی اس حدیث میں جس طرح صرف تکبیر تحریمہ والے رفع الیدین کا ذکر ہے ٹھیک اسی طرح سے اس حدیث میں صرف تکبیرتحریمہ والی تکبیرہی کا ذکر بھی ہے۔
میں نے حدیث کے متن کے اندر چار مقامات پر بالترتیب نمبر ڈالے ہیں ان چاروں میں سے صرف پہلے مقام تکبیر کا ذکر ہے اوربقیہ مقامات پر جس طرح رفع الیدین کا ذکر نہیں ہے اسی طرح تکبیر کا یا اس کے قائم مقام تسمیع کا بھی ذکر نہیں ہے۔
تو کیا یہ کہہ دیا جائے کہ بقیہ رفع الیدین کے ساتھ بقیہ تکبیرات بھی متروک ہو گئی ہیں؟

یاد رہے کہ بخاری کی یہی حدیث ابوداؤد میں موجود ہے اور اس میں دیگر رفع الیدین کا بھی ذکر ہے اور دیگر تکبیرات کا بھی ذکر ہے ملاحظہ ہو:

اس حدیث میں بھی ہم نے متن کے اندر چار مقامات پر بالترتیب نمبر ڈالے ہیں ان چاروں میں پہلے مقام کی طرح رفع الیدین کا بھی ذکر ہے اور تکبیر یا تسمیع کا بھی ذکرہے، تکبیر کے ذکر والے الفاظ کو ہم نے لال رنگ سے ملون و مخطوط کیا ہے اوررفع الیدین کے ذکر والے الفاظ کو نیلے رنگ سے ملون کیا ہے۔

معلوم ہوا کہ اس صحیح حدیث میں بھی تکبیر تحریمہ کے علاوہ والے رفع الیدین کے ترک کی دلیل نہیں ہے، اور اگر اس جیسی احادیث میں واقعی ترک کی دلیل ہے تو لیجئے ہم اسی جیسی ایک ایسی صحیح حدیث پیش کرتے ہیں جس میں تکبیر تحریمہ والے رفع الیدین کے ترک کی دلیل بھی موجود ہے ملاحظہ ہو:
صحیح بخاری میں ہے:
غور فرمائیں اس صحیح حدیث میں تکبیر تحریمہ والے رفع الیدین کا بھی ذکرنہیں ہے تو کیا آپ کے اصول کے مطابق تکبیر تحریمہ والے رفع الیدین کے ترک پر صحیح حدیث ہے یا نہیں؟
لطف تو یہ ہے کہ آپ کے اصول کے مطابق تکبیر تحریمہ والے رفع الیدین کے ترک پر دلالت کرنے والی اس حدیث میں یہ صراحت بھی ہے کہ آپ صلی اللہ علیہ وسلم کا یہ عمل تاحیات تھا اس حدیث کے اخیر میں دیکھیں آپ کو یہ الفاظ نظر آئیں گے:
«إِنْ كَانَتْ هَذِهِ لَصَلاَتَهُ حَتَّى فَارَقَ الدُّنْيَا»
کیا خیال ہے تکبیر تحریمہ والے رفع الیدین کے ترک پر آپ کے اصول کے مطابق یہ کیسی زبردست دلیل ہے جس میں تاحیات اور آخری وقت کی بھی صراحت ہے۔
سنن ابواؤد کے جس راوی پر معترض نے جروح نقل کئے ہیں وہ معمولی جروح ہیں ان سے راوی ضعیف ثابت نہیں ہوتا جبکہ دیگر بہت سارے محدثین نے اس کی توثیق بھی کی ہے اس بابت تفصیل کسی اوروقت پیش کر دی جائے گی۔

731۔ اردو حاشیہ:
➊ شیخ البانی رحمہ اللہ نے لکھا ہے کہ جملہ «ولا صافع بخدّه» رخسار کو ادھر ادھر نہ موڑا ہوتا۔“ ضعیف ہے۔
➋ رکوع میں گھٹنے پر ہاتھ رکھنا کافی نہیں بلکہ انگلیاں پھیلا کر گھٹنے کو پکڑنا مسنون ہے۔

