مجاہد سے روایت ہے کہ انہوں نے کہا کہ مجھے نبی صلی اللہ علیہ وسلم کے اصحاب میں سے ایک آدمی ملا اس نے پیچھے سے میرے کاندھوں کو تھام لیا اور کہا: سنو میں تم سے محبت کرتا ہوں، مجاہد نے کہا: اللہ بھی تم سے محبت کرے، جس کی رضا کے لیے تم نے مجھ سے محبت کی۔ اس پر انہوں نے کہا: اگر رسول اللہ صلی اللہ علیہ وسلم یہ نہ فرماتے کہ جو شخص کسی دوسرے آدمی سے محبت کرے تو وہ اسے بتا دے کہ وہ اس سے محبت کرتا ہے تو میں یہ بات تمہیں کبھی نہ کہتا، اس کے بعد وہ میرے سامنے ایک نکاح کی پیش کش کرنے لگے اور کہا: سنو ہمارے یہاں ایک لڑکی ہے لیکن وہ نابینا ہے۔ [صحيح الادب المفرد/حدیث: 422]