|
 |
الحمدللہ ! احادیث کتب الستہ آف لائن ایپ ریلیز کر دی گئی ہے۔
|
1- حدیث نمبر سے حدیث تلاش کیجئے: |
سنن ابي داود
كِتَاب الصَّلَاةِ
کتاب: نماز کے احکام و مسائل
28. باب كَيْفَ الأَذَانُ
28. باب: اذان کس طرح دی جائے؟
| حدیث نمبر: 501 |
اس سند سے بھی ابو محذورہ رضی اللہ عنہ سے اسی طرح مروی ہے کہ پہلی یعنی صبح کی اذان میں «الصلاة خير من النوم الصلاة خير من النوم» ہے۔ ابوداؤد کہتے ہیں: مسدد کی روایت زیادہ واضح ہے، اس میں یہ ہے کہ: آپ صلی اللہ علیہ وسلم نے مجھے دوہری تکبیر سکھائی «الله أكبر الله أكبر الله أكبر الله أكبر أشهد أن لا إله إلا الله أشهد أن لا إله إلا الله أشهد أن محمدا رسول الله أشهد أن محمدا رسول الله حى على الصلاة حى على الصلاة حى على الفلاح حى على الفلاح الله أكبر الله أكبر لا إله إلا الله» ۔ عبدالرزاق کی روایت میں ہے: اور جب تم نماز کی اقامت کہو تو دوبار «قد قامت الصلاة قد قامت الصلاة» کہو، (رسول اللہ صلی اللہ علیہ وسلم نے ابومحذورہ رضی اللہ عنہ سے فرمایا:) کیا تم نے سن لیا؟ (یعنی اذان و اقامت کو سمجھ لیا ہے؟) (سائب نے کہا) اس میں یہ بھی ہے کہ ابو محذورہ اپنی پیشانی کے بال نہ ہی کاٹا کرتے تھے اور نہ ہی مانگ نکالا کرتے تھے، اس لیے کہ نبی اکرم صلی اللہ علیہ وسلم نے اس پر اپنا ہاتھ پھیرا تھا۔ [سنن ابي داود/كِتَاب الصَّلَاةِ/حدیث: 501]
وضاحت: ۱؎: فجر کی اذان میں «الصلاة خير من النوم» کہنا مسنون اور رسول اللہ صلی اللہ علیہ وسلم کی تعلیم ہے۔ ابومحذورہ رضی اللہ عنہ کی ترجیع والی اذان ہو تو تکبیر دوہری ہو گی جیسے کہ بلال رضی اللہ عنہ کی اذان ہے۔ اگر اذان بلال رضی اللہ عنہ والی ہو گی یعنی بغیر ترجیع کے اگر ہو گی تو اس کی تکبیر (اقامت) اکہری ہو گی۔ جیسا کہ پہلے گزرا ہے۔
قال الشيخ الألباني: صحيح دون قوله فكان أبو محذورة لا يجز
قال الشيخ زبير على زئي: حسن
وأخرجه النسائي (634) وسنده حسن
وأخرجه النسائي (634) وسنده حسن
سنن ابی داود کی حدیث نمبر 501 کے فوائد و مسائل
الشيخ عمر فاروق سعيدي حفظ الله، فوائد و مسائل، تحت الحديث سنن ابي داود 501
501۔ اردو حاشیہ:
➊ حضرت ابومحذورہ رضی اللہ عنہ کی ترجیح والی اذان ہو تو تکبیر دہری ہو گی۔ جیسے کہ حضرت بلال رضی اللہ عنہ کی اذان ہے۔ اذان حضرت بلال والی یعنی بغیر ترجیح کے ہو۔ تو تکبیر اکہری۔ جیسا کہ پہلے گزرا ہے۔
➋ زیر نظر حدیث میں صحیح ترین روایت میں «الله اكبر» کے کلمات چار بار ہیں۔
➌ شیخ البانی رحمہ اللہ کی تحقیق کے مطابق حضرت ابومحذورہ رضی اللہ عنہ کا یہ عمل کہ وہ اپنے ماتھے کے بال نہ کاٹتے تھے یا ان میں مانگ نہ نکالتے تھے صحیح اور ثابت نہیں۔
➊ حضرت ابومحذورہ رضی اللہ عنہ کی ترجیح والی اذان ہو تو تکبیر دہری ہو گی۔ جیسے کہ حضرت بلال رضی اللہ عنہ کی اذان ہے۔ اذان حضرت بلال والی یعنی بغیر ترجیح کے ہو۔ تو تکبیر اکہری۔ جیسا کہ پہلے گزرا ہے۔
➋ زیر نظر حدیث میں صحیح ترین روایت میں «الله اكبر» کے کلمات چار بار ہیں۔
➌ شیخ البانی رحمہ اللہ کی تحقیق کے مطابق حضرت ابومحذورہ رضی اللہ عنہ کا یہ عمل کہ وہ اپنے ماتھے کے بال نہ کاٹتے تھے یا ان میں مانگ نہ نکالتے تھے صحیح اور ثابت نہیں۔
سنن ابی داود شرح از الشیخ عمر فاروق سعدی، حدیث/صفحہ نمبر: 501
