حضرت عبداللہ بن عمر رضی اللہ عنہمانے بیان کیا کہ نبی کریم صلی اللہ علیہ وسلم نے بنو المصطلق پر جب حملہ کیا تو وہ بالکل غافل تھے اور ان کے مویشی پانی پی رہے تھے۔ ان کے لڑنے والوں کو قتل کیا گیا، اور عورتوں بچوں کو قید کرلیا گیا انھیں قیدیوں میں جویریہ رضی اللہ عنہ (ام المومنین) بھی تھیں۔حضرت عبداللہ بن عمر رضی اللہ عنہماخود بھی اسلامی فوج کے ہمراہ تھے۔ [اللؤلؤ والمرجان/كتاب الجهاد/حدیث: 1129]