732۔ اردو حاشیہ:
صحیح بخاری کی روایت میں ہے کہ پاؤں کی نگلیوں کا رخ قبلے کی طرف ہوتا۔ [صحيح بخاري، حديث: 828]

733۔ اردو حاشیہ:
حافظ ابن حجر رحمہ اللہ نے عبدالحمید بن جعفر کی سابقہ روایت [730] کو راجح کہا ہے۔

734۔ اردو حاشیہ:
رکوع میں گھٹنوں کو انگلیاں کھول کر پکڑنا اور بازؤوں کو رکوع اور سجدہ میں پہلوؤں سے دور رکھنا چاہیے۔ سجدوں میں بیٹھتے ہوئے ہاتھوں اور پاؤں کی انگلیوں کا رخ قبلہ کی طرف ہونا چاہیے۔

736۔ اردو حاشیہ:
زمین سے اٹھنے کی کیفیت کا بیان آگے حدیث: [738، 739] میں آ رہا ہے۔

1040۔ اردو حاشیہ: فائدہ: دیکھیے حدیث نمبر 1029۔

1182۔ اردو حاشیہ: یہ رفع الیدین بھی صحیح احادیث سے ثابت ہے اگرچہ بعض احادیث میں اس کا ذکر نہیں ہے لیکن ہر بات کا ہر حدیث میں ذکر ہونا ضروری نہیں۔ اگر کسی بھی صحیح حدیث میں کسی بات کا ذکر ہو اور وہ واضح روایات کے منافی نہ ہو تو اس پر عمل واجب ہوتا ہے، لہٰذا یہ رفع الیدین بھی سنت ہے، اگرچہ امام شافعی رحمہ اللہ اس کے قائل نہیں۔ اگلی حدیث میں بھی اس رفع الیدین کا اثبات ہے۔ (مزید تفصیل کے لیے ملاحظہ ہو، حدیث: 877 کے فوائد و مسائل)

211لغوی تشریح:
«حَذْوَ مَنْكِبَيْهِ» «اَلْحَذْوَ» کی ”خا“ پر فتحہ اور ”ذال“ ساکن ہے۔ مقابل، برابر۔ دونوں ہاتھوں کو کندھوں کے مقابل (برابر) اٹھاتے۔ «اَلْمَنْكِبْ» ”میم“ پر فتحہ اور ”نون“ ساکن اور”کاف“ کے نیچے کسرہ ہے۔ کندھے اور بازو کی ہڈی کے ملنے کی جگہ۔
«أَمْكَنَ يَدَيْهِ مِنْ رُكْبَتَيْهِ» «رُكْبَتَيْة» پنڈلی اور ران کی ہڈی کے ملنے کی جگہ کو کہتے ہیں۔ «أَمْكَانَ» بمعنی «تمكين» ہے، مضبوطی سے پکڑنا۔ یعنی دونوں ہاتھوں سے دونوں گھٹنوں کو مضبوطی سے پکڑ لیا۔
«هَصَرَ ظَهْرِهِ» اپنی کمر جھکائی‘ پشت نیچے کی۔
«فَقَارٍ» ”فا“ پر فتحہ اور ”قاف“ مخفف ہے۔ پشت کی وہ ہڈی جو اوپر سے نیچے والے جوڑوں کو باہم ملاتی ہے۔
«غَيْرَ مُفْتَرِشٍ» نہ بچھانے والے اپنے بازوؤں کو۔
«وَلَا قَابِضِهِمَا» ‏‏‏‏ اور نہ اپنے ہاتھوں کو اپنے پہلوؤں کی طرف سکیڑنے، سمیٹنے والے۔
«قَدَّمَ رِجْلَهُ اَلْيُسْرَى» «قَدَّمَ» «تقديم» سے ماخوذ ہے جس کے معنی آگے بڑھانا، دراز کرنا۔ یعنی دائیں ران کے نیچے سے بڑھا کر دوسری جانب نکالنا۔
«نَصَبَ» کھڑا رکھنا، قائم کرنا، یعنی آپ نے دایاں پاؤں کھڑا رکھا۔
«وَقَعَدَ عَلَى مَقْعَدَتِهِ» اور بائیں چوتڑ پر بیٹھ گئے۔ اس حالت کو «تورك» کہتے ہیں۔

