سیدنا معاذ بن جبل رضی اللہ عنہ سے روایت ہے انہوں نے کہا کہ نبی صلی اللہ علیہ وسلم نے میرا ہاتھ پکڑا اور فرمایا: ”اے معاذ!“ میں نے کہا: لبیک، آپ صلی اللہ علیہ وسلم نے فرمایا: ”بیشک میں تجھ سے محبت کرتا ہوں“، میں نے کہا: اور اللہ کی قسم! میں بھی آپ سے محبت کرتا ہوں، آپ صلی اللہ علیہ وسلم نے فرمایا: ”میں تمہیں ایسے کلمات نہ سکھاؤں جنہیں تم اپنی ہر نماز کے بعد پڑھ لیا کرو“، میں نے کہا: جی ہاں، آپ صلی اللہ علیہ وسلم نے فرمایا: ”کہو! «اللهم أعني على ذكرك وشكرك، وحسن عبادتك» ۔“ [صحيح الادب المفرد/حدیث: 534]