فوائد و مسائل:
اس حدیث میں نبی صلی اللہ علیہ وسلم کی نماز کی کیفیت بیان کی گئی ہے کہ آپ صلی اللہ علیہ وسلم ارکان نماز کو کس طرح ادا فرماتے تھے۔ لہٰذا اہل ایمان کو اسی طرح نماز ادا کرنے کی حتی الامکان کوشش کرنی چاہیے۔
➋ آپ صلی اللہ علیہ وسلم کا ارشاد گرامی ہے «صَلُّوا كَمَا رَأَيْتُمُونِي أُصَلِّي» ”نماز پڑھو جس طرح تم نے مجھے نماز پڑھتے دیکھا ہے۔“ [صحيح البخاري: كتاب الاذان: باب الاذان للمسافر إذا كانوا جماعة، والإقامة، وكذلك بعرفة وجمع، 631]
ہر مسلمان کو اپنی پوری کوشش کرنی چاہئے کہ نماز اسی طرح آرام، سکون اور اطمینان سے ٹھر ٹھہر کر ادا کرے جس طرح آپ صلی اللہ علیہ وسلم نے عملاً تعلیم دی ہے۔ جلدی جلدی ارکان نماز ادا کر کے نماز کو خراب نہیں کرنا چاہیے۔ تنگ وقت میں جلدی جلدی نماز پڑھنے والے کو کوے ٹھونگوں سے تشبیہ دے کر منافق کی نماز قرار دیا گیا ہے۔ [سنن ابي داود/أبواب تفريع استفتاح الصلاة: 862]
➌ نمازیوں کو بہت فکر کرنی چاہیے کہ کہیں ایسا نہ ہو کہ نمازیں بھی پڑھیں اور حاصل بھی کچھ نہ ہو۔ ایسی نمازوں کا کیا فائدہ ہے۔

راوی حدیث:
ابوحمید الساعدی رضی اللہ عنہ، ابوحمید تصغیر کے ساتھ، ان کا نام عمرو تھا۔ اور یہ بھی کہا گیا ہے کہ ان کا نام منذر بن سعد بن منذر تھا۔ بعض نے مالک انصاری خزرجی مدنی بھی نام بتایا ہے۔ خزرج کے باپ ساعدہ کی طرف منسوب ہونے کی وجہ سے ساعدی کہلائے۔ احد اور اس کے بعد کے غزوات میں شریک ہوئے۔ امیر معاویہ رضی اللہ عنہ کے دور امارت کے آخر میں یا یزید کے شروع دور 61 ہجری میں فوت ہوئے۔

اردو حاشہ:
(1)
نما ز میں قبلے کی طرف منہ کرنا فرض ہے۔
اللہ تعالیٰ نے فرمایا:
﴿فَوَلِّ وَجْهَكَ شَطْرَ الْمَسْجِدِ الْحَرَامِ ۚ وَحَيْثُ مَا كُنتُمْ فَوَلُّوا وُجُوهَكُمْ شَطْرَهُ﴾ (البقرۃ: 144)
 ”(اے نبیﷺ)
اپنا چہرہ مسجد حرام (احترام والی مسجد)
کی طرف پھیر لیجئے۔
اور (اے مومنو!)
تم جہاں بھی ہو۔ (نماز میں)
اپنے چہرے اس کی طرف کیا کرو۔“

(2)
مسجد حرام سے مراد وہ مسجد ہے۔
جس میں خانہ کعبہ واقع ہے۔
اس مسجد کے اندر نماز پڑھتے ہوئے۔
کعبہ شریف کی طرف منہ کرنا ضروری ہے۔
کیونکہ اصل قبلہ وہی ہے۔
رسول اللہﷺ نے کعبہ شریف کے قریب دو رکعت نماز ادا کی۔
پھر فرمایا۔
یہ قبلہ ہے۔ (صحیح البخاری، الصلاۃ، باب قوله تعالی واتخذو من مقام إبراهيم مصليٰ، حدیث: 398)
 بیت اللہ سے دور نماز پڑھتے ہوئے صرف اسی سمت کا اندازہ کرلینا کافی ہے۔
کیونکہ انسان اپنی طاقت کے مطابق ہی حکم کی تعمیل کا مکلف ہے۔
ارشاد ربانی ہے۔
﴿لَا يُكَلِّفُ اللَّـهُ نَفْسًا إِلَّا وُسْعَهَا﴾  (البقرة: 286)
 ”اللہ تعالیٰ کسی پر اس کی طاقت سے زیادہ زمہ داری عائد نہیں فرماتا۔“

(3)
نفلی نماز سواری پر ادا کرتے ہوئے اگر چہرہ کسی دوسری طرف بھی ہوجائے۔
تو کوئی حرج نہیں۔
نماز درست ہے۔
حضرت عبد اللہ بن عمر رضی اللہ تعالیٰ عنہما نے فرمایا۔
رسول اللہ ﷺ سواری پر نفل نماز ادا کرلیتے تھے۔
خواہ آپ کا چہرہ مبارک کسی طرف ہوتا۔
اور وتر بھی سواری پر پڑھ لیتے تھے۔
البتہ فرض نماز سواری پرادا نہیں کرتے تھے۔ (صحیح البخاری، الوتر، باب الوتر فی السفر، حدیث: 1000)
 وصحیح مسلم، صلاۃ المسافرین، باب جواز الصلاة النافلة علی الدابة فی السفر حیث توجھت، حدیث: 700)
 تاہم آغاز میں سواری کا رخ قبلہ کی طرف کر لیا جائے۔
جیسا کہ ابو داؤد کی روایت میں نبی کریمﷺ کے اس طرح کرنے کی صراحت ہے۔ (سنن أبی داؤد، صلاۃ السفر، حدیث: 1225)
نماز شروع کرنے کے بعد سواری کا رخ پھر جدھر بھی ہوجائے کوئی حرج نہیں۔

(4)
نماز شروع کرتے وقت، رکوع کرتے وقت، اور رکوع سے اُٹھ کر بھی رفع الیدین کرنا سنت ہے۔
جیسے کہ اگلے باب میں بیان ہوگا۔
دیکھئے: (حدیث 858 و859)
 
(5)
کانوں تک ہاتھ اُٹھانا بھی درست ہے۔
اور کندھوں تک بھی (حوالہ مذکورہ بالا)
نماز شروع کرتے وقت اللَّهُ أَكْبَرُ کہنا تکبیر تحریمہ کہلاتا ہے۔
کیونکہ اس سے نمازی پرکچھ پابندیاں لگ جاتی ہیں۔
اور تحریم کا مطلب پابندی لگانا ہوتا ہے۔
ارشاد نبوی ﷺ ہے۔ (مفتاح الصلاة الطهور وتحريمها التكبير وتحليلها التسليم)
”پاکیزگی (وضو)
نماز کی چابی ہے۔
اور اس کی پابندیاں عائد کرنے والی چیز تکبیر ہے۔
اور پابندی ختم کرنے والی چیز سلام ہے۔“ (جامع الترمذي، الطہارۃ، باب ما جاء أن مفتاح الصلاۃ الطھور، حدیث: 3)

اردو حاشہ:
فائدہ:
اس حدیث سے دیگر مقامات کے علاوہ دو رکعت پڑھ کر التحیات سے اٹھ کر بھی رفع الیدین کا ثبوت ملتا ہے مزید برآں اس پر دس صحابہ کرام رضوان اللہ عنہم اجمعین کی گواہی ہے کیونکہ کسی نے انکارنہیں کیا۔

اردو حاشہ:
فوائد و مسائل:
(1)
صحابہ کرام رضوان للہ عنہم اجمعین نے رسول اللہ ﷺ سے دین کے مسائل سیکھ کر زبانی بھی یاد رکھے اور عملی طور پر بھی، اس طرح ان کےشاگردوں نے بھی حتیٰ کہ وہ مسائل کسی کمی بیشی کے بغیر ہم تک پہنچ گئے۔

(2)
علمی مذاکرہ مسائل کوسمجھنے اور یاد رکھنے کےلئے ایک بہترین طریقہ ہے۔

(3)
آخری تشہد میں بیٹھنے کا طریقہ سجدوں کے درمیان بیٹھنے کے طریقے سے مختلف ہے اور وہ ہے تورک کا طریقہ، جس کی وضاحت اس حدیث میں ہے۔
تین اور چار رکعت والی نماز میں پہلے تشہد میں اسی طرح بیٹھا جاتا ہے۔
جس طرح سجدوں کے درمیان بیٹھتے ہیں۔
اگر دو رکعت نماز ہو تو اس کا پہلا تشہد ہی آخری تشہد ہے لہٰذا اس میں تورک کے طریقے سے بیٹھنا چاہیے۔

(4)
حدیث میں مذکور دیگر مسائل کی وضاحت گزشتہ ابواب میں اپنے اپنے مقام پر ہوچکی ہے۔

حدیث حاشیہ:
صحیح ابن خزیمہ میں دس بیٹھنے والے اصحاب کرام ؓ میں سہل بن سعد اور ابوحمید ساعدی اور محمد بن مسلمہ اور ابو ہریرہ اور ابو قتادہ رضی اللہ عنہم کے نام بتلائے گئے ہیں باقی کے نام معلوم نہیں ہو سکے یہ حدیث مختلف سندوں کے ساتھ کہیں مجمل اور کہیں مفصل مروی ہے اس میں دوسرے قعدے میں تو اس کا ذکر ہے یعنی سرین پر بیٹھنا دائیں پاؤں کو کھڑا کرنا اور بائیں کو آگے کر کے تلے سے دائیں طرف باہر نکالنا اور دونوں سرین زمین سے ملا کر بائیں ران پر بیٹھنا یہ تورک چار رکعت والی نماز میں اور نماز فجر کی آخری رکعت میں کرنا چاہیے۔
امام شافعی امام احمدبن حنبل کا یہی مسلک ہے آخر حدیث میں حضرت عبداللہ بن مبارک کی جو روایت ہے اسے فریابی اور جوزنی اور ابراہیم حربی نے وصل کیا ہے سنن نماز کے سلسلہ میں یہ حدیث ایک اصولی تفصیلی بیان کی حیثیت رکھتی ہے۔

حدیث حاشیہ:
(1)
یہ روایت مختلف طرق سے کہیں مجمل اور کہیں مفصل بیان ہوئی ہے۔
مذکورہ روایت کے مطابق پہلے تشہد میں افتراش اور دوسرے میں تورک کا ذکر ہے۔
اس کے تین طریقے احادیث میں بیان ہوئے ہیں:
٭ دایاں پاؤں کھڑا کر کے بائیں پاؤں کو دائیں ران کے نیچے سے آگے بڑھا دیا جائے پھر سرین پر بیٹھا جائے جیسا کہ حدیث بالا میں مذکور ہے۔
٭ حضرت ابو حمید ساعدی ؓ کا بیان ہے کہ جب رسول اللہ ﷺ چوتھی رکعت میں ہوتے تو بائیں سرین کے ساتھ زمین پر بیٹھ جاتے اور اپنے دونوں قدموں کو ایک جانب سے نکال لیتے۔
(سنن أبي داود، الصلاة، حدیث: 731)
٭ حضرت عبداللہ بن زبیر ؓ سے مروی ہے کہ رسول اللہ ﷺ جب نماز میں بیٹھتے تو بائیں پاؤں کو ران اور پنڈلی کے درمیان میں کر لیتے اور دایاں پاؤں بچھا لیتے۔
(صحیح مسلم، الصلاة، حدیث: 1307(579)
ان احادیث سے معلوم ہوتا ہے کہ رسول اللہ ﷺ سے تورک ثابت ہے اور آپ کبھی ایک طریقہ استعمال کرتے اور کبھی دوسرا، اور تورک اس تشہد میں ہوتا جس میں سلام پھیرا جاتا ہے۔
اس کی وجہ اور علت میں اختلاف ہے۔
امام احمد کے نزدیک اس کی علت "تفریق" ہے، یعنی پہلے اور دوسرے تشہد میں فرق کرنے کے لیے ایسا کیا جاتا ہے۔
اس کا مطلب یہ ہے کہ نماز فجر اور نماز جمعہ میں تورک نہیں ہے۔
امام شافعی ؒ کے نزدیک اس کی علت تخفیف ہے، یعنی تشہد اول چھوٹا ہوتا ہے اس میں تورک کی ضرورت نہیں اور تشہد ثانی طویل ہوتا ہے، اس لیے اس میں تخفیف ہے۔
اس کا مطلب یہ ہے کہ طویل قعود کے پیش نظر ہر نماز کے آخری تشہد میں تورک ہو گا۔
نماز فجر اور نماز جمعہ میں بھی تورک کیا جائے۔
بہرحال ہمیں اس بحث میں پڑنے کی ضرورت نہیں کیونکہ روایات میں صراحت ہے کہ جس تشہد میں سلام پھیرنا ہوتا اس میں تورک کیا جاتا۔
ابن حبان کی روایت میں نماز کے خاتمے کے الفاظ ہیں۔
(2)
ایک روایت ہے کہ اس مجلس میں موجود تمام صحابۂ کرام رضی اللہ عنہم نے حضرت ابو حمید ساعدی ؓ کے بیان کی تصدیق کی اور بیک زبان فرمایا کہ واقعی رسول اللہ ﷺ اسی طرح نماز پڑھتے تھے۔
(سنن أبي داود، الصلاة، حدیث: 730)
حافظ ابن حجر ؒ نے لکھا ہے کہ اس مجلس میں بیٹھنے والے دس صحابۂ کرام رضی اللہ عنہم میں حضرت سہل بن سعد، ابو اسید ساعدی، محمد بن مسلمہ، حضرت ابو ہریرہ اور ابو قتادہ رضی اللہ عنہم نے نماز کا طریقہ عملی طور پر اور بعض روایات کے مطابق زبان سے بیان فرمایا ہے۔
واللہ أعلم۔
(فتح الباري: 397/2) (3)
اس روایت کے آخر میں امام بخاری رحمہ اللہ نے کچھ استنادی مباحث بھی ذکر کیے ہیں جن کی تفصیل یہ ہے:
٭ اس حدیث کی سند میں تصریح سماع نہ تھی، امام بخاری نے دوسرے طریق بیان کر کے یہ ثابت کیا ہے کہ سند کے تمام راویوں نے اپنے شیوخ سے اس حدیث کو سنا ہے۔
٭ حضرت عبداللہ بن مبارک کی روایت کو جعفر فریابی، علامہ جوزقی اور ابراہیم الحربی نے متصل سند سے بیان کیا ہے۔
(فتح الباري: 400/2)
واضح رہے کہ مذکورہ حدیث طریقۂ نماز کے متعلق ایک اصولی اور تفصیلی بیان کی حیثیت رکھتی ہے۔
بعض روایات سے پتہ چلتا ہے کہ صحابئ جلیل نے اس حدیث کا آغاز طریقۂ وضو اور استقبال قبلہ کے ذکر سے کیا تھا۔